بنات ساعدوني بروح تايلند :]

[^^ B6a6a ^^]

السلام عليكم


بنات انا اول مره اروح تايلند

ابي اعرف بالضبط شلون احجز على اي طيران ابي بانكوك وبوكيت

احجز حق اي وحده اول وشلون اروح حق الثانيه احجز من اهني ولا لما اوصل تايلند؟

والرده من الكويت احجز ولا بعد من هناك لانه اخاف اتوهق ومااحصل


ساعدوني صججج مااعرف

 

[MayOumii~]

..

,,
حبيبتي البنات يقدرون يساعدونج انا مالي بهالسوالف ((=
بس حبيت ارفع موضوع..~

وعلى فكرة احنا بغينه انروح تايلند هالسنة بس هونا لان اشعاعات اليابان للحينها موجوده وتدرين بعد تايلند صوب اليابان ((=
بس حبيت انبهج " حب لاخيك ما تحبه لنفسك "

((=

..

,,

 

[حبك ذبحني]

هلا حبيبتي باعتباري انا من رواد بانكوك احب انصحج انج تسوين روحتج ورجعتج من الكويت اضمن بعدين اذا بتروحين عالكويتيه راح تنزلين ببانكوك ومن بانكوك من المطار تقدرين تحجزين حق بوكت لان في طياره كل ساعتين حق بوكت وطبعا لا تاخذين اي طيران حق بوكت اخذي اما طيران التاي او بانكوك ايير احسن وفي درب ثاني انج تسافرين عالقطريه لانها دايركت تروح بوكت يعني مااطبين بانكوك اتمني اني اكون فدتج واي استفسار انا حاضره

 

[om MaRyooM]

هلا والله


احسنتي الاختيار تايلند احلى ديرة



شوفي عادة والافضل لج تروحين بوكت اول شي . .والردة تصير من بانكوك لأن بانكوك فيها تسوق يعني ماله داعي تروحيلها اول شي وتاخذين الوزن معاج لي بوكت عرفتي حبوبة


بس بشكل عام اي طيران بتروحيله من الكويت ماينزلج علطول بوكيت .. اول شي بانكوك بعدين تاخذين طيران داخلي (اير اسيا، او بانكوك اير وايز، او تاي اير وايز) وتروحين فيها لي بوكت

وعموما ارخص طيران داخلي اهوا اير اسيا اللي لونه احمر


وانشالله اكون افدتج بشي قلبووش .. تروحين وتردين بالسلامة

 

[أم سيف وسلطان]

اول ترانزليت بانكوك وتاخذون طيران داخلي بوكيت

وطيران الاتحاد اعتقد يودي دايركت بوكيت

 

[بنوتة صلالة]

تااايلند حلوووة وانصحك تجلسي عند الشارع العربي مرة حياااااااااااااااااااه في بانكوك

 

[حوراء العين1976]

شوفى حبيبتى انا تونى راجعه من تايلند يعنى فرش احسن شى حجزى روحه ورجعة من الكويت علشان تظمنين مكان وحجز وثانى شى اذا ناويه تروحين بوكيت لاتاخذين معاج وزن لانه المسموح الوزن الداخلى 20 بس وانصحج انج تحجزين عن طريق النت واول شى روحى بوكيت وبعدين بانكوك وبعدين بالرجعة حاولى اذا اشتريتى وايد حاولى انج دزيهم بالشحن لانه وايد ياخذون على كيلو وانتى مسافره لاتاخذين وايد اشياء ملابسج كله قطنية وخفيفة لانه حر واخذى الوان فاتحه واتمنى لج رحلة سعيدة

 

[miele]

قوه اختي بالنسبه للحجز البنات ما قصروا

انا بعطيج جم نصيحه من اخت الا اختها انا رحت لها مرتين وودي بالثالثه بس لوما سالفه الاشعاعات وهالسوالف...

حبيبتي الشارع العربي او نانا ستريت روحيله الصبح ولااااا تطبينه بليل بتلوع جبدج من الاشكال الي فيه واذا رحتي الصبح اشتري منه العود ودهن العود شي عجيييب انا لما خذت ما بقا احد ما سأل تحسفت ليش ما جبته بضاعه وكاسرييييهم ترا نصابين وسكني بفندق اماري ووتر جيت قباله بالضبط بلاتينيوم مول شحلاته سوق رخيص وفيه ملابس تجنن

وبوكت انا كنت ساكنه في (دانجيت ريزورت) حلو وبالشارع الرئيسي لبوكت(باتونق بيتش) يبعد عن الشاطئ 5 دقائق مشي شوفي صورته بموقع بوكينج, وانصحج لوجه الله الساعه 8 بليل اقصى حد لكم بالتمشي وردو الفندق عشان تتحاشون المناظر والتفصخ وبنات الليل وانتوا بكرامه...

والله يوفقج انشالله واذا تبين اسواق واماكن حلو شوفي تقارير البنات مكفين وموفين خصوصا تايلند انا استفدت منهم حييييل

 

[thailand lover]

روحي لبوكيت اول عشان الريلاكس و هالسوالف يلسي افندق بانيان تريي بوكيت و عقبها روحي ل بانكوك حق السوق خل السوق اخر شي احسن و اسكني فاماري الي فشارع العرب اماري بوليفارد يعجبني و وايد زين