بنات شوفوا شنو اخترت لـ أسقف شقتي وعطوني رأيكم ` قبل التنفيذ

[SoKaRa ~..]

سقف المجلس ( ومفكره اختار لون المجلس بيج وبني وتراكوز )





حمام المجلس و أنتو بكرامه ( ناويه أسويه كله طبق الأصل وبـ نفس الألوان )





سقف الصاله




حمام الصاله وانتو بكرامه




سقف المطبخ




الممر المؤدي للغرف النوم ( الموزع )



وسقفه




غرفه نومي ( مو كلش مقنعه شوروا علي )



سقف حمام غرفتي وانتو بكرامه





وبالنسبه لغرف اليهال تنصحوني أسويهم من اللحين وأصبغهم ولا مستقبلا !! شوروا علي ،،
أحس وايد مبجر عليهم هههه ،،
​

 

[شادن33]

حروووم وايد حلوين
بس اول صوره احس الشغل اللي تحت الثريا قديم ماادري ليش
بس الباقي روعه
والصوره اللي يايه فيها السقف مثل المربعات روعه في ناس مسوينها بس يبيلها مساحه مو ممر
واالصوره الاخيره ماطلعت لي
وغرف اليهال حروووم استهدي بالله لكل حادثن حديث
بس خلي غرفه مفروشه اوردي سبحااااان الله

 

[SoKaRa ~..]

شدووون تسلمين ياعمري رفعتي من معنوياتي لاني متردده وايد ،،

يعني برأيج أغير سقف المجلس

وبالنسبه للصوره اللي فيها مربعات مو ممر هي راح تكون سقف المطبخ
وبنزل صوره الاخيره مره ثانية

وبالنسبه لغرف اليهال حتى أنا قلت بدري وايد عليها ،، بس ناس قالوا لي سويها وارتاحي وناس قالوا لي وايد بدري عليها ،،
​

 

[SoKaRa ~..]

الصوره الاخيره اللي ما طلعت

صوره سقف حمام غرفتي

 

[شادن33]

اي ماطلعت وحروووم خليج جدا بسيطه
راح يطلع الشغل احلى يعني السقف اللي اي مثل الدائره هذا يبيله صاله عوده
مو غرفه اصغيره اعتقد
يعني خلي شغل الجبس عل الجوانب احلي في الغرف الضيقه
يعني ما ادري اذا مساحه غرفج اللي بالشقه ما اعتقد واسعه

 

[شادن33]

اخذي المزيد من الارااااء
لاتستعيلييين

 

[SoKaRa ~..]

غريبه نزلتها مره ثانيه ومحملتها من نفس الموقع ،،

صالتي حجمها وسط مو كبيره مره ولا صغيره ،،
​

 

[أدريانا.]

-

أختيار موفق وَ ججميل ..

نفذي بس بنسبه هَ ..

لِ سقف الصاله هَ ..

خليه هً مثل أول .. !

أفضل و أججمل ##

_________​

 

[-MaYa-]

الصوره الاولى كلاسيكيه يعني لازم تحطين معاها اثاث كلاسيكي

وسقف الصاله حلو .. بس احسه مايصلح مع باقي الاسقف اللي اخترتيها.. سقف المرر كلاسيكي و غرفة النوم والمجلس كلاسيكيه ..

الحمامات حلوه وحتي السقف الخشف غريب وحلو
وسقف غرفة النور احسه وايد اوفر لو شي انعم احسن

 

[يارب يطيب عبود]

مرحبا حروم
الصراحه الاسقف اللي اخترتيها كلها اعجبتني
بس سقف الصاله احسه مبالغ فيه او يبيله مكان كبيييييير
واللي اخترتيه لغرفتك اوفر شوي بس اذا كان عاجبك خليه بالصاله
واختاري لغرفتك شي انعم

 

[بنت العقربيه]

ماشاءالله اختياراتك جميلة ومميزة وفيها فخامة
عجبني هالديكورلو تسوينة للمجلس بيكون اجمل لانة شكل جديد




تتهنون فية يارب

 

[قموووره]

الله يبارك لج حبيبتي
بس صج الاسقف الي مختارتها يبيلها مساحه كبيره خصوصا الدائره والمربعات
انا من رايي المكبخ مايبيله حركات وايد بالسقف اذا كنتي تستخدمينه بالطبخ يعني اذا كان مطبخ تحضيري بس ممكن تسويله ديكور بسيط بس المربعات هذي يبيلها مساحه كبيره ويكون مطبخ تحضير بس لان راح يقلب لونه بعدين مع الطباخ والقلي فراح يصير شكله مو شي

والحمام حلاته ناعم وبسيط
والدائره حلوه اذا مساحتج كبيره
اما اول صوره اهي حلوه بس اذا لونتيها يعني تلونين بس النقشه بالوان الصاله راح يصير عجيب وفخم جنه ديكورات المغرب بس اذا بتخلينه ابيض راح يصير شكله قديم مال اول

والمدخل اذا ابيض مو شي بس اذا تلون يعني يكون على النقشات اكثر من لون يصير جنه مزخرف راح يصير فخم وحلو


يالله عساه منزل مبارك والله يعطيكم خيره ويكفيكم شره ويبارك لكم يارب​

 

[مرت بوعلي]

:


حلووووين ..

توكلي على الله



:

 

[مموريز]

ذوقك حلو ماشاء الله,,واختياراتك موفقة............
ولكن.............

سقف الغرفة قديم وتقليدي ...مافيه شي جديد.....
والمطبخ ,,ما اعتقد يحتاج لسقف مميز ومنقوش,,,اذا اخترت مطبخ الوانه رايقة ومرتب يغني عن السقف المشغول...
والافضل لو تحطين السقف اللي للمطبخ للصالة راح يكون احلى...
بالنسبة لغرف الاولاد لسى بدري عليها,,الموضو تتغير وتتجدد ,وعشان ماتحسفين بعدين على شغلهم.....
وبالنسبة للحمام,,احب الحمامات الفخمة والمميزة والذوق...
وبالتوفيق ...

 

[SoKaRa ~..]

تسلمووووون بنات كلكم ،،، و ارائكم كلها على رأسي من فوق ،،،
وحدي محتاره ،، وللحين أفرفر بالنت وشفت صور أنعم بوايد ،، مادري حسيتها وايد حلوه بس خواتي ما عجبتهم واحترت وايد ،،

بالنسبه للمطبخ اخترت له هالسقف لان مفتوح على الصاله وغرفة الطعام ومساحته وايد زينه

بالنسبه لـ سقف المجلس شـ رأيكم بهـ الصورة




وبالنسبه لغرفتي شـ رأيكم بهـ السقف




أو هالسقف


بس المشكله غرفتي يايه على شكل مربع أعتقد ما ينفع

طبعا أي جديد بحطه بالموضوع وأشوف أرائكم

​

 

[زين ودلال]

احلى شي سقف الصاله وسقف حمام غرفتج

 

[قموووره]

http://www.gulfup.com/show/Xqyxguinj9twko

هذي الي حطيتيها حلو سقفها حق الصاله راح يصير وااااايد حلو لها

 

[قموووره]

حاولت انسخ الصوره علشان تشوفينها بس مو راضيه تصير لاني شابكه من الاي باد
انا اقصد اول صوره حطيتيها من المجموعه الثانيه الي اهي اصلا غرفة نوم بس سقفها وايد حلو حق صاله ​

 

[SoKaRa ~..]

ايييي وايد حلو سقفها رأيج أخليها للصاله ،،
يالله الله يعيني أدور سقف للمجلس وباقي الشقه ههههه ،،


​

 

[ASMAA-ALHAJ]

ذوقج وايد حلو حبيبتي توكلي على الله وغيري الاثاث لان انا متأكدة ان مليتي من الاثاث القديم وانا شايفة ان الاثاثات وايد حلوة والصور وايد حلوة خاصة الصاله والله شي يحير انا كل الصور عاجبتني والله انا محتارة بعد نفسج