بنات شنو هالحمل؟؟؟؟

[دلوعة كويتيات]

شلونكم بنات شخباركم
بغيت اسالكم يا اغلا الغوالي
شنو الحمل خارج الرحم ؟؟ يقولون منتشر بكثره وحيل
وسبب الحمل الخارج الرحم ( الالتهابات) واي بنات عاد انعاني من الالتهابات
بكثره مهما اعالج لكن يرجعون لي
شلون نتجنب هالحمل ؟؟؟ لان وايد وايد وايد منتشر
؟


وسوالي الثاني
يصير الوحده تحمل من غير وقت تبويض؟؟
والا لازم بالتبويض تلقط الوحده ؟؟؟؟
لان اعرف بنات وايد مشالله مشالله مشالله حملو بعد الدوره مباشره
يعني تغل اليوم باجر يصير جماع وتحمل؟؟

 

[احلامي غير]

الله يعطيك ماتتمنين يارب هو فعلا الالتهابات مو كويسه بس مو شرط تسبب حمل خارج الرحم لان مرت اخوي جاه حمل خارج الرحم والحمدلله عدت على خير واللحين مشاء الله عندها 2 الله يخليهم لها ويزيدها يعني له اسباب كثيرة لكن دايم خليها على لسانك قولي اللهم ارزقني الحمل السليم المعافى وصدقيني لو فيك بلاوي ربي بيرزقك حمل سليم

اما الحمل فعلا اعرف حريم سبحان الله من بعد الدورة مباشررررررررررررررة لانها كتبة من الله عزوجل صح هو لازم تبويض بس يوم الله يريد يصير

الله يرزقك الحمل السليم المعافى يارب

 

[ghadeeeer]

أسباب حدوث الحمل خارج الرحم :-

1- وجد أن 50% من حالات الحمل الهاجر يكون نتيجة الإصابة بالتهابات في الحوض و التي تسمى (PID) و غالبا ما تكون ناتجة عن الإصابة بجراثيم تسمى (Gonorrhea) و (Chlamydia) حيث تسبب هذه الالتهابات تحطم في الوظيفة الأهداب المبطنة لقنوات فالوب و التي تؤدي دورا مهما في دفع البويضة المخصبة من داخل الأنبوب إلى الرحم.
2- انسداد أو تضيق في قناة فالوب نتيجة إجراء عمليات جراحية مثل عملية التعقيم (Tubal ligation) حيث تصل نسبة الحمل الهاجر في هذه الحالات إلى 60%.
3- الوسائل المستخدمة لمنع الحمل مثل الحبوب التي تحتوي على هرمون البروجسترون و اللولب الرحمي و خاصة النوع الذي يفرز هرمون البروجسترون على الرغم من ان هذه الوسائل تمنع الحمل داخل الرحم بفعالية تصل تقريبا إلى 99% لكن عند حدوث الحمل في هذه الحالات غالبا ما يكون حمل خارج الرحم , حيث يعمل هرمون البروجيسترون على حدوث ارتخاء في العضلات الموجودة في قنوات فالوب مما يقلل من الحركات الدودية للأنبوب (Peristalsis movment) و الذي بدوره يؤدي إلى بطئ في مرور البويضة المخصبة داخل قناة فالوب قبل وصولها إلى الرحم وبالتالي بقاءها وانغراسها في القناة.

 

[الجوهرا]

اب اب اب

 

[ام فواازي]

بالنسبه للحمل بعد الدوره حبيبتي اللي تحمل عقب الدوره هذه تبويضها ورا الدوره على طول
وقت التبويض مختلق من وحده للثانيه ترى مو شرط يكون الاسبوع الثاني من الدوره
انا مثلا حملت عقب عشرين يوم من الدوره كان باقي على دورتي الثانيه اسبوعين
مثلا انا تجيني الدوره كل 34 فشلون احسب 34-14 =20 يعني وقت التبويض عندي هو اليوم 20 من الدوره

 

[$special$]

سوري على الي بقولة، بس ضعف القذف
وضعف الحيوانات المنوية ممكن تسبب الحمل خارج الرحم

 

[Flower20]

والله مادري
اعرف اثنين من قرايبي عندهم عيال وحملوا خارج الرحم
ابتلاء من الله

وبالنسبة للحمل بعد الدورة مباشرة اي يصييييييير
وما تعرفين وقت التبويض بالضبط سبحان الله
اعرف وحدة حملت بولدها الاول بعد الدورة على طول
وبولدها الثاني قبل الدورة بجم يووم لان زوجها كان مسافر ورد بهالايام
سبحاان الله
الله يخليهم لها

 

[حب1985]

الحمل خارج الرحم تكون البويضة تتلقح وينمو الجنين قبل ما تنغرز بجدار الرحم
ما اتوقع ضعف الحيوانات المنوية لها علاقة بهالموضوع
وبالنسبة للالتهابات بصراحة بهالزمن محد يهتم بصحته اكلنا اي شي وتغذيتنا رايحة فيها وفي بنات ما يهتمون بنظافتهم ويطلعون عقب الحمام وما يجففون المنطقة عدل ويلبسون ملابس داخلية قطن ومريحة وفوق هاذا في بنات يبالغوووووون بالنظافة لدرجة انهم يقتلون البكتيريا الطبيعية اللي الله خلقها علشان تحمي المنطقة ويستخدمون مواد كيماوية وعطورات حق المنطقة وتحاميل مادري شلون صايرة علشان التضييق كل هاذي اشياء تتلف المهبل والرحم وتسوي التهابات