بنات شسوي بنتي على مقعدتها شلون راح اولد :(

[fofowa_q8]

قوه بنااات

انا بالسابع وسويت سونار مرتين قالت لي الدكتورة ان بنتي

نازله بالحوض وقاعده على مقعدتها وريلها لي فوق يم ويهها

بنات شسوي؟؟؟ اخاف تكبر واتم جذي على هالوضع لي حزة الولاده؟؟

يقولون في دكاتره يقلبون البيبي قاعده افكر اروح قبل لا يكبر البيبي ويصير صعب يحركونه

عفيه بنات اللي تعرف بهالموضوع او مار عليها تساعدني

قاعده احااااتي خصوصا اني بجر ومااعرف شي

 

[آهات الليل]

امي ولدت اختي الصغيره طبيعي وكانت طالعه من مقعدتها عادي والله بس بحكومه
انتي ادعي ربج ينزل راسها تحت
واحبي كل يوم نفس اليهال الصبح وبليل وطولي وانتي تحبين
انزين
وكثري سجووووووووووووووود
كل هالاشياء بفضل الله تخلي راس البيبي تحت ايه نسيت امشي على تراب البحر عن تجربه وصعدي الدرج ونزلي والله زين لان ينزل راس البيبي تحت باذن الله

 

[fofowa_q8]

مشكووووورة حبيبتي اهات بسوي اللي قلتي لي عنه واشوف شيصير

يزاج الله الف خير

 

[منتهى الرقة86]

حبيبتي لاتخافين آنا مثلك بالشهر الثامن قبلت وصارت على مقعدها

وقالي الدكتور احبي كثير ومافي فايدة اخر شي هو لفها بثواني ولا حسيت بشي مثل مايقولون انه يعور

وسوالي توسعه وولدت بنفس اليوم طبيعي الحمدلله

 

[fofowa_q8]

منتهى الرقه انا المشكله دكتورتي ما تلف البيبي فبشوف دكتور يلفها

مشكورة عالرد حبوبه

 

[العمه1]

حتى انا كان نفس الشئ وبعدين قلب البيبى موعد الولاده سبحان الله

 

[fofowa_q8]

ان شاالله يتعدل وضعها مشكورة على مرورج حبوبه

 

[روعة خيال]

عادي اكو دكاترة يولدون الياهل و اهو على مقعدته

بس يستحسن انج تحبين وايد و تطولين بسجوودج و ان شاء الله كل شي تمام

 

[kitten-85]

انا نفس حالتج بنتي كانت وضعيتها جذيه ونطرت لي 3 اسابيع من التاسع ومافترت ودكتورتي كانت نزهت الي بالسلام قالتلي احتمال كبير قيصرية وانا كنت خايفة ما ابي قيصرية لان ببجري والدة طبيعي الحمدلله وبعدين عطتي موعد ان بتفره لي وثاني يوم تولدني سواء افتر البيبي او ما فتر انا خفت وترددت ورحت سويت استشارة عند الدكتورة امل عبدالعزيز الراشد سوتلي سونار وقالتي ما ينفع مستحييييييييييييييييل تخلين احد يفره لج خطر هذا ايام اول هالجي هالشي يحطوونه بالمتحف من قبل 30 سنة خطر مضاره اكثر من فوايدة ممكن لا سمح الله اثناء الفر يلتف الحبل السري ويخنق الجنين او ينقطع الحبل السري لا سمح الله فالطبيب يظطر يرد البيبي على نفس وضعيته قبل الفر خصوصا في مثل حالتي وحالت يسمونها ( بريج) او وضعية المقعدة ... افضل شي القيصرية وقالتلي اتوكل على الله وصج ولدتني اهيا قيصرية والحمدلله بنتي بعد يومين ان شالله تكمل شهرين الله يحفظها ويخليها لي ياااااااااارب والفال لج ان شالله تولدين بالسلامة وان شالله راس البيبي يفتر وتولدين طبيعي ...

 

[kitten-85]

ومثل ما قالوا البنات طولي بالسجود واحبي وان شالله يفتر انا جربت هالطريقة من آخر الثامن بس سبحان الله مافادت معاي بس مو شرط واااايد حريم فادت معاهم وان شالله يفتر البيبي ... وهمن مع الطلق ممكن بفتر البيبي على آخر لحضة سبحان الله ماتدرين .. الي الله كاتبه بصير سواء الوالدة الطبيعية او القيصرية ..

 

[Miss Golden]

عااادي حبيبتي... في واحد من اخواني امي تقول قلب طبيعي و نزل راسه تحت واهي تطلق وكانت بالسياره رايحه المستشفى تخيلي..

و غير جذي عادي بعد تولدين طبيعي بهالوضعيه بس الاحسن بالحكومه لان الخاص بياخذون فلوس وبيستغلون هالفرصة عشان القيصري..

 

[شموووخ وغروور]

لاتستعجلين على عمرج انا كنت نفسج بس بقوالج شتسوين طولي بالسجود واحبي وترى والله عادي راح يفر من كيفه انتي توج ماصرتي بالتاسع وعليج بالدعاء وقراءة سورة البقره ..

 

[الحسن كله]

أذكر وحده صار معاها هالشي الدكتوره قالتلها كلي ككاو عشان الككاو يزيد حركة البيبي وإنطري شوي ثم إحبي بشكل دائري على طول الغرفه يعني طقي فره رايحه راده
وإنشالله يقلب ويصير وضعه طبيعي يارب

 

[داناو]

والله الحلول وايد
منها تنطرين يمكن تفتر عالثامن
او تنطرين لحزت الولاده من قوة الطلق تفتر (هالراي انا ماافضله كلش)
وممكن تروحين الحين لدكتور اسمه الاسطل.. اعتقد بالسلام مدري دار الشفا ..هذا ممتاز ممتاز بفر الجنين بالسابع والثامن
وممكن تروحين لدكتور شاطر تقولين له ابيك تولدني وبنتي ريولها تحت.
اذا ابدى الدكتور موافقه ومقدرته عالتوليد .اتكلي على الله وروحي له حزة الولاده
لان وايد حريم ولدو طبيعي وعيالها روسهم فوق.
والله يهون عليج وتولدين طبيعي
كثري استغفار بنية ان الله يهون حملج ويسهل ولادتج وتصير طبيعي
صدقيني الاستغفار الدائم معجزه