بنات ساعدوني بنتي ماناسبهاولا حليب

[سارونه السنيوره]

بنات ساعدوني بنتي عمرها 4 شهور والمساك معاها مزمن
وغيرت حليبها 4 مرات ومافادها
وتخرج كل 3 ايام
شنووووو اسوي وبنتي حيل صغيره اللي يشوفها يقول توها طالعه من الاربعين:bbbiu:

 

[xxx]

جربي حليب نوفولاك الخاص بالامساك

ان شاءالله ينفعها

وماي غريب حطيه مع الماي يمشي البطن

ولاتنسين الاعشاب من الحواي (حبة حلوة وكراويا)

 

[سارونه السنيوره]

بنت الكويت انا جربت حليب نوفلاك حق المساك مانفعها

 

[الأميرة جوري]

عطيها منقوع التمر بتدعيلي اذا ياعت عطيها منه

 

[mama-dodo]

وديها عند الدكتوره سعاد البصيري
حيل زينه وراح تفيدج

 

[@ام يوسف@]

ااااااااااااااااب

 

[دمثة]

غيري الحليب الي ابتاميييل ترا زين

 

[عنووشه]

حبيبتي هل كشفتي علي الامعاء يمكن فيها شي


لانه اربع مرات تغيرين للحليب كاافي. وزياده



اعرضيها علي طبيب وشوفي شنو يقولج


وحاولي تعطينها مااااي واجد


والله يشافيها لج

 

[روحي تحبk]

نوفلاك زين
وعطيها منقوع التمر يمشي بطنها
ووديها للطبيب احسن

 

[عــ2009ــــروس]

عطيها حليب اس٢٦ الخاص بالغازات ممتاز
واخذي الحليب اللي ماترجع عليه وضيفي معاه سكر نبات الياهل يحب الشيره
وبين الرضعات عطيها منقوع التمر

انا بنتي جذي الله يعينج مجربه معاناتج

 

[نـعـومـه]

ابتاميل زين ترا

بس هم استشيري دكتور

انا بنتي عفسها اس 26 وسيميلاك بس ابتاميل زين

واذا عن الامساك سوي تمر زين

 

[beauty rose]

ولدي كان يبجي بجي على الغازات و الامساك
الدكتور قال لي ادهن فتحة الشرج بشوية فازلين و حمدلله صار احسن
سبحان الله الياهل ما يدري من وين يخرج و ما يعرف من وين يطلع
ساعديها مسكينه

و شغله ثانية تمشي البطن جربتها وااااااايد زينه التمر
ييبي ماي مغلي صبي بصحن صغير تكونين منظفته عدددددل
و حطي فيه تمرة او تمرتين حسب شكثر الماي و هرسيها بشوكة نظيفة خليها بو 5 دقايق تنقع
و شغلي الماي صبيه بالممية و شربيها
اهم شي تشرب رقم 1 مو لازم وايد
شربيها مرتين باليوم رقم 1
و ان شاء الله بيمشي بطنها

بالنسبة للحليب مادري شنو النوعية الزينة ولدي من الاطفال الخدج فأشربه حليب خاص للخدج

 

[attoosh]

حبيبتي عادي لا تحاتين في وايد يهال جذيه طبيعته من الله مو شرط مرض انا عيالي اثنينهم توام وحده عادي تخرج طبيعيه والثاني امساك مثل بنتج كل يومين ثلاثه اهم شي شربيها ماي وايد والحليب لا اكون فيه نسبة حديد وايد لانه اهو اللي اسبب الامسك بشكل رئيسي وشربيها اعشاب دايما

 

[ايمان80]

حليب نان١ha
وايد راح يناسبه انا بنتي جذي


جربيه وبتدعيلي
ولاكبرت حولي علي رقم٢،٣
بس شرط مكتوبha

 

[ام الدرر]

حبوبة
الرضع صعبة تغيرين لهم الحليب بروحج لازم استشارة دكتور ​

 

[روج كرزي]

مثل بنتي جننتني وبالايام ماتخرج وتعصر ووجها بنفسجي يصير ومن حليب الى حليب ليما استقريت على ابتاميل كومفورت والحمدالله لمن راح الامساك استعملت ابتاميل العادي1 . ونصيحه شربيها حليبتها وتريعيها بنص الرضعه وعقب ماتكملها لان الامساك يتعب البطن .. ولاااازم ماي انا بنتي ماكانت تحب الماي تطلعه بره ليما الشهر الثالث كنت اشربها بأبره غصب ,, الدكتور يقول مهم اقل شي 3 مرات باليوم ..
وبالشهر الرابع بطنها عورها وتبجي وديتها مره همزتها وعطتها سعوط والحمدالله قامت تضحك . هالبنت البجر وماعندي غيرها وجننتني . الله يشفي بنوتج يارب.