بنات ساعدوني والله محتاره شلون انظف شقتي

[اااصداف]

السلام عليكم شلونكم بنات ومبارك عليكم الشهر
مشكلتي اني ابي اعرف انضف شقتي صراحه ما اعرف تنضيفي دايما عادي يعني اي كلام انا ابي البيت يلق يعني
شلون اغسل الحمام اعزكم الله طريقتي اكيت الصابون تايد وافركه بعدين اشفطه بالماء انا ابي اعرف شنو الادوات اللي استخدمها والمنضفات والمطهرات ظروري

شلون امسح طوف البيت والحمام اخاف امسحها بالكلورس وطير الصبغه
والستاير شلون اغسله ما عمري غسلتها
ودارايش شلون انضفه من برا ولا احسن اشيلها بكبرها واغسلها بالحمام

المطبخ شلون انظفه واخلي السرميك ابيض ويلق

بنات لاتضحكون علي والله اكلمكم عن جد لاني بديت اشوف حشرات غيريبه بالشقه لاني ما استخدم المطهرات ما ادري ليش لاني صرت اوسوس ادخلها البيت من عقب ولد اختي ما شرب الديتول

وشلون طريقتم في تنظيم وقتكم وتنظيف البيت ومجابل الزوج والعيال

وجزامك الله خير

بس لاحد يقول عني وسخخخخخخخخخخخخخخخه :eh_s(13): اذبحه :eh_s(13):

 

[CaRaMeLaH]

أنا أول شي أشوف الوقت المناسب وأنظف فيه شقتي
يعني إذا زوجي مو في البيت وعندي وقت كافي ماني قاعده مع خالتي أو بطلع أقعد أطلع حرتي بالتنظيف
أو إذا بحسس زوجي إني حدي أتعب على البيت ومسويه شغلي بأكمل وجهأنظف وأهوا موجود
يمكن ماتعجبكم هالسالفة بس أنظف غرفة النوم أول شي وأخليه يقعد فيها على ماأخلص يجابل هالقنوات وأنا أنظف باجي الشقه
حزتها راح يحس بتعبي وعشان أخر هالتعب يدلعني ويسمعني كلمة حلوة لوول

أنا توني متزوجه مامداني أفكر أغسل ستايري الصراحة بس أحب أعطرهم من بين فتره وفتره أبخبخ عليهم من عطر الكفرات
حتى الطوفه مامداها تتوصخ بس أنا ماسحتها من أول ماسكنت بماي وفوطه

الأرضيات:
أول شي أسويه
ألم الوصخ إلي ينلم مثل ورق كلينكس قراطيس حلاو طايح مني مناك خو إلي عندي جنه ياهل
ثاني شي
أخم الزل عدل عدل وأنفظه وألفه على شكل رول وأخليه بآخر غرفة أو أخر مكان بنظف فيه
وبعدين أخم الشقه كلها وتكرفين كل وصخ غرفة بروحه يكون أحسن مو تخلينه وتطلعين فيه لي بره
ثالث شي
أييب السطل الخاص مال المساحه أم شعر أبيض هالعيووز
وحط فيه ------>>>> ماي + ديتول لافندر + بودرة السجاد هم على لافندر شوي مو وايد
وأمسح الشقه كلها

الأسطح:
تشيلين الأغراض إلي على الميز والكوميدينه والمكتبه والطاولات
وفي بالجمعياتمثل الفوط ملوت الأسطح والمواعين مادري إشلون أوصفلج إياهم ينكتب عليهم للأماكن الرطبه
يعني إشلون لما يكون ماعون فيه ماي تمسحينه فيها وينشف ويكونون كلش مايطلعون وبر نفس الفوطه
هذيل أمسح فيهم بس رشي فيهم بقرشه ديتول مخفف بالماي وحاطته مرش خالص مثل عندج مال مرش الزجاج الخاص حق المناضر
وهم عندج المثل العصايه ساعات تكون على ريش أو على شعر بلاستيك حق الأماكن الضيجه وخاصه أطرافها إدش بالدواعيس

الحمام:
تشيلين كل الأشياء إلي حاطتها بالحمام
مثل: الزل وقبلها تخمينه عدل من الشعر واااااااااااي أموووت من أشوف الشعر ماحبه والمصيبه أنا وزوجي كله شعرنا يحت ما أخم إلا شعر :eh_s(6):
ملاحظة: لاتنسين تشيلين الستارة فوق البايب مالها عشان ماتأذيج ولا تتوصخ زياده
أولها أحط داك مادري شسمه حق المرحاض وصوب الفتحات الحديد مثل البالوعه عشان ماتتكون الجراثيم والماده البيضه على الستيل
أرش ماي على الأرض وأحط نفسج صابون وأفركه وبين فتره وفتره أفرك الطوف مالوت الحمام بنفس الطريقه
وأيي حق المغسله وطبعا فرشتها غير عن إلي بالأرض وبعدين المرحاض وهم فرشته الخاصه فيه
وفرشة المغسلة نفسها إهيا مالت البانيو عقب ما أفركهم كلهم أصب ماي عليهم لما يروح الصابون كله
وأخر صبه أحط فيها ديتول لافيندر وبعدين أمسح الحمام بالمساحه وأنطره لما ينشففففففففففففف وخاصه صوب المغسلة والمرحاض وأحط الزل
المنظرة نفس الفوط إلي قلت لج عنهم ملوت المواعين إلي مافيهم وبر وخفاف حيل رشي منظف الزجاج ومسحي


وبس تعبت وأنا أكتب
بس كتبتلج ملاحظات وإذا تبين أي سؤال أنا حاظره

ملاحظات مهمة جداً : ----

• لاتنسين تشيلين الستارة فوق البايب مالها عشان ماتأذيج ولا تتوصخ زياده
• ولاتنسين تغيرين الماي أول ماتشوفينه توصخ وصار لونه غامج
• لأن إهني حزتها خلاص صار فيه وصخ وايد
• إذا عندج جاكوزي عبيه ماي وحطيله ديتول العادي مو لافندر أحس أنظف وأعقم وهم ريحته لايعلى عليها وشغليه خل الديتول يفتر فيه
  وفظيه وردي عبيه مره ثانية وشغليه بس بدون ديتول عشان الديتول يطلع من البيبات مالت الجاكوزي
• طفي كهربة التلفزيون وبعدين مسحيه
• وأهم شي لاتنسين تكشخين وإنتي تنظفين إذا زوجج موجود تعطري وحطي ربطه أو باند مو إمطه مالت الحجاب لأ باند أو لبسي تاج عشان مع التنظيف الشعر بأذيج
  وسوي شعرج ذيل حصاان وحلو يطلع إذا كنتي مسويه شعرج ستريت أو سوي تسريحة المطبخ ولبسي تراجي فصوص الصغار النمنم هذيل هم يعطون شكل حلو وماتحسين فيه
  وإدلعي وإنتي تنظفين جدام زوجج

 

[اااصداف]

مشكورخ حبيبتي كراميل بس انا مشكلتلي اتافف جدام علشان يبيلي خدامه بس الله يعين
وطريقتح حلوه وان شاء الله بسوي نفسج

لما انضف الشقه ما اكشخ شكلي يكون اكس ههههههههههههههههه ما ادري ليش يمكن من الملل

 

[بنت الحزن]

لازم تتعلمين حبيبتي علشان مستقبلج و لا تشدين علي روحج شوي شوي علشان لا تملين

 

[مولاتي سميه]

ماشالله كراميلا كفت ووفت

 

[الغاليه نونو]

شوفي يمه لازم تنظيف البيت يبيله تنظيم للوقت هذا اهم شى
والبيت له طريقتين بالتنظيف
الاولي تنظيف عادي
الثانيه تنظيف عميق


ومثل ماعلمتج كراميل ماقصرت يزاها الله خير
وبالنسبه حق المنظفات انتي ادري شاللي تحتاجينه
اذا عندج اثاث يبيله ملمع الخشب
واذا المنيوم فيه ملمع لهم واذا فضه والا نحاسيات يعني كل شى له شي تنظفين فيه علشان ماتخترب القطعه اللي عندج
والحمام اكرمج الله تاخذين ديتول وفي خلطات سويها انتي بالبيت تقدرين ترشين منها بالحمام اذاا تغثج ريحة الديتول مثلا
منظفات الزل لازم تكون موجوده عندج والفانش مال الزل احسن شى
وملمع السيراميك
كل اللي تبينه تلاقينه بلوااااااااااااااازم العايله ياقلبي
انتي بس شدي حيلج وعن الرفاله الزايده وبيتج بيلق ويصير يهبل بوجودج

 

[مولاتي سميه]

الغااليه نونو الفانش مال الزل الرش عندييي ماعرفتله رشيته على بقعه عندي وماراحت
شلون تستخدمينه؟؟

 

[LaSt WoMeN]

كاراميلا الله يعطيها العافية ما قصرت بس تدرين كاراميلا احسن شي تخلين
خمام - كنس - الغرفة آخر شي ..
يعني مسحي الأسطح و شيلي شراشف السرير .. و المرايا و الدرايش ..
آخر شي خمي الغرفة .. لأن ساعات تخمينها و بعدين مع المساح و التنظيف
تتوسخ الأرضية مرة ثانية ...

و نفس الشي بالحمام و انتو بكرامة .. آخر شي غسلي الأرضية .. أول شي
تغسلين الحنفية و المرحاض عزكم الله و البانيو ... و تالي الأرضية ..

و صاجة كاراميلا .. لبسي الباند و تكشخي و انتي تنظفين .. و يا حبذا بعد
لو تلبسين شورت و الا برمودا جينز .. و الله يعطيكم العافية ..

 

[شيخه_البيض]

اااصداف

يعطيج العافيه على كتابة الموضوع


أنا مثلج من تزوجت عمري بحياتي مانظفت شقتي اللهم غرفة نومي لاني ما احب احد يدخلها

اما باقي الشقة اخلي خدامة خالتي تنظفها

يوم مريت على موضوعج على طول قمت ومسكت الحمام عزكم الله وقعدت انظفه ليمن طلعت روحه والله والله اول مرة احس انه نظيف والشقة كلها نظفتها بروحي


شكرا لانج شجعتيني

ومن يوم ورايح انا اللي بنظف شقتي

الله يقدرنا على هالشيء

 

[بتبوتااا]

شي حلو شيخه انج تتحمسين انا حذي بيت خالتي كان عندي غرفه وصاله بينهم باب مبطل وبره حمامي عزكم الله
واحلى شي انه دوام ريلي شفتات يروح يوم ويقعد عندي يومين باليوم الي يروح فيه الدوام يصير يوم النظافه عندي
اقعد من النوم اعدل الفراش هذا شي اساسي وبعدين اروح اتريق
وارجع الغرفه البس بجامه شورت قصير وحفر واربط شعري باند احس بحماس جذي
المهم لازم البس النعال القطن مال الغرف نسيت اسمه المهم
وانظف الكبت وبعدين اخم وامسح الدرايش الميز الكوميدينات والكبت والسرير
والثلاجه خو اطلع الي فيها وامسح من داخل اخلص من داري اروح الصاله اخم الزوليه امسحها بديتول وبعدين الفها واحطها بالزاويه واخم الارض وبعدين امسحها بالسطل والمخمه ام شعر مع ماي وديتول وفي معقمات بروايح تحصلينهم بالجمعيه وكنت امسح فيهم الصاله تالي امسح
التلفزيون الطاولات والدرايش والمكتبه وكل شي وبعدين ارتب كل شي ولازم اشب لي فحمه وابخر واطلع من الغرفه اروح وانتي بكرامه الحمام اشيل كل شي احطه بالسله وابدي امسح بديتول ومعقم
واخذ جرايد علشان المنظره مالت الحمام وبعدين اغسل الحمام اكب السطل والديتول وصابون تايد
والمعقه وابدي امسح وافرك وايب البروش الي ينظف المرحاض وابدي انظف كل صوب وطبعا اغراض الحمام غير عن اغراض الصاله والغرفه يعني سطل الحمام بروح وسطل الصاله بروح
وبعدين قبل لا احط الاغراض مكانهم امسحهم وارتبهم ولازم اخذ شاور وبعدين امسح الماي واطلع من الحمام
اروح الدار وانا بقمت االانتعاش والتعب وابدي اتعطر واستشور شعري واطفي الليتات واخلي ليت الابجوره بس والتلفزيون واحط شوي ميك اب واقعد احس اني ملكه زماني
بس صج شعور حلو انج منظفه مكانج ولما ايي ريلح الصبح من الدوام او ينحاش بليل كالعاده
ويدش عليج تحسين بشعور حلوو وبعدها لما يفصخ ويقط اي شي بالارض تحسين بشعور ودج تزنطينه خخخخخخخ
والحين انا بشقه وما انظف الا داري والباجي على الخدامه

 

[hmama]

واي بنااااااااااااااااات انا ماحب التنظيف

غصب غصب انظف عشان زوجي والله مابي يشوف شي وصخ

بس تنظيفي اي كلام الصراحه

اذا غسلت الحمام ما انظف المطبخ واذا نظفت داري ما انظف الصاله

انا لازم كل يوم شي ما انظف مره وحده

 

[روزالكويت]

بنات بقولكم عن منظف شفت نتيجته بعيني للبقع عالسيراميك وللتكلس على البانيو والمراحيض اسمه ايزي اوف بام يهببببببببل يهببببببببببببببببببببببببببل كثر مااقول ما اخلص مذذذذذذذذذذهل لايطوفج حبوبه..على فكره انا عزوبيه بس احب انظف البيت مع الخدم تنظيفهم بوطقه موبظمير..