بنات شنو اللي قاعد يصير

[مطيـووره]

السلام عليكم بنات
شنو اللي قاعد يصير بناتنا الله يهديهم ماعاد يعرفون الا القصير وفوق الركبه والله حرام جذي الوحده بس تمشي بالسوق شوفي جم ذنب تاخذ وجم هندي وفراش يخزها من فوق لي تحت والله انا غرت عليهم وانتو تعرفون خز الفراشين لازم يكون في حمله توعويه ضد القصير والموضة البايخه اللي على مجتمعنا والله مالنا خلق يجيبون لنا حرب جديده تعفون اذا الله غضب على قوم ابتلاهم واحنا اللي قاعد يصير بالمجمعات من تبرج وكشخه زايده عن اللزوم ربي بيعاقبنا فيها والله يحفظنا انشالله واتمنى الكل يستفيد ويهتدي والله يهدينا ويهدي الجميع:bye22:

 

[كويتيه.]

رد : بنات شنو اللي قاعد يصير

الله يهديهم ان شاء الله

 

[قليبي ماركه]

معك حق وجزاك الله خير
وانا اقول لاي وحده تلبس قصير وعااري وكت
اذا مو متحجبه على راحتك .. لكن ليه التبرج .. خلي لبسك ساتر ومعقول على الاقل لايخدش الحياء العام في ناااس كثير ماتحب تشوف وتغض البصر لكن بناتنا الله يهديهم زينتهم لكل من هب ودب

الله يهدي الجميع

 

[مهـــا]

اي والله صاجه

اختي توها جاية من الافنيوز تطق على راسها تقول بلاوي

وامس رحت قبل الفطور قلت مابي اشوف المصخرة ملابس فاضحه وفوق الركبه

واشوفلج وحده منزله الكرسي حق الكوفي وقاعده عليه

فوق الركبه وحاطه رجل على رجل والله يابنات استحيت
والشباب كبار يعني طقة الثلاثين وفوق عيونهم طلعت والفراشين والسيكيوريتي
يابنات ياحياتي الصيام مو بس بسد الحلج

الصيام عن كل المحرمات والفتن مثل الاغاني واللبس الفاضح وكل مايغضب الله

الحين ماتسوى عليج اخذتي ذنوب العالم كلها وكم واحد او وحده مرت وقالت حسبي الله عليج

وكل اللي مرو على الموضوع وقروه ربي بيحاسبج عليه لاتصددون جنكم ماشفتو الكلام

اتقي الله لايجينا غضب من الله وتروح ديرتنا منا

 

[مطيـووره]

رد : بنات شنو اللي قاعد يصير

تسلمووووون على الردود

 

[3emya_Berry]

راي وياريت لحد يزعل حريه شخصيه

 

[الحــــياة]

اي والله شي يعور القلب ويحز بنفس!!!

انا اشرة على الاميه الي راضيه بنتهآ تمشي جذي

ياختي رمضان وغيرة؟؟!!

الحرام حررام ومايجوز؟؟

اللبس هذا وينهو راآآيـــح؟؟يعني هاذي موضه وتحضر بالله،، انا يكــش جسمي واستحي وهي تمشي بالثقه وعآآآدي؟؟!!

اتقوا الله في انفسكم لا ربي يغضب عليـــنآآ..

في بنات يستحون يلبسون فوق الركبه بيتهم من الحيآآ وبنات يلبسونهاا قدام خلق اللــه لاحيآآ ولا مستحآآآ وعآآدي..

الله يهديهم بــس!!

 

[شيخه الحلى]

اي والله انا ما احب زوجي يروح معاي السوق عشان هالمناظر البايخه

 

[بنت رجال طيب]

اللهم أهدي ضااااااااااااااالة المسلمين

 

[شمندر]

رد : بنات شنو اللي قاعد يصير

8
هههههههههههههههههههههههههههههههههههه

خصوصا الافنيو

حكايه ثانيه





الله يهدي الجمييييييييييييييع

 

[مآدري]

رد : بنات شنو اللي قاعد يصير

إمآ الله يهديهم

أو يآخذهم ويفكون المسلمين من فتنهم

حسبي الله عليهم شوهو سمعة الكويت قآمو الفآسدين يجونآ من كل ديرة بس عشآن يتفرجون على المصخره اللي تصير

واللي تقول حرية شخصية لو ان بقلبج ايمآن كآن نصحتي خوآتج مو تزيدينهم طغي ونكرآن وذنوبهم برقبتج

 

[بدويـــة مودرن]

الله يهديهم ان شاء الله

 

[الاسطورة]

اي والله
يذبحوني
لما تسمعينهم يقووولووون حريه
علبالهم الحريه بالتفصخ
مو بالرقي الاخلاقي

 

[رايقة1980]

نسوي حملة توعية وتواقيع

نفس طريقة حجاب القوطي .. لما هوووده بسبب الحملة


صارت اللي تلبسه يعلقون عليها ويتذكرون صور الكاركاتير لين تابواااااااا

 

[مآدري]

رد : بنات شنو اللي قاعد يصير

فكرة حلوة اللي تعرف تسوي توقيع الله يجزاها خير راح نبدي بالحملة

 

[الحــــياة]

حلووووووووووووووووة وانا بعد ويآآآكم

 

[damdom]

السلااام عليكم

بناات ترى والله جد لبس البنات صااير مووو شي كله فوق الركبه والصدر طالع

يعني والله حجااب بو قوطي ارحم ياخي الحجاب مايفتن بس لبس البنات حييل يفتن

يعني انا بنت !! اقعد اخزهم فمابالكم غيري الريايل شيسوون بس كيفهم ذنبهم عليهم موو عليناا

وصراحه بنات بتسوون حملة وهالسوالف بيقولون وانتو شكو كل انساان وحريته الله يستر علينا بس

 

[ليالي الكويت1]

رد : بنات شنو اللي قاعد يصير

مالنا الا الدعاء لهم بان الله يهديهم


لانه لو ننصح فيهم مني لي باجر بيقولون حريه

 

[يبقى الوله]

آستغفر لله ياربي

ياربي عسى لله يهداهم ولله شي يفشل ولاريحه العطر وبرمضان ياربي لاتغضب علينا

 

[dj.RomanCe]

رد : بنات شنو اللي قاعد يصير

أي والله صااجه خيتوو

ويييييييع أنا الحين ما أحب أطلع المجمعات والسوقه والسبه هالمناااظر الوصخه

وين أهلهم عنهم ؟

شلون أحد فيه ذره إحساس يرضى بنته والا مرته والا أخته تطلع بهالشكل !

ويقولون احنا 2010 اصحوو وين التطور

عمر التطور ماكان بالمظهر

التطور تطور العقل والثقافه والإنفتاح على ثقافات الغير وكسب كل ما هو مفيد لإصلاح لا لإفساد مجتمعنا


أنا ما أقول الله يهديهم

أقول الله ياخذهم لأنهم شوهو سمعتنا وشوهو سمعه الإسلآم



جزاج الله خير على هالموضوع اللي فعلا محتاجينه


ولو سويتي التوقيع بلغيني لأنه يشرفني أشارك بحمله مثل هذي



والله يستر على بناتنا وبنات الأوادم