رد : بنات ساعدوني تكفوووون تربيه عمليــــه
هلا حبيبتي الله يعينج ويوفجج يارب
والله ودي اساعد ولو بشي بسيط ترا المهن اللي مختارتهم حلوين وقربه من بعض استفيدي من هالشي عندج ادووات النجار اللي بالعهده بركن الالعاب التربويه تنفعج بالدرس
اول شي ان في على قولتج ناس يبون يبنون بيتهم منو يحتاجون و اتيبين مثلا صندوق مع الاطفال يتعرفون على الشخص اللي يحتاجونه حق البناء تحطين في الصندوق صور عن البناء و ادواته و تحطين عقب صورة بيت على السبوره ولا رسمي مربع ان خلاص بنالهم بيتهم و بعدين محتاجين يكون بيتهم بالوان حلوة شنو يسون بيقولون لج يصبغونه (مو كل شي تقولينه انتي لهم ) خليهم يقولون كلمة يصبغونه مو كله تلقين منج عاد قوليلهم منو يحتاجون ؟ يله نفكر اطفال و بعدين تورينهم مثلا باللاب توب صورة او فيديو عن الصباغ عاد اليوتيوب متروس هالشغلات ترا مو حلو كله تحطين صور بالدرس حلو تنويع بالدرس ولا اقولج خليه بالبروجكتر احسن اهما يحبون جهاز العرض البروجكتر طبعي صورة صباغ و حصيها بالبروجكتر قوليلهم بنتعرف على شخص يصبغ لهم البيت عشان يطلع بالوان حلوة و تقولين لهم هذا الصباغ مهنته يصبغ البيت و الابواب و جذي و بعدين كملي على البيت اللي على السبورة حطيله اوراق قص ولزق ملونين طبعن مايكفي الوقت ترسمين السبورة لهم حطي اوراق ملونه وبالمغناطيس ان الطوفه انصبغت و بعدين يا حلوين بيتهم خالي يبون اثاث وين ينامون و ين يقعدون شنو يسون بيقولون لج يشترون لهم اثاث او سرير وجذي انزين منو يسوي الاثاث و السرير و الابواب اللي من خشب طبعن اشرايكم نروح مثلا ركن الالعاب التربوية و نكتشف منو هالشخص اللي ممكن يسويلهم اثاث من الخشب تروحون كلكم ركن الالعاب التربوية اللي فيها عهدة ادوات النجار و تقولين لهم طالعوا اطفال هذي ادوات الشخص اللي ممكن يسوي لنا اثاث من خشب و تبطلين لعبه النجار و تشرحينها مثلا هذا مسمار و هذي مطرقه بس اطفال وين هالشخص اللي يسوي هالعمل وينه وينه وينه وتخلين صورة بالركن عن صورة نجار وانتي ادورين ساليهم خلونا اندور هالشخص و طبعن خليها بمكان واضح بحيث ان طفل من الاطفال بيقولج كاهو لقيته خليه اهو يلقاه و بعدين تقولين لهم ان هذا هو النجار و تردون للحلقه و تحطين صورة قص ولزق بالمغناطيس شي بسيط بس سرير و طاوله و جم كرسي ان النجار سواهم واكتمل البيت و تلعبون مسابقه اخر شي مثلا يجمع صور متعلقه بالنشاط توزعين صور على الاركان عن النجار و صور ادواته و صور البناء و ادواته و صور الصباغ و ادواته عاد ياكثر هالصور او انج تحطين نشيده الخبره احسن شي لانه عقب هالحوسه مايكفي الوقت و طبعن من خلال الشرح تعززين الاجتماعي و بالتوفيج ان شاء الله يكون عاجبج
