بنات ساعدوني انا اتحسف اقط الاشياء !! :(

[الزين يفرض نفسه]

سلام عليكم


بنات انا عندي مشكله اول ما اعتبرتها شي كبير بس الحين متأذيه منها

مشكلتي اني اتحسف اقط الاشيا اللي مابيها

تشوفون كبتي متروس هدوم ما البسهم لاني اتحسف اذا قطيتهم او وزعتهم احتاجهم مره ثانيه معنه تفكير غبي لاني الحمدلله خير ونعمه اقدر اشتري بدالهم بس مادري اخاف اتحسف

حتى المجلات والكتب والقصص والدفاتر وملفات وفايلات وقصاصات جرايد ومجلات مكودتها على اساس اني بقراها ... (( بـ بـ ب ب ب بقراها بشوفها مادري متى تصير فعل واقعي :eh_s(3): )) فتشوفون داري عفففسه مابي اقط شي الا لمن اقراه مادري من وين تطلع هالاشيا !!


ونفس الشي بالنسبه حق المكياج والجناط والجواتي تكرمون وهدايا قديمه واشياء تذكاريه اخاف اقطها اتحسف اقول للذكرى

الحين انا اتخذت خطوة للامام لاني عروس خذيت كل ملابسي القديمه وجناطي والجواتي وعطيتهم حق الخدم والمحتاجين بس باجي الاشيا مثل المجلات والكتب والاوراق والاشيا التذكاريه مادري شسوي فيها !!

(((تذكرت قصه شايفتها في برنامج اوبرا ونفري يايبه وحده بيتها بيمشييييي من الاغراض ماكو مكان حق دوس الريل يعني صج ادشين بيتها وتمشين على الاغراض والملابس والاشيا كلها على الارض تقول فيها حالة نفسيه ماتحب تقط شي حتى كراج سيارتها كللللله كراتين وعلب فيهم اشيا ماتبي تتخلص منهم او بالاحرى ما تعرف شلون تبدي تتخلص منهم ......)))) <<< طبعن شكو انشاءالله محد يوصل لي هالدرجه بس يعني قصه وتذكرتها وبقولها

 

[حرير]

مو بس تعانين هالمشكله....لكن انا الملابس ما اخرنها....بس القراطيس والكتب اعزهم....وفي الاونه الاخيره اشتري كتب لا اقراهم....؟؟الله يهدينا

 

[bnt_7waa]

نفس المشكله بس انا اوزع يعني وايد اشياء يمكن ولا لبسه اعطيها حق خواتي ولا احد..واذا كانت مستعمله اعطيهم اللجان الخيريه..

وبالنسبه حق المجلات نفس الشي تقدرين تتبادلين او الكتب ومره قريت بجريده الوسيط انهم يشترون الكتب ..بس ماني عارفه الرقم جم..

 

[الزين يفرض نفسه]

مشكورين بنات على الرد

وحلوه فكرة بيع الكتب

 

[* عباية راس *]

الملابس والجناط عطيهم للجنه الخيريه والكتب أذكر في موقع تبيعين فيه الكتب أظن اسمه حلالي وفي واحد ثاني أظن اسمه المكتبه بيعيهم واستفيدي بالفلوس ونصيحه تخلصي من هالعاده السيئه وراج زواج ان شاء الله ترى بتروحين بيتج وتكودين بالأغراض لأنج تعودتي وعاد الرياجيل مايصدقون يمسكون شي عالمره تعودي من الحين عالترتيب

الله يوفقج

 

[dal3 kuwaiti]

انا الحمدالله اللي ما احتاجه من ملابس اعطيه الصدقه هم اولى فيهم وما اتحسف علي شي والاشياء التذكاريه مستحيل اقطهاااا

 

[الاسطورية]

انا مثلج ماحب اقطط شي
ولما تزوجت شريت صندوق كبير حطيت في كله ذكرياتي لووووووول وخليته بداري بيت اهلي

بس المجلات ماله داعي قطيها

 

[Dancing^Queen]

الله يعافي صناديق ايكيا ماتقول لأ حطي اللي تبينه فيها وفرزي يعني كتبي علي الصندوق شنو فيه

 

[عرووووس الكون]

انا كنت مثلج بس شنيت حررررب على اغراضي وودعتهم من غير شر خخخخخخخ

 

[SILVER ROSE]

انا اسوي مثل دانسنق كويتن احط الكراتين واكتب من برة شنو داخلهم

 

[ليمونه حلوه]

اتا هم نفسج بالملابس احسن انى راح احتاجهم بعدين
لكن الظاهر انج شيشتينى بروح انفض دارى واطلع المستخبى

 

[Swan]

زين سويتي ووزعتي اغراضج
وبالنسبة للأشياء التذكارية القديمة
انا حاطتلي صندوق خاص لهالسوالف ولي الحين محتفظة فيه
وحطيت لي مكتبه حاطة فيهم كل كتبي والمجلات اللي ابيهم

 

[زيـنـه]

الله يعافي صناديق ايكيا ماتقول لأ حطي اللي تبينه فيها وفرزي يعني كتبي علي الصندوق شنو فيه

بالضبط كراتين ايكيا و فرزي الاشياء اللي صج تبينها للذكري واللي ما تبينها قطيها ماله داعي الحوسه الزايده
و خزني هالكراتين في كبت دارج في بيت اهلج لانج لا انتقلتي بيت زوجج كبت دارج اللي في بيت اهلج بيفضى

و الملابس اللي يمر عليه سنتين و لا انلبس .. وزعيه .. لانه ما راح ينلبس !

و علمي نفسج على الترتيب و عدم التخزين .

 

[بطاطا]

مممممممممم

الملابس كنت نفسج بس قبل شهر تقريبا طلعت 3 جياس حجم جيس تكرمون الزبالة ملابس بس و غير الجناط ..... و كان السبب بصراحة انهم مكودين من سنين و ما ينلبس منهم شي و اتحسف اقطهم و دايما اتحلطم ماكو مكان و ماكو مكان و كاني قطيتهم لا احتجت لهم و لا شي << بصراحة احتجت حق بدي واحد تحسفت عليه

بس الكبت صاااار عجيب وسيييييييييييييييييع و مريح و كل شي تبينه تلقينه بسرعه




المجلات انا اشوة اني مو من متابعين المجلات العربية كلش بس عندي مجلات ايام المراهقة اااااااااااااااخ حق فرق اجنبية و جذي متحسفة اقطهم حاطتهم بكرتون من سنييييييييين و تحت الكبت الله اعلم بحالهم الحين


و الكتب عندنا مكتبة تحت فيها الكتب اللي نحب نحتفظ فيها و اذا كتب تبينها عندج اخذي الستاندات حطي عليهم الكتب يطلع منظر حلو و تحفظيهم عن الحووووسة

 

[الكريستال]

ابيييييييييييييييييه تقريبا نفس مشكلتي
انا ما احب اقط الملابس لانكل قطعة اشتربيها احسانها عاجبتني وجزء مني
تصوروا الحين قعدت اخفف ملابسي الشتوية تقريبا 4 جناط اللي ما راح البسهم الحين بس كلهم متحسفة عليهم
هذا غير اللي راح استخدمهم معلقين باستاند تقريبا طوله 2 ونص او اكثر فوق وتحت يعني اكثر من 5 امتار
وكل مابقط قطعة اتحسف

 

[د.شريفة]

انا كنت جذي ومازلت في بعض الاشياء
كنت اخش كلشي بعض الملابس اقول الله احبهم بس ما البسهم
خاشتهم ليش مادري
وقصاصات من المجلات
اشياء للذكرى لي متى لي متىىىىىىىىىىىىىىىىىىىىىىىىىىىىىىىىىىىىىىىىىىىىىىىى
قررت اني اقط كلشي يوم انتقلت حق شقتي اليديده
قطيت قط بالزباله الاغراض اللي ما ابيها كلها اللي بس ماخذين مكان على الفاضي وصارلهم سنين مااستخدمتهم كله اقول يمكن ايي يوم واحتاجهم على الطل
المهم والملابس بكراتين حطيتهم ووديتهم اللجنه للفقراء والمحتاجين والجناط والجواتي كلشي كلشي صرت خفيفه نظيفه لطيفه

والله صار مكاني وسيع ونظيف بدل الدثره والاغراض اللي مكوده مامنها فايده

بس صديقيني صيري قويه مره وحده بعدين كلشي راح ينقط بالزباله او تتبرعين فيه