بنات ساعدوني .. هالشي مب مخليني اعيش حياتي واحس بشبابي

[هندو]

السـلام عليكم

شحالكم عساكم بخير

الله يسلمكم ويعافيكم ويبعد عنكم هالشي .. انا اعاني من شي احسه

منقص علي لا ومب بس جي لالالالا .. مخليني مب قادره لا اركز بشي

ولا اعرف اسوي شي صح ولا اقدر اسوي كل اللي مطلوب مني بأكمل وجه

لأني دوم اكون دايخه وتعبانه ولا مب قادره اركزززز من الارهاق

معاناتي ويا الأرق .. مدري شسبب هالأرق .. صارلي اسبوعين مانام عدل

واانا من قبل بعد فيني ارق بس خفيف واحين عاد زاااااااااااااد وخايفه بصراحه

اليوم مانمت الا 4 ساعات شي جي لا ونايمه الظهر وقايمه العصر

شي يقهههههههههرررر !! ..تراني اهيء عمري للنوم

اسبح بماي دافي واهوي الغرفه وبعدين اعطرها والفراش واشغل التكييف

واقرا سورة الكرسي .. واتم بالساعات مانام ... حتى لو بموت من التعب

وغير جي اللي يحير انه مافي شي شاغلي بالي .. :eh_s(2):

عندكم حل ؟؟؟

انتظر ردودكم ​

​

 

[شادية]

اعتقد قلق غير واضح

اختي تعانيين من اضطراب او نقول بدايه اضطراب نفسي

ما يمنع تروحين لمعالج نفسي قبل لا تكبر السالفه

وترى عادي المعالج مو عيب اهم شيء صحتج

وسلاااااااااااااااامات اختي

 

[سبائك]

اذا انسدحتى على المخده على جنبج اليمين حطي كفج اليمين تحت خدج(وهذي سنه نبويه اكتفشوا العلماء بالاونه الاخيره انها عباره عن سحب للشحنات الكهربائيه الزايده بالمخ)

وقولي اللهم قنا عذابك يوم تبعث عبادك

وضلي تسبحين بالباقيات الصالحات(سبحان الله..الحمدلله..لا اله الا الله..الله اكبر) ليما تنامين

ويفضل قبل لاتنامين تشربين كوب حليب دافي مع قفشة عسل طبيعي

وسلامات ان شاءالله

 

[هندو]

هلا والله خواتي

شادية .. يقولون لي وايد بس عاد الوالده مب مقتنعه

بهالسالفه .. تقولي تقدرين تسنعين روحج بروحج

شاكرتلج مرورج وردج حبيبتي ..

سباااائك .. ان شااااء الله اليوم اسويها مع اني مانام الا على بطني

والله يسلمكم من الشر ان شاء الله

انتظر باقي الخوات :eh_s(17):​

 

[(الجوري)]

ترا عادي انا مرات يصير والله نفسج بس كثري من قراْءة القران

 

[حلاها بلاها]

انا سمعت ان الخس يهدي الاعصاب.. جربي اكلي جم ورقة قبل النوم
والعسل الطبيعي بعد وايد زين

او يمكن انتي نفس امي ما تنام إلا لما تقرالها أي شي.. جريدة .. كتاب .. دعاء
واذا في غرفة نومج تلفزيون لا تشغلينة قبل النوم لان يوتر الاعصاب

 

[[ . . Jee Jee . . ]]

ياكثر ما يصير فيني جذي والله مرة بجيت من القهر :/

بس حرمت انام الظهر.. نومة الظهر هي اللي كانت تخرب علي نومة الليل

 

[دانــــه]

انا أيد كلام حلاها بلاها
القراءه قبل النوم على ضوء اباجورة قراءة لقصه أو كتاب او مجله بشرط ما تكون المواضيع مثيره للأعصاب

 

[omneyaty]

عادي القلق واضطراب النوم البسيط بحالتج يروح


روحي الطبيب واخذي ابر فيتامينات راح تهديج وتنامين

والزايد منها راح يطرحه الجسم عن طريق البول يكون معاج نقص فيتامينات بي كومبلكس

 

[المـ انـ يـه]

حاولي تغيرين الغرفه
روحي نامي عند خواتج
ولا بصاله مصكره
وشوفي تنامين ولا لأ
والله يشفيج وبشرينا عنج

 

[الكرملين]

انا بعد هذي مشكلتي الابدية خصوصا وقت الدوامات اروح سهرانة ومرهقة

 

[QUMAR]

ما تشوفين شر
ما جربتي تآخذين ابره مهدئه تدوخج وتنامين براحه
أو شوفي شنو اللي يخليج تنعسين يعني تقرين كتاب أو تصلين قبل لا تنامين
وما تشوفين شر حبيبتي

 

[هندو]

هلا والله

الجوري اي والله شكلي بجرب اقرا مالي الا جي

حلاها بلاها .. تصدقين انا كلش ماشغل الكترونيات بغرفتي >> وسواس حتى الجوال اسكره

نجمه .. نومة الظهر ذي تهد الحيل .. > حسره انا بالليل مانام اشلون بالظهر
>> مانظلج ههههه لالالا ماشاء الله عليج

دانه اي ان شاء الله حبيبتي بجرب اقرا

امنياتي ,,,, قمر .. الله يسلمكم خواتي .. شسالفة هالابرا

المانيه’’’’ شاااطره .. هلا وغلا .. الله يسلمكم يارب

مشكورين عالمرور .. والله يبعد عنكم وعن كل من يعز عليكم الشر

وابجرب كل اللي قلتولي ياه :eh_s(15): وابشركم شصار ​

 

[لؤلؤية]

هندو

حبيبتي مابي اخوفج بس لزيادة التاكيد
حللي ..وشوفي الغدة.. وان شاء الله ما فيج الا العافية
لانه
اذا زاد نشاط الغدة الدرقيه ...يصير النوم قليل

والغدة منتشرررة جدا بدول الخليج -----> هذا كلام دكتورة مو كلامي

سواء نشاط زايد او خمول

وجربي تشربين كوب اعشاب قبل النوم خصوصا البابونج ... انا دايما اشرب

واللبن والحليب روعه قبل النوم​

 

[كويتيات]

جربي وراح تدعين لي 7 تمرات الصبح ع الريج و قبل النوم حليب دافي مع ملعقة عسل واااااو يخلييييج تنامين بسابع نووومه

و بعدين هااا جيكي على نوعية اكلج و الغازيات واكلات المطااعم والاكل الدسم كله اييب الارق عند النووم

انتي جربي خلي مثلا يومين اكل صحي خفيف و شوفي شلون بتامين مثل العصافير سيوسيوسيو امبييييييه خرفت لووووووووووول​

​

 

[@ الرسامة @]

اقري قران اذا تبين اتنامين
الشيطان بينومج

 

[هندو]

هلا وغلا
ام فيصل اي حبيبتي كان وياي كسل بالغده .. وعالجت واحين بعد عندي موعد بشوف
نتايج الغده اشلون .. والبابونج حمدلله كل يوم اشرب قبل مانام .. ادري به مهدء

كويتيات .. حبيبتي انا مسويه دايت دشتي .. ويني وين التمر والحليب ههههههههه
اكلي كله بروتين .. بس اتعشى قبل موعد النوم ب 3 ساعات

الرسامه .. جربت قراية كل شي .. قرآن.. قصص انجليزيه > عشان تطلع اعيوني

ومافي فايده

امس كنت مواصله يعني يوم كامل مانمت وجت الساعه 11 بالليل وانا تعبانه وايد
بس مب قادره انام .. بصراحه شفت حالي جي .. خذت حبتين بندول نايت
وقعدت اقرا قصه ونمت ... ادري الحبوب مب زينه بس عاد شالسواه

اتعب وماأنام

شاكرتلكم حبايبي مروركم وردودكم .. الله يعطيكم العافيه ​

 

[العـذوب]

حبوبة ..


في حبوب اسمها ( بندول نايت ) هي نوع من البندول العادي بس فيه مادى تساعد ع النوم تستعمل لتنظيم النوم أحيانا أنا أستعملها بين فترة وفترة .. الصراحة جيدة للنوم .. جربيها ...



والشيء الثاني ..


تعرفين الكتيب الأحمر اللي فيه أدعية اسمه حصن المسلم .. المؤلف اسمه علي بن وهف القحطاني .ز يبيعونه بدرهم يعني بامية فلس .. روحي خذيه من أي مكتبة دينية وكل ليلة اقري كل الأدعية مال النوم اللي فيه .. وصدقيني بتدعين لي ..

 

[رند]

انا مره صارتلي اسبوع كامل ما نمت صج نفسيتي تعبت وتحطمت
فبصراحه الله يعينج
شغلي قرآن وقصري عليه ونامي على صوته سورة البقره انا جربتهاا
وقبل لاتنامين اشربي كوب حليب دافي
وماتشوفين شر يالغاليه

 

[avimore]

تبين علاج .. مليون بالميه انشالله ناجح ..

قبل ماتنامين اخذي قفشه كبيره عسل طبيعي ..

بس لازم قبل ماتاخذينها تكون عندج ثقه مليون بالاميه من الشفا ثاني شي قبل ماتاخذينه انويها لله سبحانه " طاعة لله وتطبيقا لكتابه واتباع لسنة نبيه صلى الله عليه وسلم " وواخذي العسل وروحي فراشج واقري اية الكرسي وأدعية المساء كلها وتوكلي على الله ونامي .
ثالث شي الاستمراريه والثقه الكامله بشفاء التوكل يعني لايكون عندج شك واحد في العلاج لانه سبحانه قال "فيه شفاء للناس " وستمري عليه وراح تشوفين النتايج .
أنا مجربتها والله .