بنات شنو جديد صبغات الشعر وقصاته

[العـــذوب]

بنات انا حامل ومهمله روحي من ايام الوحم
وان شاء الله قربت ولادتي وابي اصبغ واقص
وبغيت رايكم شنو لون هالسنه ؟؟
والقصات اليديدة ؟؟
القذله للحين او راحت موضتها ؟؟
الشعر ستريت والا كيرلي
يعني علموني شسوي

 

[:حضرية واجد:]

حياتي الحين الهبة من فوق لون غامج و من تحت لين الاطراف يبلش يفتح اللون .. و القصات القصة الي تغير الويه و تهبل و تناسب تقريبا كل الوجوه اهيا قصة فيكتوريا بيكهام و موضتها ما راحت كلش .. بس اذا شعرج طويل نصيحة اخت ما خلت قصة ما جربتها و تحسفت لووول درجي قذلتج او سوي غرة قصيرة لفوق الحاجب بشوي اذا دورة وجهج تفاحة او دائرة .. بتطلعين واو

و انا من رايي بالنسبة للصبغات مو كل الصبغات الي ع الموضة تناسب الكل و ماحب سالفة شنو الصبغات الموضة .. فانتي شوفي شنو لون بشرتج لو بشرتج فاتحة و عيونج فاتحة انا احب الالوان الغوامج ع هالنوعية من البنات مثل الاحمر البرغندي الغامج واااي ايينن انا توني صابغته و مع الزيوت الي اغذي فيها شعري صار لونه خمري خمري اينن أثير و جذاب حيل لدرجة ان الكل يسالني وين صابغة معني صابغة في البيت لاني خبرة في الصبغات :$ حده يغير الشكل بس ما يناسب الكل الا الي بشرتهم فاتحة ما بين الحنطي الفاتح و البياض و اذا عيونج فاتحة بيطلع زوغة عليج و بتطلعين بنيو لوك انثوي حيل حيل.. و ما يخشن الشعر مثل الالوان الفواتح حيل مثل تدرجات الاشقر الى الرمادي الى الثلجي .. و الي ممكن تفرحين فيها و بعدين تتحسفين لانه شعرج بينعدم من اوكسجين هالصبغات الي تركيزه عالي حيل تاكدي من هالشي .. ايضا عندج الكستنائي الفاتح المتوسط روعة و تحطيم و ما يخترب شعرج يعني اذا مليتي و استانستي بالصبغة جمن شهر و مليتي تقدرين تتلاحقين ع شعرج يرجع لطبيعته و هاللون يفتح لون بشرتج يعني يعكس بطريقة توحي ان لونج فاتح و هالشي معروف .. و عندج البني الشوكليت همن روعة و يغير شكلج للافضل و يناسب البشرات الحنطية الوردية و الحنطية " البرونز " و البيضا بشكل اكيد يناسبها كل الالوان .. و اخيرا سيد الالوان " الاسود " أخيه اذا انتي بيضا فانصحج انسي كل الي كتبته و مالج الا الاسود الغامج و تقدرين تختارينه بلمعة باذنجاني او لمعة فضية و انا من رايي هذيل الالوان توب توب و موضة و ما يبورون ..

الحين بالنسبة للكيرلي او الستريت .. شوفي ويهج دورته شلون اذا ويهج دائري الكيرلي بيطلع جذاب اكثر عليج او الكيرلي الوسط يعني مو الكيرلي الصغير مثل ميريام فارس بصراحة كلش ما يعجبني هالكيرلي و طبعا بيخلي ويهج كيوت و بيعطيج وجه اصغر مما هو عليه .. , اذا ويهج طوالي على دائري لووول حدي مخفة بالشرح طوفي :$ يعني يكون ويهج دورته فكج مربع بس يعطي ايحاء دائري مثل شبيهتي مهلقا < "مصدقة روحي احم لوول " .. اهني يا قلبي انتي ححلو يكون شعرج ستريت و ناعم او مجعد ع خفيف يعني خصلات متمردة ناعمة بس متمردة.. مع تدرجات القذلة فقط بيطلع عليج زوغة حده ..

اتمنى افدتج قلبي ..

برؤب ,’ ​

 

[مترفة هوآزن ~]

مدري ياقلبي شوفي الهبه درجات البني وانا اشوف البني الي يكون على اشقر وعلى رمادي حلو

اذا شعرج طويل لاتقصينه وايد بس حددي الاطراف ودرجي من جدام وقص قصه قصيره على جنب

وفكره يكون غامج من فوق بعدين يفتح من تحت حلوه ..

واذا قصيرقصيه فكتوريا تهبل هالقصه او قصيه كريه


والله يسهل لج ولادج ويرزقج بالسليم المعافى