بنات ساعدوني عندي 10000 شلون استثمرهم

[افهم ما أبيك]

السلام عليكم

بنات انا عندي 10000 دينار وموعارفه شلون استثمرهم
ودي اسوي مشروع وما اخسر فيه مضمون وما تروح فلوسي
ابيكم تساعدوني شتنصحوني اسوي
حراام اخلي الفلوس جذي وتطير بالتسوق واقعد جذي ايد ورا و ايد جدام
ودي اسوي مشروع يكون بسيط وبنفس الوقت يربح ويدخلي دخل شهري

فكرت بمحل عصير بس متردده وخايفه ومو عارفه شلون ابتدي ولا جم يكلفني ؟؟
ساعدوني قبل لا اطير الطيور بأرزاقها وتروح الفلوس حق الافنيوز والصالحيه والرايه :jbdwjbd:

ألـــــــــــــــــــــــــــــــــف :eh_s(17): شكـــــــــــــــــــــر​

 

[بنت الاحلام]

اذا مالج خبره بالتجاره حطيهم وديعه ببنك اسلامي واحسن لج

 

[افهم ما أبيك]

اب اب اب اب اب اب اب اب اب

 

[افهم ما أبيك]

اذا مالج خبره بالتجاره حطيهم وديعه ببنك اسلامي واحسن لج

تسلمييييييييييييين يالغاااليه ما قصرتي بس احس الوديعه مردودها ما يسوى اذا كثر 100 بالسنه مو شهري وحرام انطر هالوقت على هالربح انا مفكره بمحل العصير احس مشروع حلو بس خايفه وما لي خبره بهالسوالف ولا عارفه جم يكلف ​

 

[al.brnsesa]

عطيني فلوسج وانا استثمرهم لج لوول

والله خيتو ماعندي خلفيه بهالموضوع ^ـ^

بس دام ماعندج خبره لا تفتحين ترى مسؤوليه ^ـ^

 

[دلع ستايل 1234]

رفع

 

[ريان 123]

استثمري نصهم

 

[om3ziz_2020]

الله يوفقج
وزين تسوين إستثمريهم

محل العصير يكلف المعدات تقريباً : 2500 - 3000
مصاريف شهرية : إيجار المحل + معلم عصير 180 -200 إذا 24 ساعة لازم معلمين + جرسون 100 - 120 + الجبره كل يوم وترك من 50 دينار واذا المحل عليه شغل يزيد المبلغ

والله يوفقج

 

[بعيون مغليك]

اممممممممممم حلوووو\



وخاصة اذا فيه لمسه منج يعني


مو شغل مكرر عرفتي اذا سويتي مثلا محل حلوووو اذا كان الشغل روعه والله يمشي شغلج


نفس محل حلووو والله يا قلبي بس نوع واحد حلو يسوي والشغل ما يوقف وما يبيع الا هو


يعني اذا تميزيتي بشيء معين ما تخسرين باذن الله

والله يوفقج

 

[حرم الاسد]

الله يوفقج

اللهم صلي على محمد وعلى ال محمد

 

[miss SHOOSHOO]

الله يوفقج

اللهم صلي على محمد وعلى ال محمد

 

[frketa1]

اشتري أراضي برا الكويت وبيعيهم بعد جم سنة يعني استثمري بالعقار أضمن شي مستحيل تخسرين فلوسج، العقار يصعد وما ينزل، وبما أن المبلغ ما يكفي لشراء أرض بالبر بالكويت اشتري برا بدول الخليج أكو أراضي حتى ب 2000 دينار

 

[LoloBlueStyle]

والله مدري شقولج .
اهم شي تكونين تارسه ايدج من اي مشروع تبدينه
حطيهم وديعه حاليا ليما تستقرين على مشروع ...تكونين واثقه من نجاحه
الله يوفقج

 

[Nadia.quest]

ياقلبي انا دشيت بمشروع قوي وراس ماله قليل ويطلع لج 3الاف كويتي لكل مرحلة تبين تعرفين طرشي لي رسالة عالخاص برقمج وادق عليج واي وحدة تبي تشترك معانا راح تررررررررررربح ان شاءالله ولا تحتارين عندي خبرة كبيرة وراح تستفيدين بس يبي جديتج وتحضرين للشرح

 

[جنون العشق]

حطي وديعه ولادارت سنتها الا انت مجمعه زيديها ليما يكبر المبلغ جدامك


هذي طريقتي

 

[ام اغلى الناس]

مدري
بس يمكن احسن تشترين ذهب سبايك او اطقم و تخشينها
لانه الذهب ما يخسر

 

[الاخلاص]

هم أنا عندي مبلغ وأبي شي مربح

 

[nono93]

اسمعي نصيحتي وانا خيتجججججججج

روحي قطر ولا لبنان واشتري شقه

وخليها اجااااااااااااااااار شهري



او اشتري ارض بالحفر ب2000 دينار وانطري عليها 4 او 5 سنين تطق 5000 الاف


انا اقول إذا ما عندج موهبه مثل تصميم الملابس سوي مشغل

>> لازم في خبره وذوق <<

انزين ما تبين شرايج تجيبين بضاعه من بره شوفي من بره بس بضاعه تمشي بالكويت

يعني ساعات كشخه وجناااااط من الصييييييييين اعرضيهم اهني وبيعيهم


والله يوفقج يا رب

 

[بشاير السعدون]

الله يوفقج

 

[كحيله وفدعه]

:flower:عطينياهم احس شي شكلج ما تبينهم ..ههههه
استخيري قبل كل شي وهذي نصيحه