بنات صج البنج يموت الأجنه في عملية الترجيع(بالحقن المجهري)

[بيرق الكويت]

السلام عليكم ،،،
بنات الدكتورة قالتلي إن البنج في عملية الترجيع يموت الأجنه وأنا خايفة أسويها بدون بنج وخايفة إذا طلبته أخسر الأجنه .
وأرجو من إلي عندها أي معلومة تفيدني تشاركني وترد علي بأسرع وقت
وشكرا​

 

[زنوبة الحلوة]

حبيبتي اهيا عملية ترجيع الاجنة بدون بنج

بس اللي اعرفة انها مافيها الم وايد يعني شيء لا يذكر

بعدين حبيبتي صلي على النبي وتوكلي على الله اذا الحين خفتي من الترجيع شلون عيل الولادة انشالله الله يرزقج


توكلي على الله وشيلي الخوف من قلبج وصيري قووووووووية

الله يكتبلج اللي فيه الخير يارب

 

[نسايم دبى]

والله ما عندى فكره
بس ما اقول غير ربى ما يخسر تعبنا
يارب يرزقج من حيث لا تحتسبين

 

[ام يوسف القمر]

والله ما عندى فكره
بس ما اقول غير ربى ما يخسر تعبنا
يارب يرزقج من حيث لا تحتسبين

ان شالله الله يرزقج يارب

 

[أغصان]

حبيبتي منو دكتورتج ؟

انا سويت عمليتين اطفال انابيب عند منصور العرف وكلها اخذت فيها بنج في ترجيع الاجنه وللأسف كلها مانجحت
تعتقدين ان هذا هو السبب في عدم نجاحها ؟! ما أظن أتوقع الدكتور منصور كان رفضها ما آخذ البنج في ترجيع الاجنه

 

[بيرق الكويت]

دكتورتي فوزية القطان
ومشكورة يازنوبة على الرد وشكلي بسمع كلامج وأحااااااااااول أصير قوية لاني جبانه حدي
وأشكرج ياتناهيد ويارب ارزقني وأغصان على الدعاء والرد عسى الله يرزقني وياكم الذرية الصالحة

 

[eng.q8]

انا عند دكتوره فوزيه وعطتني مهدى وقت الترجيع وحملت على ولدي بس الثانيه فشلت بعميه اطفال انابيب

 

[محاميه الغد]

انا سويتها عند فوزيه القطان
و في عمليه سحب البويضات عطتني بنج
بس في الترجيع ما عطتني بنج ابدا و الالم كان خفيف
و الحمدلله نجحت

 

[Emanova]

تحملي الالم وان شاء الله تحملين .... و تحسين بالم الولاده

 

[@@@ام حمووودي@@@]

انا سويت 8 محاولات حقن مجهري ما عمرهم بنجوني بالترجيع وسويتها عند كذا دكتور وعملية الترجيع عملية بسيطة عادية والله يرزقج ...........................

 

[لؤلؤة البحر]

عملية الترجيع سهله على ماقريت في المنتديات ,,,

وأنها مثل عملية التلقيح الصناعي وأنا جربت عملية التلقيح الصناعي ما تألم كثير عادي

بس تحسين ببوز البطه وبس ,,,


الله يسهل لج ,,,

 

[كندوش]

والله انا سالت الدكتور حازم قالي ماياثر لان كله يسويلي ترجيع الاجنه ابنج لان عندي عنق الرحم مايفتح معاهم سبحان الله بس ولا عمليه انجحت الحمدالله على كل حال

 

[أسيرة أحلامي]

اصلا ما يحتاي بنج انا سويتها عند دمنصور العرف وما حسيت شي الا لما قال خلاص .. اهي شغلة عشر دقايق وبس

 

[¤§ زيتونة §¤]

حبيبتي الترجيع مو محتاج بنج ابد ابد


يسوونها وانتي قاعدة وحتى تسولفين ويا الدكتورة بعد

وانا مسويتها وحملت ببنتي ولله الحمد





:tek:

 

[بزونه]

حبيبتي انا سويت هالعملية ماتحتاج بنج و اهي مو مؤلمة حتى مايدخلونج غرفة العمليات بس ينومونج على فراش جنها فحص مهبلي ماتاخذ اكثر من خمس دقايق