بنات شنو الأكل إلي تاخذونه معاكم بسفراتكم لأسيا ؟

[84 Miss Chocolate]

بناات بسألكم شنو تاخذوون معاكم اكل بسفركم لدول شرق آسيا ؟؟

انا امفكره آخذ معاي إنشاءالله :

جبن كرافت الأزرق
مربى
جبن سلايز
بسكووت
علج ( يعني علكــه
جيس صمون و خبز
فلفل كريستال ( صديقي الصدووق
امممممممم شنو بعد آخذ ؟؟

لأن، حجز الفندق بدوون ريووق شنو تاخذوون ؟؟

 

[galaxy]

اخذي كرواسان
وجبن قلاص
وحليب

 

[84 Miss Chocolate]

كرواسان بسرعة تنتهي صلاحيته
الحليب ما احبه كلللللش

 

[om MaRyooM]

هلا حبيبتي ..


حتى لو الفندق مع الريوق هم تحتاجين تاخذين أكل من هني


بالنسبة لي ماتقبلت آكل من مطاعمهم بالمررررة .. حتى لو مطعم عربي

فكنا ناخذ
بسكوت بيتي بور (عشان مع الجاي)
علب تونة (شرايح مالت العلالي أحلى شي)
صمون او كرواسون محشي
وبس .. لأن هناك عندهم جمعيات بعد .. يعني ماله داعي تاخذين مشروبات او بطاطا وككاو من هني

بس ان كنت آخذ من المطار الخرابيط يعني سوالف ككاوات حق طريج السفرة بس ..


وموفقة انشالله

 

[84 Miss Chocolate]

وبس .. لأن هناك عندهم جمعيات بعد .. يعني ماله داعي تاخذين مشروبات او بطاطا وككاو من هني

بس ان كنت آخذ من المطار الخرابيط يعني سوالف ككاوات حق طريج السفرة بس ..

هههه انا ناويه اخذ معاي التوستر بكبره هههه

 

[amoon]

سلايس وجبن
وعصاير وشبسات

 

[أحلى همبه كويتية]

انا دايم أخذ حق تايلند بشنطة منفصلة صغيرة :
جبن قلاص( ولدي الصغير ما ياكل غيره ) بس ألفه بقطعة قماش عشان ما ينكسر
جبن كرافت الأزرق
مربي
عسل
حليب بودر
معلبات مثل الفول - الذرة - الحمص
تونة
اندومي
شاي
بفك وبطاط حق اول الأيام وبعدين أشتري من هناك بس لازم اتأكد ما فيه زيت خنزير
كاكاوات أشكال وأنواع
بسكويت
قلاصات بلاستيك
صحون بلاستيك
قيمر


والتوست موجود هناك ماله داعي أخذ من الكويت

 

[زيـنـه]

بسكوت انواع حالي و مالح
كاكاو انواع
اذا الاوتيل مافيه غلايه بالغرفه .. اخذ غلايه صغيره و شاي و قهوه و اكواب فلين
جبن كرافت قلاص
احيانا شيبس و بفك اذا في مكان بالجنطه و ما يتكسر
و من هناك نشتري توست و فواكه

 

[نورالدنيا***]

جبن كيري ياخذ الكرتون الكبير حق الطيارة وريوق الفنادق لان ريلي ماياكل بيض انا وعيالي مقزرينها بيض وويفل يمم مع العسل

وفي مطاعم عادة بشرق اسيا فيها خبز نفس الجباتي ويطلع الجبن كيري من الجيس ويدهن التوست مالهم ينن وانا ميتة ضحك

وناخذ من مطار الكويت بساكيييت وكاكاو وعلوووج اهم شي وبرنجلز وبس

 

[مشتطة وبس]

اهم شي الاندومي حق اليهال.............وشاي ونسكافيه.................وبطاط وهالسوالف......بساكيت- كيك سارالي-مع العلم ان كله ماراح نستعمله

 

[شمع تحترق]

حبيبتي انا بس اودي معاي كلاس جبن كبير اما باجي الشغلات كلها تحصلينها هناك و الخبز و التوست و الصمون فناتق و حلو عندهم فلا تكلفين على روحج و تشيلين معاج شغلات وايد تري اغلب البسكوت و البطاط نفس اللي عندنا و موجود بكل مكان

 

[بطه فيها نطه]

كل شيء عندهم اذا تقصدين ماليزيا - تايلند - سنغافوره - جاكرتا .... اما باقي الدول ماعندي فكره

اجبان اللي تبينه ( كيري - قلاص - فيلاديفيا - سلايس - زيتون - مربى )

والله اني لقيت منتجات المراعي واصله جزيرة بينيغ

والتوست ياحلوه اللي من غير اطراف ... لاتاخذون معاكم كل شيء متوفر

اللهم حق اول يوم علشان انتوا تعابه ومحد له خلق يتسوق

وهايبر وكارفور وسفن 11 بكل مكان ....

 

[pama girl]

كل شيء عندهم اذا تقصدين ماليزيا - تايلند - سنغافوره - جاكرتا .... اما باقي الدول ماعندي فكره

اجبان اللي تبينه ( كيري - قلاص - فيلاديفيا - سلايس - زيتون - مربى )

والله اني لقيت منتجات المراعي واصله جزيرة بينيغ

والتوست ياحلوه اللي من غير اطراف ... لاتاخذون معاكم كل شيء متوفر

اللهم حق اول يوم علشان انتوا تعابه ومحد له خلق يتسوق

وهايبر وكارفور وسفن 11 بكل مكان ....

عدل كلام بطه



لا تكلفين على روحج لآن في شغلات وايد متوفرة هناك الا اذا في شي ماتستغنين عنه



اكو بقاله بشارع العرب يم ماكدونالدز لقينه فيها بلاوي_03BA:



جبن قلاص+ جبن مراعي+دقوس كريستال+لبن وشغلات وايد


غير محلات الصمون طقت bread talk متوفره غأغلب المجمعات

 

[MyLittleBerry]

ما اخذ شي

بس لما كان ولدي صغير كنت اخذله حليب لان حليبهم انواعه عجيبه وغريبه