بنات ساعدوني ابي اشتري جلب بس محتاره ساعدوني

[الامل المعدوم]

السلام عليكم و رحمه الله و بركاته
بنات ابي اشتري جلب احب الجلاب بس ساعدوني شنو تنصحوني اي نوع اشتري جلب بليز ساعدوني


و مشكورين

 

[عيون&الريم]

هلا حبيبتي لووول انا مغرمة بالجلاب وان شاءلله عن قريب بتبنى جلب واايد عاجبني

اسمه{{> great pyrenees

انصحج فيهاااااا

 

[فـدوه]

اختيارج للجلب يعتمد على اشياء وايد. خبرتج, قدرتج انج تعتنين فيه من حيث التمشية اليومية و التنظيف و اذا عندج مكان.
واذا تبينه للوناسة او الحراسة. و اذا عندج اطفال في البيت.

في انواع و ايد زينة من كل الاحجام. و اذا تبين مكان تطلبين من خلاله جلب و اييبونه لج عندج Pet zone
او تقدرين تروحين المحلات اللي عندهم جلابة . بس دايما سوي سيرج على الجلب و طبيعته قبل ما تشترينه. أنا شخصيا احب الGolden retriver .

 

[ليدي الحاره]

بس للتذكير لاتدخل الملائكه بيتا فيه كلاب

 

[أسيـ(^_^)ـل]

اللي يقتني كلب غير الحراسة والصيد ينقص كل يوم من أجره قيراط !!!!!!!!!!!!!!!!!!!!!!!!!!!!!!!!!!!!!!!

والقيراط كالجبل

 

[أسيـ(^_^)ـل]

http://www.islamweb.net/newlibrary/display_book.php?idfrom=375&idto=375&bk_no=44&ID=235

 

[Qـويتية]

كلام الاخت فدوة عدل وإذا توج يديدة على تربية الجلاب اخذي لج أنواع صغيرة مثل Yurkshire أو pomeranian أو Maltese أو shu tzu ومن هالأنواع الصغيرة وما يحتاجون مشي وايد إذا في مساحة في البيت ولازم تعرفين الجلب ما ينحط برا البيت ولازم تتحملين شلون تدربينه على الحمام والأوامر يعني لا تشترين الحين وتتوهقين !!! اقري وااااايد عن الجلاب وكيفية الاعتناء فيها وأنواع الأكل الزينة والشينة .... إلخ !!!

عيون&الريم حياتي أمووووووووووووووووت على هالنوعية أنا بعد !! إذا قصدج إلي في KSPATH تراه هجين مو أصلي !!! وهذا نوع ضخم من الجلاب يبيله عناية وواحد خبرة بالجلاب بس يونسووووووووووووون صج خاطري بواحد أحب الجلاب الكبار

 

[الاميره نوسه]

شي مقرررررف

 

[broor]

على حسب
اذا تبين فصيلة ما اطيح شعر
اذا تبين حجم صغير او كبير

يعتمد اختيارج على اشياء وايد.
حتى التدريب بعضهم سريع و البعض عنيد

و الاخت الي تقول ينقص حسنات ترا كلامها صح
فكري فيها اذا بره بيتكم ولا داخل له غرفة خارج المنزل و جذي

 

[Loloki]

اخذيلج جيرمن شبرد احلى

بوليشي طبعا اخذي اصلي مو مهجن

في نوعين لونق هير وشورت هير.

لونق هير شعره كثيف. وشورت لا شعره خفيف

ورك لاين وشو لاين
*
work line

show line شفتي كسره الي بظهره شلون نازله هذا يقصدونه

وهذي صورته
http://www.google.com/search?hl=en&...vwUoAQ&q=جيرمن+شيبرد&spell=1&biw=1024&bih=690

انا كان عنطي روت خذيته من اهو صغير اييييين لما كبر لعوب

اذا تبين جلب ما يكبر اخذيلج بجي فرنسي لونه رمادي فاتح


*

 

[tnkora]

تدرين ابدي بالجلاب الصغيره

تدرين انا احب الجلاب بس انا شاريه رضا ربي
وما ابي اخسر الحسنات الي عطانيياها ربي

 

[عيون&الريم]

انا الجلب اللي بجيبه حق حراسه
اول شي انا بامريكا وزوجي يطلع الصبح ومايرد الا بالليل وانا باخذ بيت يعني بحطه بالحديقه مو داخل البيت وعالعموم مدينتي حدها تخرع يوم عن يوم اسمع سرقة بيوت وقتل ناس

انا بجيبه حقي عشان يحرسني وتعرفنو ماعندي احد بالبيت بس بروحي وصراحه ميته خوف

 

[kuwait_queen82]

واي انا احب لجلاب بس ادري موقد المسوليه كان عندي قطوه عمرها اربع شهور تبجي علشان اسبحها لين صار فيها فطريات علاجتها و عطيتها حق وحده , و قبل لا تفكرين تتبنن نفس ماقالو خواتي عندج خبره اشلون تعتنين فيهم و الاهم عندج وقت تخصصينه لهم لاه
هذي روح و الله هم بيسالنا عنها

دام جذي ايبيلج جلب امدرب من مدرسه تعليم حسب علمي جيرمن شيبرد احسن جلب للحراسه . والله يعينج على الغربه

 

[nima120]

من أجمل صور الكلاب التي رأيتها