بنات ساعدوني في مشكلتي مع اخوي

[ريووومي]

السلام عليكم بنات

انا بنت وموظفه قربت عالاربعين ومب متزوجه كان حياتي طبيعيه وبسيطه وكنت انسانه فرفشيه بطريقه رووووعه والضحكه ماتفارق وجههي وكنت بريئه جدا
للاسف والله يغفر لي انجرفت في طريق الخطا في علاقه واكتشف هالشي واحد من اخواني طبعا وانفضحت ونذلييييت وانهنت واخواني تغيرو علي نظرات احتقار وتحدي وحطوا قوانين انا احس انها مب صارمه انا احس انها خااااانقه ومميته لعلاقاتي وطلعتي وهنا بدا العذاااااب

اااااااااه يابنات الله لايبلي حد فيكم ولايراويكم اللي شفته سبحان الله نزلت وانهت وانذليييييت وصرت اسفل سافلين
حياتي صارت جحيم قوانين وخنقه مستمره الحين بيصير لها قرب العشر سنين
خواتي اللي اضغر كلن تزوج وتميت انا بروحي
طلعتي محدوده جدا تقدرون تقولون مافي طلعه والمسموح فقط لازم يكون مع الوالده و الحين امي كبرت وماتحب تطلع معاي وطلباتي ثقيييييله عليها أي طلب مهما كان بسيييييط ثقيل مثل الجبل على قلبها
الجمعيه والمكتبه شبه ممنوعين وبالغصب وبحب الخشوم
السوق والمجمعات هاي من اكبر الكبائر وبالحسره
تليفوني نوكيا قديييييم ومافي امل اخذ جالكسي او ايفون او او
طبعا خايفين اسوي شي غلط لان الغلط لزق فيني وخلاص سمعتي خلاص انتهت عند هللللي
اللي حاز بخاطري ان حتل اخواني اللي تزوجو عقب ماصارت السالفه شكلهم يدرون لان في تعليقات و تلميحات حسبي الله عاللي كان السبب

بنات في شغلات وااااايد ممنوعه ووووو مشكلات واحداث وايد ماتتخيلون
وللاسف انا ماتزوجت وامي ساعه تقول فكينا انتي طولتي في هالبيت خلااااااص طلعي لين متا نتحمل مسؤوليتج
وساعه تقول مالج الا الزواج طلعي افتكي من اخوانج عيشي اللي باقي لج
المهم من كم سنه امي بدا يتغير اسلوبها اكثر
بدت هي بعد تتعبني وتضيق علي ووصلني كلام ان قصدها مصلحتي عشان اوافق ع أي واحد يتقدم لي
سيارة البيت طبعا انا شاريتها بس مالي أي شغل فيها والسايق 14 سنه انا ادفع راتبه بس مستحيل اقدر اروح معاه
فبدت امي تضيق علي اكثر واكثر بشغل فظييييييع وزاد الضغط علي
بنات الحزن والحسره مايفارقوني
الدموع قريبه من عيني
شعري مايطول وبشرتي تذبللللللل بشكل شبه شهري والله ادفع الالاف ع كريمات وعلاجات وووووو ماتم شي ماجربته ولكن ذبووووووول و عدم نضاره فقط
مربط الفرس وصاحب القوانين اخوي لسان طويل وشخصيه متعجرفه قوي ومتسلط وياخذ اللي يبيه بطولة اللسان و تهديد بالضرب
وامي السكري عندها من كلمه منه يووووووصل رقم خيالي
انا ماسكين علي زله وخطا ولا اقدر اطلب شي
ومن صوب ثاني اذا تجرات حتا امي تزفني زف
والله يتبنات انا البكر انا اللي كنت ادرسهم انا اللي ياما شريت لهم ياما ياما سويت وعطيت ولا حد ساعدني
وحده من حريم اخواني خذها اخوي مب مكمله دراستها كنت ادرسها وكنت اشتري لها وامكيجها الحيم في بيت بروحها تكلمني بفوقيه واذا طلبت منها بس تمر علي في طريقها تقول صبري بفكر وبارد عليج وطبعا طاااااف
اكره اخوي اكره احتقره ماتعب ولا مل كل هالسنين يزيد في شروطه قام يستقوي ع بقيه خواتي وحده طردها وسب زوجها بسبب هوشه معاها ووووو
المهم انا كنت لفتره طويله ادعي ان الله يهدي قلوبنا ونرد مثل اول واحسن و يبرد علينا ويجبر خواطرنا ويصلح ذات بيننا ولكن هيهههههههات
زااااد زااااااد
بنات من كثر مااقعد فالبيت راتبي يتم وصار عندي مئات الالاف من فضل الله
تدرون حتا في هذي يضحكون علي ليش تجمعين حق شنو
بنات صرت اخاف اموووت ويورثني اخوووووي بمووووت اخاف بعد كل هالعذاب يورثني
مادري شاسوي بموووووووت بحسرتي اتحسب وادعي عليه من القهر
سبحان الله مرات يصير له شي يضايقه افررررررح اطيييييير اقول خل يجرب القهر و الهم
من فتره صارت مشكله قمت ادعي وتحسب عليه
المهم صارت له مشاكل ماديه وهو من النوع اللي انسان مادي اهم شي الفلوووووس
قام اخوي يقوله من دعاوي اختك عليك
وهنيه بدا يتراجع شوي بدا يخاف جا يسلم علي فالعيد
سلم علي بعد الحج
بس طبعا القوانين لازالت تطبق
والمشاكل عادي أي شي مايدش مزاجه يطرش مسج تهدييييييد ووعيد
ويمسك امي يقول لها اش بيسوي فيني و طبعا دايم التهديد بالضرب
امي مرات تقوللي خل يذبحونج عالاقل تموتين شهيده

بنات من فتره و في لحظه ضعف فكرت اسوي له عمل ؟؟؟؟؟؟؟؟ تتخيلون؟؟؟؟؟
الحمدالله ايماني اقوى من جذيه
بس بنات والله هالحياه وهالصبر فووووق طاقتي مااااقدر
تخيلو اذا قاعد فالصاله وكلمت امي ماترد علي ماتعطيني وجه عشان خاطره وهو ممكن يدش يقاطع عادي هو مهم انا نككككككككررررره
بنات شاسوي له تكفون بردوا قلبي اللي له سنين يحترق
شاسوي ماااااقدر اصبر تعبت ابي اعذبه ابي انتقم ابي اردله الصاع صاعين

شاسوي عطوني افكار شلووون اتعامل هو لاوي ذراعهم بغلطتي وهم يسكتون وهو قوووووي وعنيف ولسان الكل يحسب له حساب
تكفون طلبتكم نخيتكم

 

[ريتاج_90]

الله يكون بعونج
ويعينج على اخوج
مالج الا الدعاء

وماتقدرين تسوين شي هذا اخوج وهاذي امج
والله يرزقج بالزوج الصصالح ويعوووضج يارب

 

[هدوووشه]

لاحول ولا قوة الا بالله ماااقوول الا الله يصبرك

اختي وين دور الوالد ليش ماتدخلينه يحل المشكلة ويا ااخووك

 

[!! دلوعته !!]

الله يعيييينج

 

[є 3 τ и α q]

الله المستعان ي بنات اللي مب قادره ترد رد يريحها لا ترد !
_

اختي اسمعيني .. واضح ان اخوكك شخص مسيطر
وللاسف ان امكك مساعده له ..

بقولكك لك شغلةةة الناس مهما شكيتي لها ماراح تقدم لك اي شي
بس في واحد عينهه ماتنام * هو الوحيد اللي يطلعكك من كل شي انت
مارهه فيه ..

سبحانه القادر ع كل شي ..

خذي نصيحه الزمي الاستغفار بكل اوقاتكك ..
والله انه مفتاح الفرج ولاجا اخر الليل افرشي سجادتك
واشكي للي فوق .. وطلعي كل اللي بخاطركك ..
والصدقهه انويها وتصدقي . .

والله كل هالامور بعد اراده الله سبحانه
بتحول حياتكك ..


الماضي لاتتركينه سبب ل انكسارك .. او حتى
تسمحين لهم يكسرونك فيه وضحي لهم انك تغيرتي
وتبتي .. بهالزمان .. ماعاد بالقلوب اي رحمةة

لكن توكلي ع الله ب امورك واستودعي نفسكك
وعسئ ربي يرزقكك الزوج الصالح اللي يعوضكك

ونصيحةة ،
خليكك قريبه من الله بكل وقت
♡♡♡

 

[ظبية بوظبي]

كنت بقول لج محد بيوقفه الا امج بس لما قلتي ان امج واقفه معاه عرفت ليش تمادى عليج
والله هالاخوان محد يوقفهم عند حدهم الا الاب ولا الام فالي ما عندها هذا الخيار صعب عليها توقفه


بس بعد في طمع في حبنا لدنيا يعني اش بيصير لو كنا بيتوتيات ..يعني لازم نفتر 24ساعه. برا البيت ؟
يكفي انج مشتغله وكل يوم تطلعين
واذا على سالفه الاسواق ... ... وان امج كبرت وما عادت تتحمل الطلعات طلعي مع اخواتج

وبعد بطلي ضعف انتي بقادره تحلين وضعج بوسطيه ... يعني لا تكسرين كل هالقيد ولا يتم بنفس قياساته العمر كله
وافضل انج تتفقين معاه ان لج فالاسبوع طلعتين سواء للاسواق ولا الصالون ولا العيادات او او ... حاولي وصبري لين ما تاخذين حقج منه

وانا بدالج احرجه .. قومي صاحبي وحده ويفضل لو كتنت متزوجه عشان تكسرين عينه
وقوي علاقتج فيها خلبها تزوركم وقوي علاقه امج معاها عشان تكون هذي الصداقه قد الثقه

وطبعا صحبتج هذي مصيرج بتردين لها الزيارات مثلا لما تولد وغيرها ومره على مره بيتعود انج مب طول الوقت ملطوعه فالبيت .. بس اهم شيء كوني صداقات مع ناس يشرفون وقد الثقه

وان شاء الله تزوجين وتفتكين منه

 

[ريووومي]

مشكورررررررررررررررين بنات عالردوووود

يمكن انا كتبت الموضوع بسرعه و في لحظة ضعف وفي شعغلات ماوضحت

انا مابي افتر 24 ساعه فالاسواق مثل ماقالت وحده من الاخوات بس يااختي توصل ان حتا العيد يقولون لج لبسي شي من اللي عندج عادي لو قديم ليش انا ماعلي قاصر في شي؟؟؟

بالنسبه للصديقات انسي اقوللكم بيصير لي قرب 10 سنوات على هالحال
ماتعب ولا مل من المشاكل وكلمته كانها قران في بيتنا

وبالنسبه للاستغفار والصدقات انا الحمدلله مااترك هالشي عسا الله يثبتنا ويتقبل منا

استغفر بدرجه كبيره بس بعد تجي اوقات اضعف و اتعب و امل
من فتره قلت للوالده ابي حد يرقيني ليش اموري متعسره و حياتي كل ضغوط و لا زواج ولا شي مارضت طبعا وقالت ارقي نفسج احنا اذا بنطلع شنقوووول حق اخزانج رايحين نرقي طبعا مستحيل ؟؟؟؟

بنات انا وضعي فالبيت مثل الكرسي مثل الطوفه بالشهور قاعده مكاني ولا خد يفكر يشوفني محتاجه شي
هاااي اكبر درس الواحد يشوفه الناس اذا خد طاح انسحبو من حياته او عافووه و طنشوه
لان مافي مصالح

توقعت حد بيعلمني شلون اقهره شلووون استفزه ؟؟؟؟
من فتره شفت حلقة كيف تتعامل مع الله اذا ظلمك حد
وان الواحد ينتظر للاخره عشان الله يتخذله حقه ووووووووووو فعلا قلت انا بنسى وعسا الله ياخذ خقي فالاخره
والا يابنات تصير مشكله ويطرشلي مسج تهديد و وعييييييييد والله ماني حاشم امج ولا ابوج وبتشوفين وووووووووو

وشيش اخواني علي وازداد الامر سوء
من فتره واخيييييييرا بغيت اسافر مع خالي اللي هو محرم لي دبي تخيلو بس دبي
طرش لي مسجات تهديد ووعيد وزف ابوي زف حتا ابوي ماقدر يقوله كلمه
انا الشي البسيط العادي اليسير في حياتي عسسسسسسسر و صعب كل شي بشق الانفس و هو مزيد علي هالشي بالمشاكل والتهديد
بس الحين خلاااااص ماقدر استحمل مااااااقدر اصبر تعبت وايد هاي فوق طاقتي

 

[شندوخه]

حبيبتي مالج الا الدعاء
بعدين ليش شخصيتج ضعيفه جذي؟ ليش ماتوقفين اخوج عند حده
دام ابوج عايش اهو ولي امرج مو اخوج
عفوا اخوج هذا اصغر منج ولا اكبر منج شنو ترتيبه بالعايله ؟؟

 

[ريووومي]

يابنات العيله كلهم ماسكين علي غلطتي خلاااااص مستحيل ينسون
انا بالنسبه لهم مب ثقه ولا كفو ولا فيني خير
واخوي ماسك على ابوي هالشي دايم يقوله شوف تربيتك شوف الحريه شوف وطت راسنا فالارض
مب قادرين نرفع راسنا وكله يقووول لهم عطوني جوازي بهاجر هذي وطت راسنا انا مالي قعده في هالبلد
افضحتنا مالنا وجه من الناس ووووووووو من هاكلام
عليه لسان و عنيف وذابحهم و مخرعهم بعضالاته

ابووووي مايعرف يرد عليه ولا يفدر يعرف يحاججه
ومسوي رعب حق امي ذابحها لاعب فالسكري عندها لعبه

حسبي الله عليه

 

[ظبية بوظبي]

يعني اخوج فضّحج وعلم كل العيله ؟
ونتي تقصدين بالعيلة هم اخوانج وخواتج بس ؟
الا انتي عندج خوات مب متزوجات ؟
والله عندج اثباتات بتهديده مسجاته احفظّيهم واذّا تطلب الامر وديهم لشّرطه
حلوه هذّي هو عايشّ حياته وانتي مندفنة
الا كيف كشّفج ؟ ولاي مرحله كانت واصله علاقتج مع الي كنتي متعرفه عليه
وخوج كيف يقول مالي وجهه وبهاجر ليشّ هو الناس عرفت !
اقرى فالنت. تكوين علاقات وخرابيط صار شّي منتشّر وحتى ما يسترون على حالهم الا يجاهرون ولا احد سوا فيهم من اهلهم مثل ما سوا فيج اخوج
اظّاهر اني اقرى الجزء الاول من المصيبه الي حطوا نفسهم فيها بس الجزء الثاني ما قريت لهم لان اظّاهر انهم اندفنوا

 

[ظبية بوظبي]

هو واحد من الحلين :
يا ترضّين بالبؤس الي كتبه عليج اخوج وتمشّين باقي حياتج على هالظّلم والخوف والتهميشّ
ولا تواجهين خوفج وتوقفينه عند حده لو وصلت المواصيل لل لا معقول (يعني الي فيها فيها )

 

[عـيّــآره]

ريم ؟؟

اولا قولي حق الحقير اخوج انه عيب وغلط وجريمه كبيره اذا غلطت الاخت يفضحها ويكسرها قدام العايله كلها

ويسوي اجتماع وصخ يطلع فيه عيوبج كلها واخطائج

ولايفرح وايد لانه بيفضحه ربي مو بالدنيا بالاخره

عمرج 40 سنه كم خذو من عمرج وانتي بهالحال اشكثر تحملتي ليش ضيعتي سنين عمرج عشان غلطه عنبو حتى

اللي يسوي جريمه اشكبرها ينسجن كم سنه ويطلع

ريم ماتعرفين تقولين لالالالالالالالالالالالالالالالالا ماتعرفين تواجهين وتصارخين وتوقفين كل واحد عند حده

ماتعرفين تخربين حياتهم مثل ماخربو حياتج مستسلمه ليش ؟ بيظربج اطلبي له الشرطه بياذيج اذيه في ناس ماتفهم

الا بالمثل واخوج هذا بس علاقته فيج بالورق الاخو يحب ويرحم اذا انعدمت الرحمه من اي علاقه خلاص

ماتعتبرينها اصلا موجوده لاتقولين اخوي وعيب وغلط خذ من عمرج سنين طويله كفايه

الانسان كم مره بيعيش عشان يتحمل كل هذا

عندج وقت يا انج تكملين عمرج بهالطريقه مجرد مزهريه بالبيت اوانج تواجهين الكل

امج وابوج لو ذبحوج عادي اجرج على الله اما اخوج هذا مايستاهل الا المعامله بالمثل لانه حقير بدال مايستر على

اخته فضحها وهان كرامتها حسبي الله عليه ونعم الوكيل ​

 

[granted]

لو انا مكانج بتمرد
شنو باقي
يعني اذا سمعتج مابقى حد بالعايله ماقال له على غلط انتي غلطتي وانتهى وتبتي وخلص الموضوووع
ولاطلعات ولااحترام
شوفي انا اعتقد ان الزواج موشي مهم وايد بالحياة يعني نعيش مستانسين مو ناقصنا شي بدون زوج
بس الحريييية اهم شي
اقلبي الي فوق تحت
اقولج شي مينون
طلعيلج فيزا لاوروبا الصيفية الياية وفسفسي فلوسج فلس فلس واستاااانسي لاتخلين بخاطرج شي
لاتقولين لحد واول ماتردين شبيسوي
اذا طقج بلاغ عدم تعرض بالمخفر
اهم يستخدمون خوفج سلاح ضدج لاتستلمين لهم والله مب رادين لج الايام الي بتروح منج الي المفروض اتكونين فيهم مستانسة وحره نفسج
ليش تخلين حد يقيدج انتي مو جارية ربي خالقج حره
شنو اخرتها يعني طق؟
طلعي تقرير باقرب مستشفى وبلغي عنه
حبس اهو حابسج وخالص
انتي المفروض تكون حياتج بيدج مو بيد حد ثاني انتي حره وكاملة الاهلية موصغيرة
ليش يتحكم فيج
اذا ماصار اصطدام او انفجار ووقفتي بويهه وشلتي الظلم عن نفسج ماراح احد يساعدج

 

[هدوووشه]

انا مع عياره منجد اخوك حقير تلاقينه قبل عنده سوالف ومسووي عليك رجال
صارخي بوجهه لا تسكتين وريه شغله هذا اخو بالله !!
اطلعي وشووفي الناس اجل هو عايش ومستانس ومستقوووي عليك ؟ عجيب والله
ياكل تبن ماعليك فيه >>
والله انقهرت عليك

 

[مذهلة2013]

الله المستعان ي بنات اللي مب قادره ترد رد يريحها لا ترد !
_

اختي اسمعيني .. واضح ان اخوكك شخص مسيطر
وللاسف ان امكك مساعده له ..

بقولكك لك شغلةةة الناس مهما شكيتي لها ماراح تقدم لك اي شي
بس في واحد عينهه ماتنام * هو الوحيد اللي يطلعكك من كل شي انت
مارهه فيه ..

سبحانه القادر ع كل شي ..

خذي نصيحه الزمي الاستغفار بكل اوقاتكك ..
والله انه مفتاح الفرج ولاجا اخر الليل افرشي سجادتك
واشكي للي فوق .. وطلعي كل اللي بخاطركك ..
والصدقهه انويها وتصدقي . .

والله كل هالامور بعد اراده الله سبحانه
بتحول حياتكك ..


الماضي لاتتركينه سبب ل انكسارك .. او حتى
تسمحين لهم يكسرونك فيه وضحي لهم انك تغيرتي
وتبتي .. بهالزمان .. ماعاد بالقلوب اي رحمةة

لكن توكلي ع الله ب امورك واستودعي نفسكك
وعسئ ربي يرزقكك الزوج الصالح اللي يعوضكك

ونصيحةة ،
خليكك قريبه من الله بكل وقت
♡♡♡

:eh_s(17)::eh_s(17)::eh_s(17)::eh_s(17)::eh_s(17):

 

[مشاعر مندفعة]

هدديه بالتمرد راح يخاف واذا انطقيتي لا تخافين ولا تبينين له خوفج بيني له انج قوية وراح تسوين اللي براسج صدقيني بيخاف من كلام الناس وبيخليج

 

[بنوته كيكه]

اختي الله يهديج ويصلح حال اخوانج
شوفي اول شي حولي تقعدين مع اخوج
بْــْْ♡ـْْسّ انتي واهو وقعدي معه وقولي
صح أنـْْ♡ـْْا سوية خطا بْــْْ♡ـْْسّ يشهد علي
الله اني تبت وانا للحين ابيك تسامحني
وابن ادم ماهو معصوم من الخطا هذا ادم
بونا عصا الله والله سامحه والله يغفر حق عبيده
ذنوب واكبر معاصي وسمحهم وانت سامحني
أنـْْ♡ـْْا اختك سامحني
واختي صلي ودعي من الله اهو الي يرحم ويغفر وفرج الهم

 

[جهراويه مزيونه~]

والله ياحبيبتي انا صارلي سنين مادشيت اكاونتي لكن اليوم دشيت عشان ارد عليج بس
لان جد جد وضعج يقهر وانتي الي رضيتي بهالوضع
عموما انتي غلطتي وخذيتي جزاج اتوقع لي اهني كافي
ثقي بنفسج بالاول عشان الي حواليج يحترمج ويحطلج اعتبار ويثق فيج
من اليوم ورايح خلج قويه قعدي معاه وفهميه ان 10 سنين عذاب وندم كافي وان رب العباد يسامح انت ليش ماتسامح
اخذيه بالهداوه وتوقعي مو من اول قعده بيرضا وبينسا واهم شي كلميه بدون عصبيه لان اكيد اهو بيعصب بعد .. اثنينكم تعصبون ماينفع
اذا ماشفي نتيجه لكلامج هدديه وقولي له انج مو صغيره وتدلين المخافر والمحاكم وان تعرض لج بكلام ولا بغيره راح تفشلينه مو بس جدام العايله جدام الله وخلقه

 

[Tkanh]

ودي تهديده وسجلي صوته واهو يهدد وودي المخفرر
والي فيها فيها انتي كبيره مو صغيره عشان يتحكم فيج بحكم
القانون ماله حق عليج مو ولي امرج اهو ....

 

[Patcholli]

شوفي انتي غلطتي محد ينكر هالشي بس خلاص تبتي مو معقوله بيسجنونج طول عمرج على ذنب ارتكبتيه وتبتي منه
فهمت من كلامج ان لج اخوان وخوات غيره
شنو دورهم بوضعج ؟؟
اخوج اللي كلمه اول مره وقاله خف عليها ليش مايشد حيله اكثر ويوقفه عند حده ويتدخل ويكلم امج ؟
وخواتج بعد ليش مايقولون حق امج ان الي قاعدين يسوونه حرام
خلاص انتي تعاقبتي وخذيتي جزاج ماله داعي يطلع رجولته وعضلاته ويستقوي عليج هالكثر
واللي حسيته ان ابوج متوفي لانج ماطريتيه بالموضوع واتوقع هاذا السبب الاكبر الي مخليه يستقوي عليج سكوت امج وان ابوج مو معاكم