بنات شفت في اليوتوب الوالادة وقعدت اصيح خايفه حدي

[حبيبي فهوودي]

يارب هون علي ولادتي وعلا جميع الامهات يارب
بنات اكتب لكم واصيح صياح شفت في اليوتوب الولادة قيصريه وطبيعيه مدري شاللقافه اللي فيني واشوف بنات خاييفه. والله قاعدة ابجي خايفه
بموت من البجي شسوي خايفه انا بالرابع وحيل تعبانه من الوحام والترجيع وغيرة اجل شلون ولادة
ربي سهل علي وعلا الجميع دعواتكم

 

[حنطاااويه]

انا باقيلي اسبوع وادش التاسع وقربت ولاتي وبجررررر
وحدي خااايفه
بس مافكررت اشووووووف
والله يسهل علييج وعلي وعلى كل البنات يااارب

 

[ليدي 2012]

حبيبتي لا تخافي ابدا توكلي على رب العالمين من كل قلبك واعرفي ان ربي بيسهلها مهما كانت صعبة ومن يتوكل على الله فهو حسبه الله يسهلها لك ولي انا ولاداتي كلها قيصري بس متوكلة على الحي القيوم

 

[om-a7madeno]

والله السهاله من الله و الحين انشالله مع ابره الظهر ما تحسين بولااااااااااااااااااااااااااا شي صدقيني اختي مجابله البيبي و اهيا بتولد

 

[حب1985]

لما تكونين بالوضع نفسه غير لما تشوفين .. انتي اذا شفتي ممكن تتخيلين اشياء وتخافين بس حزتها تحسين الوقت يمشي بسرعة
وتره انتي الحين بالرابع وهرموناتج مأثوة عليج وعلا نفسيتج بس اذا دخلتي السادس ان شاء الله راح تتحسن نفسيتج وتتقبلين الوضع وراح تحبين البيبي واهو يتحرك ببطنج ويرفس حاولي تستمتعين بهالفتره لانج بعدين راح تتذكرينها وتضحكين

 

[ام الحلوااات]

عــــااادي حـــبـــيــبــتــــي الــــتــــســــاهـــيــــل مـــن اللــــه لا تـــطــــااالــــعــــيــــن هــــاالاشــــــيـــــاء احـــيــــانـــــآ يــكـــون مــــبـــااالــــغ فـــيــهــــا

 

[مشتطـه]

أول شي شحقة تفاولين على نفسج وتقولين انه قيصري ؟


ثاني شي

انا يوميا وانا بالتاسع ابطل اليويتوب واشوف والولاادة الطبيعيه

وقبل شفت القيصرية


عادي جدآ

مع اني اخذت كمام

مو ذاك الزود تخرع

صج الالم قوي بس عاااادي نسييييييييييييييته الحمدلله

 

[الأميرة جوري]

الله يسهل عليج سهالات ان شاء الله .... توكلي علي الله

 

[FJ style]

حبيبتي بالعكس
مليون الف ترليون امراة بالدنيا يابو عيال فلا تخافين
وانا احب ان الوحدة تثقف نفسها وتشوف عشان ما تدش غشيمة
واكبر نعمة
ابرة الظهر
دامج دشيتي يوتيوب
دشي مرة ثانية وكتبي ابرة الظهر اسمها ايبيدورال بس مادري شلون تنكتب بالانجليزي دوري ترجمتها بقوقل

راح تشوفين شلون الحريم مايحسون بشي وقتها

عادي الخوف شي طبيعي
انا يايبه اربع ولي اخر ياهل وانا رايحه المستشفي اقول حق امي يمااا خايفه جني اول بيبي
طبيعي الخوف لكن كلها جم ساعه وسبحان الله بعدها كل الالم يروح

خل اقول لج
اكيد انتي اخترعتي من طلعة الراس
انا بالنسبة لي اسهل شي طلعة الراس
اللوية كلها بالطلوق
فالحل اهو ابرة الظهر وبتدعين لي

 

[حبيبي فهوودي]

اه ريحتوني شوي ماقصرووو فديتكم بس ان ابرة الظهر ناس يقلون استافادو وبعضهم لا انا ام زوجي خذتها هي جايبه توأم تقول ماسوت شي هي لها اضرار ولا عادي اي انا شفت طلعت الراس يمه قلبي بيوقف شفت الاثنين الطبيعي والقيصري وشو الافضل شؤال غبي بس جاووبو تكفون

 

[صديقت قوقل]

نفس سؤالج دايم يراودني
بس لحد الحين مالقيت جواب 100 بالميه


شنو الافضل القيصري او الطبيعي

 

[اميرة في اخلاقي]

من صجكم !!!! اكيد الطبيعي وان شا الله تولدين طبيعي احسن من شقت البطن وبعدين ترا الولاده ماتخرع لهدرجه سبحان الله من تشوفين البيبي تنسين كل شي وترا ابره الظهر نعمه من الله ولاتنسون اوراد الولاده والله يسهل علينا يارب انا الاسبوع الجاي ان شا الله ادش شهري ادعولي بليز الله يسهل علي محتاجه هالدعوه

 

[سمر شمر]

اه ريحتوني شوي ماقصرووو فديتكم بس ان ابرة الظهر ناس يقلون استافادو وبعضهم لا انا ام زوجي خذتها هي جايبه توأم تقول ماسوت شي هي لها اضرار ولا عادي اي انا شفت طلعت الراس يمه قلبي بيوقف شفت الاثنين الطبيعي والقيصري وشو الافضل شؤال غبي بس جاووبو تكفون

شلقفج على هالمقاطع

انا بس شفت المرة تعصر سكرت الاب :eh_s(2):

وماكملته

بس مثل ماقالو البنات متوكلة على الله وبس :yaaaaaarb:

 

[كويتية تكفي مية]

شوفي حبيبتي اول شي لازم يكون ايمانج بالله قوي وثقتج بالله كبيره الله ما اختارج تحملين وبهالوقت الا له حكمه
ان شالله راح تتحملين وتحسين الوضع سهاله وتنسين وانتي مو اول ولا اخر وحده حملت وولدت وكلهم الحمدالله عايشين وباحسن حال
والمره عموما الله سبحانه وتعالى عطاها القدره على تحمل الالم
وكافي عطاها الشهاده لا ماتت بالولاده شتبين اكثر

خلي ايمانج بالله قوي واستودعيه نفسج واللي بطنج والله بيحفظكم ان شالله

الله يهون عليج وعلي وع كل الحوامل يارب

 

[Meeesh]

سهالات من رب العالمين لاتخافين حتى بدون إبرة الظهر سهالاااات

 

[You FOR Me Only]

ليش تشوفين من الاساس ههههههه

انا مابي اشوف كلش وكلت امري لله وماخاب من توكل عليه

واذا سمعتي كلام وتخريعات طنشي بعد وتحملي تسالين اي وحده شنو صار لها بولادتها

اكيد انتي بتكونين غير واذا هي تعسرت عليها يمكن انتي سهالات


الحمدلله على كل حال والله يسهل عليج وعلينا

 

[ديرتي السعوديه]

ااه يااقلبي
الله يسهل عليك وعلي وعلى الجمممييييع

حاليااا لا تفكرري انا ابد احااول ما افكر فيها
لاني لوفكررت ممكن انتحر خخخخخخ


سهاااله من رربك ياقلبي

 

[english muffin]

عادي هذا كله اجر
وسهالات من رب العالمين

 

[عطاء أنثى]

شنو هاللقافه
شكو شكو
تطالعين هالسوالف



واي منكم
اكيد الولاده لها رهبتها
بس التساهيل من رب العالمين



واحس ماله داعي الوحده تشوف هالسوالف





واللي تسأل طبيعي والا قيصريه انا جربتهم اثنينهم



طبيعي طبعاً
القيصريه يكفي شقت البطن وتقطع العضلات والكرش انسي تروح لان العضلات متقطعه
والحركات الفجائيه ممنوعه
ورفعت الايد ممنوعه
وفي بعض الحريم ترد تفتح معاهم العمليه اذا زلقول لا قدر الله والا حملت بسرعه والجرح احتمال ماااايلتأم بسرعه


خخخخخخ امسي تفكرين بالعمليه

 

[احمريكه]

انا بجر ونفسج كنت اسمع واشوف واقعد احاتي خاص اني مجربه الطلوق بس سبحان الله من وصلت السادس وحسيت بحركة البيبي
ارتحت وايد وشوي راح مني الخوف لاني ابي البيبي كله يقولون الحريم لي شفتيه بحضنج تنسين التعب والالم والله يتمم ويسهل علي
وعلى كل حامل ويرزق كل محرومه يارب

وعلى قولتهم يا طلقه عودي لي كره

مادري جذي تنقال ولا لا ههههههه

وجان ما شفتي امهاتنا والحريم الله يحفظهم عندهم ٣ و ٤ الله يخليهم ويبارك لهم