بنات ســــــــــــــــــــــــــــــــاعدوني

[الشماليه 30]

الســــــــــــــــــــــلام عليكم
ابي ادخل بالموضوع سيدا:
انا حامل بالشهر السابع رحت اليوم للمراجعه على فكره انا قبل كانت عندي مشاكل مع المشيمه لانها نازله حيل بس بعد مادخلت السادس ارتفعت شوي الحين طلعتلي سالفه جديده:eh_s(16):الدكتوره شافت السونار جان تقول الجنين صاير بوضع جلوس قلت يعني شنو قالت اذا استمر الوضع جذي ماراح تولدين طبيعي!!!!يعني قيصريه :eh_s(11):
بنات صج خايفه شنو اسوي الي لها خبره لاتقصر معاي تكفووووووووووون:eh_s(2)::eh_s(2)::eh_s(2):

 

[شووووشن]

لاتخافين ادعي ربج لانه ممكن يتعدل حبيبتي

والظاهر انه لازم تطولين بالسجود وبعد تحبين زي اليهال على ركبج

هذا واللله اعلم

ربي يطمن قلبج ويرح بالج ويهون عليج وعلينا

 

[f@rsaq8]

الله يسرلج

 

[om 7sony]

حبيبتي ان شاء الله ما عليج الا العافيه
انتي توج بالسابع يعني يعني باذن الله باقيلج وايد عالولاده
اكيد البيبي راح يتحرك ويغير وضعه
لا تحاتين ان شاء الله ماكو الا العافيه

 

[انثى الكويت]

حبيبتي لا تخافين تو الناس عليج

الياهل بيوم وليله يقلب سبحان الله

لا حاتين ولا شي مارسي حياتج طبيعي وتوكلي على الله

والله جم وحده قالو لها طبيعي وراس البيبي تحت و اولدت قيصري والله شوفي تجمعنا شهر اكتوبر كذا وحده قالو لها طبيعي
بس اولدو قيصري


وفي بنات قالو لهم قيصري اولدو طبيعي ماتدرين حزت الولاده شنو ممكن يصير

الله يسهل عليج يارب وتولدين طبعي وانا وياج يارب ما بقى علي شي

 

[هذا مزاجي]

حبيبتي تو الناس ع الولاده
اكيدوضع البيبي بيتغير
وحاولي تطولين بسجودج
والله يقومج بالسلامه

 

[الشماليه 30]

ماقصرتوا بنات والله يجزاكم خير

 

[تبطي عظم!]

انا نفسج بس دكتورتي ماقالت لي شيء قالت بس ان البيبي عنده فرصه يتغير وضعه لي التااسع

وومراات بالولاده يقلب وانا بجريه وحدي خقيت بس قت حجمه للحين صغير وفي مجال يقلب

هالحجي كنت بنهاية السادس وهالاسبوع عندي مراجعه وبشوف وضعه شلون يصير

 

[@سيدة نفسي@]

يقولون احبي على ركبج وتتغير وضعية الجاهل

انا بصراحة مو مجربة بس حماتي كانت بنتها بوضع

الجلوس لي التاسع وولدت عملية ..الله يسهل عليج

عليج بالدعاء والصدقة والله كريم

 

[رووح ابووها]

انا اختي الكبيره عيالها 3 توصل التاسع واهم بوضعية الجلوس
وتولد عن عاليه الفضلي والحمدلله كلهم طبيعي جابتهم

 

[المسكـ]

عادي حياتي البيبي بيوم وليله يلف واذا الدكتور شاطر راح يلفه لج اول التاسع
ونصيحتي طوووولي بالسجوود وكثري جماع والله يقومج بالسلامه انتي والبيبي

 

[الشماليه 30]

تبطي<<<<<< الله يجعل ولادتج طبيعيه وسهله وشكرا انج قلتيلي تجربتج عاد امانه طمنيني من تروحين للمراجعه
وخواتي الباقيات الله لايحرمكم الاجر صج ريحتو بالي

 

[Princess^Mom]

لا تحاتين تو الناس عليج والياهل يتعدل وضعه بالتاسع بس انتي ادعي ربج يرزقج بالولادة الطبيعيه
والله يسهل عليج ان شاء الله

 

[Dark SouL]

لا تخافين حبي ولا تحاتين عنده فرصه ويتغير وضعه لي التاسع
انا في بجري بشهر الثامن كان جذي ولين دخلت التاسع وصار كلشي طبيعي ووو لدت قيصري لوول

 

[virgo88]

الله يسهل عليج يارب

 

[الشماليه 30]

والله خواتي امس من قالتلي الدكتوره ان الياهل جالس ببطني وانا موقادره انام افكر انا بغربه ولااهل ولااحد يمي وولد قيصريه:eh_s(2): راح اتلعوز بس الحمدالله على كل حال عموما شكــــــــــــــرا لكل الخوات االي طمنوني والله لايحرمكم الاجر