بنات شرايكم بمكياج ماك التقليد يستاهل ولا لا .وغلاتي ادخلو

[بنت الاحلام]

قوه بنات شخباركم

يا خبرات المكياج

بسالكم دامكم خبره اكثر مني وانا كل حياتي تجاره ما افضا ابدا


الحين هابين بمكياج ماك الكندي بكل المنتديات


وكل ما اسال بنت تقول نفس الاصل طبق الاصل مع اختلاف السعر ارخيص بكثيرر


الي جربو التقليد شرايكم فيه صج نفس الاصلي ولا خرطي والحمر تدوم ولا لا


والبلاشرات حلوه
عاد ابي اجابه شافيه بنات عفيه

لاني ناويه عليه

قريب


كنت بشتري ريميل بس لما شفت مدح البنات له

جني حولت عليه

عطوني رايكم


.؟​

 

[samara20001]

موفقه اختي توكلي على الله لان مكياجهم حلو ورخيص وتقريبا نفس الجوده
الشدوات وايد حلوه والحمرات حلوه وان شاء الله البنات يفيدونج اكثر

 

[بنت الاحلام]

بعد عمري فديتج والله بنتظار راي باجي البنات

 

[Q8stylle]

الاسف ماجربته
ان شاء الله البنات يفيدونج اكثر

 

[بنت الاحلام]

up up

 

[cuteya1986]

انا جربت الاصلي وكانت معاي وحده بالدوام تبيع التقليد وبسعر مقارب جدا للسعر ماك الاصلي
شوفي ماك استخدمت من عندهم كريم الاساس تغطية كاملة والبودرة والاضاءة الصدفية وماسكارتهم وصبغ اظافرهم والحمر ومثبت المكياج
صراحة لمن استخدم شي اصلي احس بثقة واتطمن على بشرتي



يعني بشرة الوجه مايبيلها شي تقليد

وان شاله البنات يفيدووونج اكثر

 

[Un-6be3iya]

انا جربت من عندهم جم شغلة حلوين عادي ماحسيت بـ فرق

 

[~Unreachable]

انا جربت حمرهم

الصراحه لونهم قوي و ثابت

اما البلشرات ماجربتهم

 

[بيرلا ستور]

روعةةةةة
وخصوصي مال التغطية الاساس وخافي العيوب
والبودرة والبلشر روعة
ناوية اجدد بس يخلص اللي عندي

بلا ريميل نصيحة روحي لماك عن تجربة

 

[أنفاسي دخون]

للامانه ما جربت التقليد

ان شاء الله البنات يفيدونش

 

[miss_math]

رد : بنات شرايكم بمكياج ماك التقليد يستاهل ولا لا .وغلاتي ادخلو

وانا بعد ما جربته ..

 

[عز النفس يغنيني]

حبيبتي إذا بتتاجرين فيه شيء طبيعي تقليد ماك أحسن تتاجرين فيه .. أقولج ليش ..

أول شيء ماك أسعاره غاليه والتقليد أرخص ويقولون نفس الجوده والالوان واضحه وأحلى من ماك الاصلي

ثانيا ريميل رخيص يعني الكل يقدر يشتريه وما سمعت إن بنات شروا تقليد ريميل ..

اما إذا شيء لج شخصيا .. كل ماركه لها شغلات مميزه فيها ..

لكن الشغلات إللي مخصصه للوجه ( مرطب -بودره - كريم اساس - بيس -ماسكرا ) .. أحسن تكون ماركه وهذا رأيي .. وفي بنات

يستخدمون شغلات مو معروفه ومو ماركه وناسبت بشرتهم .. يعني مغامره ..

وموفقه حبيبتي

 

[بنت الاحلام]

بعد عمري حبيبتي لا والله مو متاجره ابي حقي انا


مابي اتاجر

 

[شوق شوقى]

اب اب اب

 

[**القلوب المسافرة لله**]

والله انا طلبته للبيت وجابتلي 4 اجنااااااط كلهاااا مكياااج وخذيت فرش ماك بس ممنووووووع تجربين اي شي يعني اشتري على عمااااج والله شلوون اشتري شي بدووون تجربه خذيت الفرش والباااقي رديته

 

[احب المنتدى]

رد : بنات شرايكم بمكياج ماك التقليد يستاهل ولا لا .وغلاتي ادخلو

ما اعرف و الله

 

[بنت الاحلام]

شلون ممنوع شلون اعرف الالوان والدرجات والجوده


لا انا ابي مكان اجرب فيه عدل واشوف الي يلوق لي لازم في تستر

 

[زيـטּ عَبْس]

ماجربته

لكن للرفع

 

[بدويـــة مودرن]

مآجربته والله

رفع للفايده

​

 

[بنت الاحلام]

رفع الله قدركم بنات