بنات شرايكم بالدكتور فااطمي البلجيكي؟؟

[موجه حزن]

مرحباااا بنات
ولاعليكم امر بس بغيت اخذ راايكم بالدكتور فاطمي اللي برويال حياه نااااس واجد نصحوني فيه بس ماادري الله يستر خذيت موعد وسوالي تحاليل بس للحين ماطلعت النتيجه ماادري يعني اهو شااطر ولالا بلييز اللي تعرفه تجااوب ؟؟؟؟؟؟؟؟؟

 

[WoNdErFuLL]

ممتااااااااااااااااااااااز
أنا حملت بفضل الله عز وجل ثم من الحقن المجهرى سويتها عندها

 

[فـي غـربـتـي]

رد : بنات شرايكم بالدكتور فااطمي البلجيكي؟؟

والله يمدحونه وشااااطر بس اتوقع تروحين له في ديرته احسن شغلهم وسنعهم ومختبراتهم كلها كامله هناك

 

[لاكوستة]

انا نفسي اقيمه انه احسن دكتور بالعالم
و فرصة انه موجود بالكويت ما تعوض و نعمة يبيلها الشكر بدال لا تتغربين برا الديرة اهوا بنفسه يايلنا الكويت
شوفي اهوا مو نفس دكاترة الكويت كلللللش يعني ما يستعيل و يشخص حالتج الا بعد ما يشووف تحاليلج انتي و ريلج و حتى اذا في شي ما يطمن يعرف شلون يوضحلج المعلومة الصح من غير لا يخرعج
شقولج عنه بعد وااايد فاهم و من قعدت معاه و قتله انا شنو كنت اخذ و شنو وصفولي دكاترة الكويت كان يستغرب شلون يسوون جذي دكاترتنا
و الحمد الله انا بلشت عنده قبل جم شهر و حملت بفضل الله و فضل الطاقم البلجيكي بس الحمد الله الله ما كتب انه يتم الحمل و راح ارجع ابلش لعلاج مرة ثانية باذن الله عندهم
بس في شغله وحده لازم تعرفينها و انا في البداية كان خايفه منها
انا قبل لا ابلش العلاج سمعت انه وايد يسافر و قتله هالشي جان يقولي انا صحيح كثير السفر بس سفراتي ما اتطول و تكون مجرد حضور مؤتمرات حول العالم
و يقول حتى لو سافرت راح احولج على الدكتورة حفصة و اهيا تكمل العلاج معاج و قالي تطمني محد يسوي اي شي من غير لا ياخذ الاذن مني يعني تطمني عالااااااااخر و انا اهوا اللي شخص حالتي و تابع معاي العلاج بس وقت عملية السحب و الترجيع كان مسافر و اضطريت اني اسويها عند حفصة اول شي كنت خايفه و ريلي كان وايد معصب بس الحمد الله طلعت هالدكتورة تينن و نجحت عمليتي
ما شاء الله اهيا وايد شاطرة
و من كثر ما عاجبني هالدكتور لو تلاحظين كل مشاركاتي امدح فيه ودي كل البنات يروحونله
و اذا تبين اي سؤال او استفسار لا تترددين انا موجودة و بالخدمة و الله يوفقج ياااا رب و يهل دربج و يرزقج الي في بالج

 

[فانسي نايت]

هلا حبيبتي

انا اقولج كملي معاه و انتي مغمضه ،، ماشاء الله عليه وااااااااااااااااايد شاطر و فاهم و احسه غير عن باجي الدكاتره ، انا رحت لجم دكتور مارتحت الا لدكتور فاطمي وانا مع 100% مع كلام اختي لاكوسته ،،،،،،،،،،

والتوفيق من رب العالمين و الله يرزقج و يرزقنا يارب

 

[موجه حزن]

مشكوورين حبااايبي على الردود الحلوه الله يطمن بالكم مثل ماطمنتوني بصراحه كنت خاايفه والله يرزقني ويرزقكم جميعاااااااااا يارب
بغيت اعرف يعني اهو مايتعامل الا بالعملياات او اذا الحاله تستدعي للعمليه يعني ؟؟؟؟

 

[مناوووي]

رررررررررررررررررررررررررررررررررررررررررررررررررررررررررفع

 

[بيرق الكويت]

يعالج الزوج إذا عنده مشكله وإلا بس يسوي عمليات الانابيب؟؟؟؟
شنو يميزه عن دكاترتنا؟؟؟

 

[موجه حزن]

اهو متخصص بتأخر الانجاب والعقم سواء مره اورجال يعني موامراض نسااء وولاده بس خاص بتأخر الانجاب انتي روحي وشوفي شنو يقولج بصرااحه ناس وااجد يقولون حملو بعد الله عنده واللي يميزه عن دكاترتنا انه شااااطر وحطي ببالج ان دكاتره الخارج افضل من اللي بالبلاد عندناا يعني يفهمون اكثر وانتي توكلي على الله وروحي له .....

 

[بيرق الكويت]

الله يجزاج خير ويرزقج بذريه الصالحه
انشاء الله بنروحله

 

[LOVE CHANEL]

عفوا جم سعر العمليه عنده؟
انا سويت عند د فوزيه القطان السحب والارجاع والابر شامل تقريبا 1500

 

[عــود كمــبودي]

كم يكلف الحقن المجهري عنده شااامل كل شي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[kitty eyes]

انا ان شاء الله موعدي عنده الاربعا

واشوف شنو يقولي

الله كريم

 

[مارغريتا]

آب آآب

 

[dana1986]

انا ورفيجتي سوينا عنده اطفال انابيب ما نجحت الله ماكتب لنا ورفيجتنا الثالثه انجحت سبحان الله بس اهوه ماسوالي العملية كلة دكتورة حفصة البوعركي اهية اللي سوت لي كل شي اهوة بس يتابع الحاله يعني انا ماشفته الا مرتين او ثلاث

 

[jawhara.77]

جم تكلفة العملية عنده مع العلاج ؟؟

 

[maahaan]

رد : بنات شرايكم بالدكتور فااطمي البلجيكي؟؟

قاعدة افكر اعالج عنده من كثر المدح الي سمعته عنه بس للاسف انا مو من الكويت ولا اعرف حد بالكويت والعلاج يبله فترة ,,, تقريبا كم فترة ياخذ في العلاج ؟؟

 

[دلــــع البنــــات]

رد : بنات شرايكم بالدكتور فااطمي البلجيكي؟؟

بصراحة روحي لماجد الشمري والله شاااااااااااااااااطر

وادخلي ع قوقل وشوفي المدح عليه

ومعرووووووووووووف ماجد واتمنى اني فدتج

 

[دلــــع البنــــات]

رد : بنات شرايكم بالدكتور فااطمي البلجيكي؟؟

بصراحة روحي لماجد الشمري والله شاااااااااااااااااطر

وادخلي ع قوقل وشوفي المدح عليه

ومعرووووووووووووف ماجد واتمنى اني فدتج

 

[روج كرزي]

فاطمي من جامعة بروكسيل مع دكتور ديفروي العود بس ديفروي يجي مرتين او3 مرات بالسنه يشرف عالمستشفى ,,,يعني فاطمي تتلمذ على ايد ديفروي ,,,وفاطمي يسوي تفتيش مجهري للزوج الي ماعنده حيوانات منوية ,,,وفاطمي بروفسور موبس دكتور ...يعني تخصصه امراض نسا وامراض رجال ,,, والله الرازق اذا اراد شي قال له كن فيكون ,,, اما من ناحية الشطاره ماشاءالله ,,, بنات اللي زوجها في شي تروحله اما اللي مافي شي ختروح ناهض اوفوزية واستخيرو بنات كذا مره ,,, تكاليف العلاج 2200د.ك كل شي اما اذا الخزعة والتفتيش زيدو 450د.ك ,,, الله يرزقني ويرزقكم بالذرية الصالحة ياااارب ,,, ادعولي بنات ... وان الله يشافي زوجي ويهدينا لبعض ,,,