بنات ساعدوني حدي معصبه

[ماما ايمان]

بنات حدي معصبه ساعدوني بمووووت من القهر عجزت أسلى زوجي سافر يوم الجمعه من غير ماأدري ولاقالي جهز شنطته بسكات ومن غير ماأشوفها حتى أرسلي مسج كاتب فيه أنا مشيت دبي وبرجع الثلاثاء انتبهي للعيال شسوي ساعدوني حتى ماكلمته ولا لي خلق عليه متزوجه لي احدعشر سنه وعندي ثلاث عيال بس البكر مات من سنه وشوي وهو اول مره يسويها وانا منصدمه حددددددددي ساعدوني وشوروا علي .

 

[باااربي]

ميخالف يمكن صارله ظرف ماقدر يقولج
او سفرة سريعه طارئة
الله يكون بعونج
دربالج تقولين له شي وهو مسافر
عشان لا تغثينه
اذا رجع يصير خير
والله يعينج :yaaaaaarb:

 

[دهورتني يازين]

.. الله يهدي ما بينكم ..

حلي الاموور بهدووء ,,​

 

[Laidy n3ooma]

الله يعيييينج

مالج الا الدعاء

 

[شذى الحب]

اخلي الامور بهدووووء الله يوفقكم يارب

 

[sharshora80]

حياتي لاتزعلين
والتمسي له العذر يمكن نفسيته تعبانه من اللي صار لاولدج الله يرحمه او حس ان فالسفره راح تغير شئ بالركود اللي حايشكم
فرشي سيادتج وادعي ربج ولا تعصبين واستغفري ولما يرد ريلج استقبليه ولا تحنين عليه بس عاتبيه بنظرة وعقب ما يرتاح قوليله انا ما اعارض سفرتك بس بلغني قبلها علشان اقولك اللي ابيه واللي محتاجته علشان توفره لنا قبل لا تسافر
صدقيني لا تقولين لا راح يتعود وما ادري شنو

هو اصلا راح ينصدم من موقفج وراح يقعد لج قعده بيعرف شنو اللي غيرج
وهم انتي تفتكين من المناجر ولوعت الجبد
الله يهدي سركم يارب

 

[شذا الياسمين]

حبيبتي الله يفرج همج ..
اذا هي أول مرة فوتيها فديتج بس لا يعيدها ربي يسخره لج ..

 

[ماما ايمان]

بنات ربي يسعدكم اسعدني مروركم بس حتى أنا من مات ولدي وانا منقلبه حياتي اضحك واسولف بس قلبي مكسور داخلي جرح كبير حتى أنا ابي أوسع صدري واستانس مرت علي ايام وشهور من مستشفى ليمستشفى كنت اتنوم مع ولدي الله يرحمه ايام كل ماتذكرتها طار قلبي من محله حتى أنا محتاجه اغير جو وربي بموت من الهم

 

[انا لحبيبي .]

اول مره بسويها؟؟

اتلمسيلو عذر ، انتي متأكده انه زوجك منيح ؟؟ سفرت زوجك فجأه لا سمح الله يمكن تعبان او في شي عنده

ومابدو يحكيلك عشان ما يشغل بالك ، التمسي عذر حبيبتي وابعتي واطمني عليه بما انه الموضوع اول مره

والله يرحم ابنك يارب العالمين ومثواه الجنه ان شاء الله ، يشفعلك يوم القيامه يارب العالمين

 

[Tulips]

الله يعينج

هذا حال اغلب الحريم

كلميه بهدوء وان شالله يسمع منج

 

[FeShinGoOo]

طنشيه ولا تكبرين الموضوع صدقيني بيموت قهر وبيصير مينون لانه متوقع الحين بتاخذينه بالصيحه بس لو حقرتيه بينصدم واهو الي راح ايي ويتكلم ويقولج ليش سوى جذي

 

[انفاس فاتنه]

غاليتي الله يصبر قلبج
إعذريني على كلامي اللي بأقوله يمكن انتي السبب في سفرته من خلال تعامل او شي ثاني او إنك مقصره معه بحاجه مااقول إلا الله يسخره لك ويهديه

 

[ام الحلوااات]

طنشيه ولا تكبرين الموضوع صدقيني بيموت قهر وبيصير مينون لانه متوقع الحين بتاخذينه بالصيحه بس لو حقرتيه بينصدم واهو الي راح ايي ويتكلم ويقولج ليش سوى جذي

:rerrerek: :rerrerek: :rerrerek: :rerrerek:

 

[ماما ايمان]

مشكوره ماقصرتوا حبيباتي لا بالعكس علاقتي مع زوجي الحمدلله تمام أنا سافرت معاه ماليزيا ومصر وتركيا وأمريكا بس هاذي اول مره يسويها عشان كذا أنا منصدمه مو بس منصدمه الا بستخف حتى قبل مايسافر بليله كنت اسولف واضحك معاه ومابين لي اي شي 

 

[om MaRyooM]

دقي استفسري منه

ان كان عنده ظرف الله يعينه

وان كان سياحة ولا تغيير جو هللا هللا بالمعاتب

 

[ماما ايمان]

حبيباتي أنا ماأعرف أعاتب ام قليب وان عاتبت عز الله دموعي بتسبقني وبيضيع الكلااااام شلوووووون أعاتب ياناس والمشكله أني أحبهأول مره انحط في هاالموقف الله يصبرني