بنات ساعدوني بلييييز !!!

[busy-bee]

السلام عليكم و مبارك عليكم الشهر
بنات انا صارلي 4 سنين متزوجه و طول هالفتره مشاكل بين و بين زوجي انا احبه حيل
و هو وايد زين مع عيالنا بس صار يكرهني و مره يقول ننفصل و مره يقول نظل متزوجين
بس بالاسم .. انا تعبت بس الطلاق مو حل بالنسبه لي

بنات ودي اروح عند دكتور استشيره بس ما اعرف هالدكاتره الا بالاسامي و مادحينهم حيا

بنات قولولي منو احسن دكتور من هالثلاثه :

1- حمود القشعان
2-رشيد العويد
3- مصطفى بوالسعد

انا مدحولي دكتور مصطفى ... انتو شرايكم ؟؟؟

 

[popa]

الله يعينج ويصبرج على بلواج

 

[جامعيه كويتيه]

؛
يقلبي الله يسخر لج قلب زوجج ويحفظكم لبعض ولا يجيب الطلاق..
نصيحتي لج يالغاليه واحنا بالشهر الفضيل المبارك
ادعي ربج حيييل وكثري من الاستغفار وابعدي عن الدكاتره....؟؟ خليج مع الله سبحانه وتعالى قادر ع كل شي
وتعاملي مع زوجك بأدب وهدوء وحاولي تكسبينه وتحلين مشاكلج
اسأل الله ان يرزقج الفرج العاجل يارب...

 

[Mjnont '3lay]

مع جامعيه اكيد
الدكتور حاله من حالنا احيانا يمر بمشاكل او ظروف مايقدر يحلها مع انه دكتور
بس كل شي بيد رب العالمين استغلي هالشهر الفضيل وادعي ربج والله ييسر امورج يارب

 

[جـنـون]

ماقلتي لنا ليش كرهج .. ليش يبي ينفصل ؟

في أسباب .. ولا جذي بدون سبب !!

إذا بدون سبب .. عاد شوفي منو الي تارس عينه وماخذه
انتي اسأليه عن الأسباب .. وإن كانت بيدج تغيرينها غيريها
وحافظي على بيتج ..

 

[ريماR]

انا اقول دام وصلت للطب النفسي طلقيه وافتكي
شنو ها الزواج الي هبل فيج

 

[اميره1980]

ما اعرفهم الدكاترة
بس حاولي تتمسكين فيه حرام بعد هالحب يروح و شكله زوجج طيب لكن ابليس شاطر و دش بينكم
فرصتج الحين رمضان و يايه ليلة القدر بكلمة وحدة من رب العالمين ينصلح حالج و ربي قال كن فيكون
عليج بالدعاء و الصلاة و باجي اعمال الخير و ربي ما يرد ايدج فاضية

 

[فوفو22]

الاستشاره بشنو....؟؟؟؟

اذا في مشاكل زوجيه تبين حل لها روحي لدكتوره فوزيه الدريع انتي معه

فوفو

 

[Gifts&Occaions]

الله يعينج

 

[الأميرة جوري]

حاولي تعرفين له شنو يضايقه وتبعدين عنه وشنويحبه سوي له ...مع الوقت راح يحبج ويقدرج لانج مشايه علي اللي يبي ومريحته كثر المشاكل تسبب كره لو يحبج يكرهج لازم تناولين عن اشياء علشان تمشي حياتكم