بنات ساعدوني والله نفسيت اتعبتي حيل و زايد محتاره

[bunnygirl]

السلام عليكم بدون مقدمات بكتبلكم عن مشكلتي يمكن الهم ينزاح عني وياليت كلوحده تعطيني رايها او شنو راح اتسوي لو كانت مكاني ...
انا الحمدالله مالجه صارلي 4 شهور وعرسنا بعد شهرين ...
الله رزقني ابزوج اموت علي وصريح وحيل طيب وياي و أنا وياه متوافقين او فكرنا واحد ويفهمني وفهما حيل .... بس قبل جم يوم سألته اذا كان عنده علاقات مع بنات قبل الزواج واهو صارحني قال انه كان على علاقه مع وحده تم وياها 3 سنين او كان انام معاها بعد ... وهي كانت أسياويا بس اقول انه تركها او تاب قبل لا يتزوجني اب 6 شهور .... او من ذاك اليوم وهو طاح من عيني او حبي له قل او دايما اتكون في صوره ابالي وصوره هاذي انه اهو قاعد يسويها ويها وكل مره افكر بشي هاذه انجرح حييييييل .... انا كلمت امي وأختي الكبيره ابهل موضوع بستشيرهم امي قالت تطلقي منه تستاهلين الي احسن منه وردي مهرا واختي اتقول استخيري ربج والله اسهل امورج .... ونا محتاره او احس اني مجروحه وحيرانه .... بنات قولولي انتو لو مكاني شسويتو

 

[هيبة ملك]

أسيوية؟؟

أكيد سوى فحص قبل الزواج يعني الحمدلله ماكو أمراض !

معناه هذا ماضي ومافيه حد ماله ماضي


تعوذي من أبليس وإذا مو قادرة استخيري وشوفي شيطلع معاج

 

[احلى روح]

رد : بنات ساعدوني والله نفسيت اتعبتي حيل و زايد محتاره

صلي استخارة وشوفي الصراحة موعيب بالعكس لوهومايرتاح لج ودشيتي قلبة صدقيني كان خلاج علي عماج
منو منا زوجها ماعنده علاقات قبل الزواج !!!!!
المهم الحاضر والمستقبل وهو انتي كبري عقلج والله يوفقج للي فيه الخير

 

[منيرة خالد]

وليش تسألين عن ماضيه

يعني اهو لو سألج وانتي لج مثلا علاقة حب سابقه راح يغفر لج !!؟؟؟


لا تنبشين بماضيه لأنه هالماضي اهو اللي يملكه بس الحاضر لج انتي من اليوم اللي ملجتي عليه ، لازم تكونين معاه صريحه قوليله هذا زنا واتمنى انك تتوب عنه والحين انت حلالي وانا حلالك والله يبعد الحرام عنا



والله غفور رحيم >>>> وانتي لازم تشيلين هالفكرة من بالج وتفتحين صفحه جديده بحياتج من يوم ملجتي عليه



الله يوفقج

 

[حلاتي بديرتي]

عيل انتي ما قريتي قصص الاخوات اللي طاحوا على ريايلهم يخونونهم .. تصوري متزوج ويخون ومستمر الا من جم قصه اللي ترك بنت اباليس بسسب اصرار زوجته على الحفاظ على حياتهم .. حمدي ربج ان قال لج وانه تاب .. ترى ما كو احد كامل انتي تقولين انه طيب .. وتحبينه .. وخلاص اهو تاب فاستخيري في المواصله معاه وان شاء الله خير .. هم انصحج انج تقرين نصائح ناعمه الهاشمي لزوجة الرجل الخائن.. والله يسخره لج ..

 

[MADMAZIL]

رد : بنات ساعدوني والله نفسيت اتعبتي حيل و زايد محتاره

السلام عليكم

 

[um meshoooo]

حبيبتي سو فحص اول شي لايكون في مرض او شي اذا سليم 100انا اقول خلج معاه اهو لو مومرتاح لج ويبيج جان ماقالج وصارحج بعدين ياما متزوجين يخششون سوالف وتطيح عليهم زوجاتهم بس حمدي ربج ان زوجج صارحج وهذا يدا اول شي على شجاعته وحبه لج وثاني شي ان الموضوع هذا ناهيه من حياته واخذي نصيحه مني خلي زوجج يقولج كل شي لاتحسسسينه انج زعلتي اواضايقتي بالعكس كسبيه وخليه يفضفض لج وصدقيني مع الوقت بترتاحين

 

[MADMAZIL]

رد : بنات ساعدوني والله نفسيت اتعبتي حيل و زايد محتاره

يوووووووووه لاتخربين بيتج بنفسج

 

[MADMAZIL]

رد : بنات ساعدوني والله نفسيت اتعبتي حيل و زايد محتاره

:gr4uu::gr4uu::gr4uu:ليتج ماسئلتي

 

[MADMAZIL]

رد : بنات ساعدوني والله نفسيت اتعبتي حيل و زايد محتاره

هذا ماضي والكل يخطي .والله يسامح العبد كيف انتي ماتسامحين

 

[MADMAZIL]

رد : بنات ساعدوني والله نفسيت اتعبتي حيل و زايد محتاره

كيف اجل تقولين وحده يكلم بنات جدام زوجته

 

[أم قـمبر]

اول شي ماكان المفروض تسئلين عن اي شي قبل لزواج
الريال او المره ما تتحاسب على شي سويته قبل
بس على الي يسوونه بعد
انا اقول الريال تاب واعترفلج معنه ماكان المفروض يعترفلج ترى
سامحيييه وعيشي معاه عاادي بس همن مثل ما قالوا لو تفحصوون احسن

 

[a7la MUM]

حياتي انتي ماتقدرين تحاسبينه قبل الزواج لانه ماكان يعرفج
بس سوري يعني اهو من النوع اللي تعجبه الاسيويه!! يعني باجر لا يبتي خدامه لازم اديرين بالج !!
واهم شي الفحصصصصص قبل الزواج اذا سليم استخيري انتي بأول الطريج بس مردج بتنخطبين واتوقع بييج واحد عنده علاقات قبل ماكو واحد خااالي بهالزمن الاقشر

 

[DooLy88]

اذا البنات لهم ماضي - شلون الريال ماعنده

عادي دام ماضي @@ اهم شي الحين شلونه معاج

وتقولين حق امج عن ماضيه @@ تقول لج تطلقي

@@

عيل لو انتي وحدة سنعة معاه وتحبينه وقايمة فيه ومومقصرة واكتشف ان لج (ماضي) << لاااااااااازم يطلقج
لالا ماتبقين على ذمته لو دقيقة !!!

غريـــب

وليش يعني؟
لانها آسيوية؟؟

آسيوية والا افريقية عاد اسمها بنت ولعب وماضي

 

[حجيه هيونه]

هذا شي انتهى

والريال تاب والله يغفر له ان شاء الله

انتي ليش تدورين ورا هالمواضيع


عموما مع الوقت راح تنسين انتي بس مصدومه عشان توج سمعتي السالفه


تعوذي من ابليس ولاتدمرين بيتج بسبب ماضي انتهى

 

[اميرة-الاحجار]

ماشاء الله مانزلت عليه التوبه الا لما تزوج ؟؟
مادري ليش احسه جذاب بس انتي استخيري ...

 

[Princess Lady]

رد : بنات ساعدوني والله نفسيت اتعبتي حيل و زايد محتاره

استخيري + لازم فحص الزواج

 

[Tom ♥ Jerry]

.


حبيبتي أهوه تاب !
و ترك هالخرآبيط ربج غفر له ان شاء الله
غفريله أنتي عآد لا تتكبرين

 

[cramela]

شوفي صلي يا قلبي صلاه الاستخاره و تري ما في احد ماله علاقات بس نفس ما قالوا لج لازم الفحص الطبي علشان ترتاحين ولا تحاتين اذا كاتب الله لج شئ تاكدي بان اهو احسن شئ لج والله يوفقج

 

[ورق عنب]

والله مادري شقولج .. اهو الكل عنده ماضي والماضي فات بس مو الكل ينام ويا حبيباته ..يعني المشكله اللي اعتقد مضايقتج انه كان ينام معاها !!!

فكري وشاوري اكثر من شخص والاهم انه تصلين استخارة .. شاوري نفسج بكل صراحه واتخذي القرار اللي تشوفينه لمصلحتج واذا قررتي تستمرين معاه لازم الفحص