بنات شرايكم بالقطرية ومنو جربها بليز :)

[شهرزاد الحكاية]

^^^^

خرعتيني على سالفة الوزن اختي ... عاد انا حييل يهمني الوزن

لا والله انا مو رايحة لندن بروح ايطاليا ان شاء الله ...

جم الكيلو الزايد عندهم ؟
ومشكورة وايد على الافادة​

 

[law love]

كل وجهه الكيلو يكون سعره غير

جيكي بسايتهم اكيد حاطين

 

[أمانيQ8]

والله انا طرت عليها مره رحت المانيا وحلقت على اذوني بعد مستحيل اركبها من الموقف اللي صار لنا معاهم بالرجعه

الله يسلمج طلعنا من النمسا اتجهنا الى مطار ميونخ ولما وصلنا قالوا مو كلكم لكم كراسي...طبعا اطلعت اعيونا نعم؟؟؟؟؟؟؟؟؟؟؟
اشلون؟؟قالوا سوري بس يا توا شيخ قطري وركب بأماكنكم ...قلنالهم اشهالفوضى اذا الشيخ القطري دافع هم احنا دافعين قالوا عادي روحوا على دفعات اليوم يروح اللي كرسيه موجود بالطياره وباجر الباجي يروحون قلت لهم انتوا ميانين ولا شنو؟؟؟ يعني اللي موجوده اساميهم بناتي الصغار اعمارهم 14و8سنين اخليهم يطيرون وانا وريلي وباجي اعيالي نلحقهم باجر!! اشهالعبووو.. وتناجرنا معاهم وتدخلوا ناس وصكت بينا وبين حشاكم الكلبه الالمانيه اللي تشتغل بالقطريه ماتستحي اتقول حق زوجي (اششششششششششششش ولا كلمه انت بألمانيا لاتعلي صوتك)قال لها عليت صوتي لما ماشفت احترام منكم وتدخلوا ألمان من المطار ومن حظنا كنسلوا بعض الركاب من كيفهم هونوا عن السفر خذنا مكانهم وريلي كان معصب قال بس ارجع برفع قضيه عليهم بس رجعنا وشمينا ريحة الكويت نسينا كل شي بس حطينا اكس عالقطريه

بالنسبه للكراسي وايد ضيجه ومو مريحه ماتقدرين حتى اتحطين ريل على ريل من كثر الضيج والكرسي اللي جدامج منسدح بحضنج
وفي ناس وايد يمدحونها مو شرط بس انا اعطيج اللي صار وياي والله يسهل لكم

 

[مشتطة وبس]

تهببببببببببببببببببببببببببببببببل فضيعه احسن من الاماراتية اللي خبونا فيها بس عيوبها بسيطة وهي كالاتي:
= الاكل حلو بس لاتاخذين اشياء غريبة وحطي لج اكل بالطيارة احتياط اكلهم الفاخر الغريب (مثل دجاج بالاناناس لحم بالجوز) بس مو كل مرة - بس اخذي معاج اكل توست محشا ولا شي
= الوزن ديري بالج منه بالردة ما يتساهلون اذا عندج وايد شحني
= المطار يضيق الخلق بس لاتاخذين رحلة -الترانزيت طويل

بس ترا مومعناته موزين فضيع مريح وبرامجهم تينن

ورافقتكم السلامة

 

[مشتطة وبس]

اختي اذا بتروحين ايطاليا عندج الوطنية احسن ودايركت................

 

[om_7sin]

انا ولا مرة مسافرة عالقطرية بس كنتت حاجزة وكنسلت وحجزت عالاماراتية حق ميونيخ لان بخاطري اطب مطار دبي بس مكتب السفريات قالي ماكو فرق وتقريبا بالسعر ماكو فرق وايد بس حجزي من الحين الاسعار قعد ترتفع وعالعموم انا شفت الاكل مال الاماراتية بموقعهم حسيت موذاك الزود باخذ معاي اكل خفيف حق الطيارة لان بعد معاي عيالي صغار باخى لهم كورن فليكس وهالسواالف ........ بنات بغبت اسال شنو مايدخلون بالطيارة؟ يعني خليل سائل يدخلون وجبن كرافت ؟ وعربانة عيالي اخذهم معاي بالطيارة ولا اخليهم بالشحن ؟ اعمار عيالي سنتين واربع سنين*