بنات ساعدوني شو احط مكياج على ويهي الصبح ؟؟؟

[reme]

بنات ساعدوني ابا احط شيء حق الدوام وكيف احط ما اعرف ابغي شكلي يكون حلو البنات يحطون مكياج استحي اسالهم شو يحطون وكيف الطريقة ؟؟؟ استحس اسال البنات بس انتوا مثل خواتي

ابغي اكون حلوة ومثل البنات احط مكياج وانا ابببببببببببببد ما اعرف شيء شوروا علية وعلموني ؟؟؟

:nocommint:

 

[sara bella]

شوي كريم اساس مناسب لبشرتك شوية باودر و بلشر, كحل و مسكارا لون ظل خفيف كافي برأيي للشغل النتيجة بشرة نضرة و نظرة جميله

 

[بنوته22]

اول شي اختار الفانديشن الخفيف يناسب بشرتج وانصحج بدبل وير لايت من استي لودر يهبل من تجربتي

وبلشر خفيف والوردي انصحج بصبايا من مكياجي درجة 3 او 9 طبيعيه وتهبل

والمشمشي من برجو

والحمر انا ما تقيد بماركه خذي الالوان الي تناااسبج

والكحل عندج من ماك وبينفت ومكياجي تجي مجموعة الوان وكلها انا مجربتها روووعه

وخلي لكج طبيعي مو اوفر .. وتصيرين احلا وحده (=

 

[suad3]

اول شي كريم النهار وفاونديشن وباودر مناسبه لطبيعه بشرتك
كحل افضل الملون للنهار كحلي نيلي تركواز زيتي كلها حلوه بس على خفيف ماتعرضي الخط
ومسكره وبلاشر مشمشي او وردي وروج الوان فاتحه وردي لحمي مشمشي حسب الي يناسبك
وبس كل ماكان اميك اب خفيف في النهار كل ماكان اجمل

 

[ديـمه]

انا احط كريم الحمايه من الشمس
وبعده كريم مرطب ملون
واوحد لون بشرتي يعني اغطي العيوب بكونسيلر
وبعدين بودر
بلاشر زاهي
حمره زاهيه
ماسكرااااااااااااااااااااااااااااااااااا ماسكراااااااااااااا اكثف رموشي وبس

 

[حبـ admant ـك]

انا كلش ماحط شي حق الشغل
غير الكريم المرطب و مرطب الشفايف

 

[reme]

جزاكم الله خير خواتي بس ما قلتولي شو الماركات الي احطها ؟؟؟

 

[Un-6be3iya]

ركزي ع الكونسيلر بالذات اذا عندج هالات تحت العين انصحج بـ كونسيلر بورجوآ الي بالفوآكه حلو يعدي اضاااءة للويه و بعدين اخذيلج كريم اساس يكون ناااعم كلش يعني نيووود يادوب يبين و بلشر ناعم انصحج بـ مال بنفت الوردي الي جنه صبغ اظافر تلقينه عند بيضون والمركز الفرنسي ،،
و بالنسبة للحمر خلج ع الالوان الهادية وعندج قلوسات نيفيا اتهبللل حق الصبح

 

[Un-6be3iya]

اي والماسكرا دوري شي يطول بس مايكثف وايد عشان لا يصير اوفر
تبين نصيحتي احسن ماسكرا استخدمتها و تطول الرموش من ماركة N7 اسمها extra length لونها من برا برتقالي غامج شوي على ذهبي على نحاسي < وايد اعرف اشرح هههههه

و كحل خليه خفييف كلش يدوب على خط الرموش و موهي بعود قطن لا يصير حاد

 

[Un-6be3iya]

اي و اذا حواجبج محتاجة رسم بعدي عن التاتو خلج على شادو الحواجب من بودي شوب و فوقه شوية ماسكرا شفافة عشان يرتبهم


< جنج سولفتي وايد هههههههه