بنات شوى ابيكم بكلمه راس

[UNICORNA]

السلام عليكم بنات :eh_s(8):

اليوم حابه اخذ رايكم بشى بخصوص بعض مشتريات ابى ابيعها بالمنتدى

انا مسافره الحين بالخارج ( ببلد عربى ) برجع بعد 10 ايام بأذن الله لو ربى كتبلى عمر

من كم يوم راسلت بنت الكويت وسألتها لو انى اقدر اشترك بسيدات الاعمال وارسل الفلوس حق الاشتراك

من الفيزا وهى ماقصرت تركتلى ارقام اتصل عليها عشان استفسر وانا صراحه قلت بدال ما اجلس اتصل دولى

اخذ رايكم ولو حصلت موافقه بشترى الاغراض بكميه محدوده جدا مبدأيا

واول ما اوصل ادفع فلوس عضويه سيدات الاعمال وانزل الاغراض بالمنتدى

شوفو ياحبوبات انا ابى اشترى زيت بنانا بت حق التان لانى حصلت عليه اقبال غير طبيعى وانه ماينباع بالكويت

وانا شخصيا استخدمه يمكن من 5 سنوات ولمن شريته الصيف اللى فات وكنت

مشتركه بالمنتدى نزلته بموضوع

من موضوعاتى صراحه ممتاااااز بمعنى الكلمه يخليكى بروووونزيه ذهبيه تهبلى

قسما بالله جلست بالتان اكثر من شهر لانه تان طبيعى من الشمس فيجلس فتره

فقولت خلنى اجيبه من الحين لانه بالصيف ماراح يكون موجود ابدا لانه صار عليه

اقبال

عموما هو يعطى نفس اللون هذا بالضبط ويعطى لون حسب عدد ساعات جلوسك

بالشمس لو تبيه تان خفيف و قوى




وهذى صوره للعضوه احب الكاكاو وكانت مستخدمته






وبعد هالروج كنت ماخذته من صاحبتى وعجبكم واصلا لونه بالطبيعى

والله تحفه >> شاطره بالارواج (=

المهم قولت لو تبو بوفره لكم وهذى صورته



وعلى الشفايف صورته مثل هذا بالضببببط وبالطبيعه احلى بعد




ومانيكور برتقالى اشوف الكل يسأل عن اللون البرتقالى وخاصه للصيف





والوان واشياء ثانيه كثير ببالى اجيبها الوانها مميزه وحلوه

فأيش رايكم ياحلوات اجيب الاغراض ولا اكانسل الفكره :33_1185028183:

 

[law love]

حلو الواحد يفكر بمشروع يفيد ويستفيد

اول شي لازم تتاكدين مليون بالميه ان الي بتيبينه مو موجود بالكويت

يعني التان تاكدي انه مو موجود بمركز سلطان او بالصيدليات او المواقع الكوتيه الي تيب اغراض من بره


ثاني شي تحسبين تكلفة المنتج وتحسبين سعر التوصيل وهالامور وتشوفين يوفي معاج او لا واذا متزوجه لازم ريلج موافق ويساندج و اذا لا لازم تناقشين اهلج بالموضوع

ثالث شي بالنسبه للاصباغ و الارواج ما اعتقد فيهم شي مميز ولو تفكرين فيها اكيد انتي ما راح ترضين توصلين حق الزبونه حمره او صبغ اضافر بس و لا الزبونه راح ترضى تدفع توصيل على هالشين بس


حاولي تنبشين على اشياء مميزه اكثر تبدين فيها

ولا تشيلين الفكره من راسج بالعكس فكري زياده

موفقه

 

[الخشف الأشقر]

موفقه حياتي
وانا مع راي law love ويبيلج شغلات غريبة وحلوة بنفس الوقت

 

[UNICORNA]

فدييييييييييييييييييييتك لو لاف يعطيكى مليون عافيه

صدق انا جالسه افكر عشان افيد واستفيد لانى دوم اسافر

وكل البنات اجمعو بالمواضيع حق التان انه مو موجود بالكويت ويجبونه من دبى او لبنان او من الخارج

فقولت دامه عندى وانا برجع بعد كم يوم ليش ما اجيب للبنات وبنفس الوقت اكسب من مصروفى

وعلى فكره انا مزوجه واستأذنت زوجى لانى بشترى الاغراض من مصروفى لانى ماشتغل

وقالى اوكى وقولتله قبل ما اشترى بنزل موضوع اسأل البنات وانتى ياعسل ماقصرتى

طيب خلاص انا بثبت على زيت بنانا بوت للتانينج وبنتظر راى البنات لانى كنت بنزل بعد شوى اشتريه

لانى وراى مشواير كثير قبل السفر وبأجل شراه لبكرا ان شالله

وتسلمى انتى والخشف الاشقر ماقصرتو ياحلوات

 

[alissa]

يونيكورناا حبيبتي خوووووووووش فكرهـ ومووفقه

انا اول وحده رآح اشتري منج : )

لازم أكسبج


حبيت الحمره حييييييل وفريهآ : )

 

[honey lust]

حبيبتي اغراضج اللي ناويه تبيعينهم حلووه و ذووق
و انا عندي اقتراحات حق جم ماركه لو وفرتيهم بسعر مناسب انتي راح تستفيدين و البنات بيستفيدون
لان عليهم اقبال مو طبيعي و مو موجودين بالكويت حسافه
ماركه توفيسد . اربان ديكي , الاماسكا , نارس خصوصا ان كله اغراضهم مخلصه و الحين ناوين يشيلونها
و موفقه حبيبتي و انشالله راح اكون اول من يشتري منج يشجعج

 

[UNICORNA]

الووووووووس وين الغيبه

كيفك ياحلوه

من عيونى بجيبلك الحمره وفيه واحده بعد مشمشيه فوشيا صراحه روعه بس لعيونك بوفر اللى عجبتك

بجيب كم واحده وتسلمى على التشجيع (=

وهنى كيفك حبوبه عسى يارب تكونى بخير

انا للاسف حاليا ببلد عربى مافيها هالماركات بس لو سافرت اى بلد اجنبى هالسنه مالك الا انى اوفرهم ياحلوه لعيونك (=

وفعلا هالماركات للى ذكرتيها اجو ببالى امس وقولت خلنى بس اسافر بلد اجنبى واوفرهم للبنات

طيب ايش رايكم فى بنانا يوت اعتمده ولا لا ؟؟؟؟؟؟

 

[ام حمودي@]

الله يوفقج يارب

 

[honey lust]

بصراحه لون التان واااايد حلووو بس ما تخافين على ما اتيبينهم و يصير طلب عليهم يختربون عندج
لان اكيد راح يطلبونهم بالصيف

 

[DA3LOoOLA]

رد : بنات شوى ابيكم بكلمه راس

الله يوفقج حبيبتي تستاهلين كل خير

 

[Monay]

الروج وايد حلووووو واحب هالدرجه

اي اي انا معاج حبوبه ونبي نعرف الدوله اللي بتروحين لها علشان نعرف على شنو نوصيج _03ba:

 

[مواصله]

رد : بنات شوى ابيكم بكلمه راس

الله يوفقك وانا اقولك اعتمدي التان وشوفي الاشياء الغريبه والجديده اللي عليها طلب ماشاء الله البنات ذويقات ويحبون كل مميز وجديد

اب لعيونك

 

[UNICORNA]

هنى هالمنتج صلاحيته تكون سنين علاوه انى قالولى بالصيف مايكون موجود واللى بياخذ

بيجى ياخذ قبل الصيف عشان يقدر يحصله عموما انا بأذن الله بجى ثانى بالصيف

يعنى تنصحونى اشترى الاغراض على بدايه الصيف يكون احسن ولا كيف ؟؟؟؟

دالولا و ام حمودى تسلمو والله هذا من طيب اصلكم

و مناى تسلمى ياحلوه عالتشجيع بس للاسف ماقدر اقول اسم الدوله مدرى زوجى مانعنى اعطى

معلومات شخصيه عنى وكاسر راسى بالموضوع <<< حشا جاكلين كينيدى

 

[Monay]

لا دام فيها خراب عيل بلاها
بس مثل ماقالو البنات نبي الاشياء الغريبه وبالحسره نلقاها والله يوفقج

 

[foshia girl]

رد : بنات شوى ابيكم بكلمه راس

ياحياتي ينيكورنااا

خلاص اعتمدي راح اكون من زبوناااتج

وربي يوفقج يالغلاااا :****

 

[N F N F]

تتوقعين التان راح تبقى موضته هالسنه بعد ؟؟ هالسؤال وااايد مهم

 

[UNICORNA]

فديتك فوشيا منوره ياحلوه (=

فديتك فوشيا دومك تشجعى وتفتحى النفس واكيد انتى والبنات عالراس

خلاص ان شالله بجيبه البنانا بوت على الصيف وبقيه الرفايع انش الله

واول ما اوصل انش الله بعد كم يوم بشترك سيدات اعمال عشان اقدر اشوف الطلبات بشكل احسن

وبنتظر بقيه اراء البنات بالنسبه للبنانا بوت

 

[عز النفس يغنيني]

حيـاااااااااااااااااتي الله يوفقج إن شاء الله ويفتح عليج .. ودامج دايم تسافرين تصلح لج التجاره ..

وبالنسبه للـ بنانا بوت . . انا عن نفسي ورأيي ما أحب التان . بس أكيد في بنات يحبوووونـه وطق عصي عليه خاصه الصيف أشوف كل المواضيع عن التان ..

والله يوفقج .إن شاء الله حبيبتي .

 

[النجلا88]

رد : بنات شوى ابيكم بكلمه راس

موفقه حبيبتي انتي تستاهلين كل خير​

 

[_كلي دلع_]

رد : بنات شوى ابيكم بكلمه راس

مووووووووفقه حبيتي

وانا اقولج اعتمدي على التان لانه حلووووووووو وفي بنااااااااات وااااااااااااااايد يحبونه وخصوصا بالصيف

وجيب اشيئاء غريبه وحلوووووووو

والله معااااااااج حبوبه