بنات شوفو الامكان الي انشاءالله بروحلها ترتيبي حلو؟

[خانتني-دموعي]

قوه بنات شلونكم؟
انشاءالله بأذن الله بسافر هل دول
و ابي رايكم بالحسبه ؟ عان اعرف ما اقعد في ديره زياده و ديره مو زياده


اول شي بننزل بريطانيا من الكويت لي بريطانيا بعدين بنروح من بريطانيا
لي اسبانيا 6 ايام
بعدين فرنسا 6 ايام
سويسرا 5 ايام
ايطاليا 3 ايام
لندن 6 ايام
بعدين عندنا ترانزيت تركيا 16 ساعه في تركيا و من تركيا لي الكويت


بنات عفيه شورو علي عدله حسبتي؟
الاهل معتمدين علي مابي احط جدول بو طقه و نتحسف
و جم تتوقعون اخ معاي مصرف بروحي مع كللل شي بحروه جم تتوقعون؟
ناطرتكم ..

 

[عبير-الشرق]

احس رحلتج متعبه ليش تروحين لندن وتردين تعب احسن خلي ردتج من لندن يعني تحجزين لاسبانيا من الكويت وماني عارفه طريقة المواصلات طيران اوقطارات بس افضل قطارات لانج تروحين قبل القطار بساعه كافي بس ا\ا معاكم جناط وايد ا\يه الاا\ا ادزونها قبل الرحله بيوم وفرنسا خليها 5 ايام وزيديه على سويسرا بس اي منطقه بتروحين ماحددتي افضل جنييف لانها قريبه من باريس انا ماعندي فكره عن اسبانيا ولا ايطاليا بس لندن حلوه على الاقل 6 ايام بس طلعي رحلات بره لندن موتقضينها كله سوق بس خلي الميزانيه الاكبر لسويسرا لانها اغلى دوله اوربيه زرتها من كل النواحي بس انتي ماحددتي جم شخص و\اتبين تفاصيب اكثر عن لندن وسويسرا وفرني راسليني على الخاص انا حاضره

 

[ام مهاوش]

لويه راح تتعبون وانتو عايله موخفاف قللو الدول
اممم انا اقول كنسلي ايطاليا واسبانيا
خلو سفرتكم لندن وباريس وسويسرا وهم راح تتعبون والمصروف راح يصير قوي بعد لانه مدة الايام وايد
خليني اساعدج باللي اقدر عليه يمكن افيدج
اول شي انتي حاجزه على اي طيران عشان نحدد الروحه من مكان والرده من مكان ثاني ؟
بتأجرون سياره ولا لا؟
اشلون طريقة التنقلات راح تكون طيران داخلي ولا سياره ولاقطار؟ وما انصحكم بالقطار لانكم عايله ومعاكم جناط
انتو جم شخص؟
جاوبيني ويمكن اقدر افيدج باللي اقدر عليه

 

[خانتني-دموعي]

مشكوورين بنات
انا اقولكم ليش سويت جذي
لانه اختي اهناك في لندن حاليا
انا و امي بنروح من الكويت لي لندن ناخذها و نروح باجي الاماكن

 

[Samurai]

بس والله تعب على امج. ما يصير اختكم تجيكم لاسبانيا مثلا
وانتي حجزتي خلاص ؟
بأي منطقه بتقعدون باسبانيا ؟
وانتو حابين التسوق ؟
شنو تنقلاتكم قطار سياره طياره ؟

 

[krkosha]

حبيبتي دام بس تبون تاخذون اختج خليها اهيه اتيلكم اسبانيا وانتو ضبطو التذاكر والوقت من الحين
وترا وايد متعبه السفره خصوصا معاج الوالده الله يحفظها حاولي تضبطينها 3 دول بس عشان تقعدون بكل دوله مثلا 7 او 8ايام
وايد ارريح واونس

ومانصحج بالترانزيت ليش تنزلون بتركيا 16 ساعه عالاقل لو يوم تقزر تحجزون لكم فندق وتريحون كلش ما اايدج خلج عالدايركت وايد اريح لكم

 

[كويتية أصيله]

لا السفره كلش مو مرتبه ...... عيدي التفكير فيها............أسبانيا وأيطاليا ينلغون من السفره أحسن .... خليهم السنه اليايه

 

[جُـلنـار]

اوووف ليش جذيه 

برنامجكم حده زحمة و شحططة .
والله اوربا حلاتها بس تروحين ٣ محطات مو اكثر
وعن تجربة

 

[tak^tak]

انا نفسج بروح اوربا الصيف هذا بس مادري ابتدي من اي دوله وشنو الدول اللي بنروحلها
انشالله يفيدونا البنات

 

[FeShinGoOo]

توو مج ..

راح تتعبين ومثل ماقالو البنات خلج على 3 محطات ..

 

[خانتني-دموعي]

شكلها بتغير السفره و بنقعد بس في لندن و اذا اذا رخنا فرنسا
شوركم و هذايه الله

 

[خانتني-دموعي]

تك تك
انا شسويت طلعت الخريطه و قلت انروح لي فوق يعني مو ننزل لي تحت و نصعد لي فوق
يعني نروح من سبانيا لي فوق ما نروح بطريقه تصير لوويه