بنات ضايق خلقي و ابي رايكم

[كتكوته نورة]

شلونكم بنات ؟
أنا عندي مشكلة و ابي رايكم , أبيكم تنصحوني ...

 

[zain-alq8]

شنو مشكلتج حبيبتي ؟؟؟

 

[كتكوته نورة]

أول شي مشكورة على الرد وانشالله تقدرين تساعديني ....
مشكلتي أني مو معتمدة على نفسي و أستحي وايد مع ان عندي سيارة وكل شي متوفر لي مع العلم ان ما عندي خوات يعني أمبيه لازم اذا بطلع أبي أحد يكون معاي ما اعرف أروح بروحي أحس اني مسويه شي غلط و هذا الشي ينرفز لأني ساعات اكون محتاجة أغراض و أشياء و بالنهاية ما أشتريلها و تكون بخاطري والسبب ماكو أحد ايي معاي ..

 

[شنكولة]

خلي احد اكبر منج يروح معاج
وهذا كله مع الوقت بيروح

 

[كتكوته نورة]

بس أنا ودي أعتمد على نفسي و مابي أنطر أحد

 

[غروري ضروري]

الله يعينج..

 

[زهرااا]

خلاص عيل غصبي نفسج انج تسوين هالشي
وقولي دايما اقدر

 

[النشبه88]

والله انا بعد نفسج ما احس نفسي حرجه واروح وايي وعلى اني اسوق.. الاماكن اللي اروح لها وادلها محدوده ..بس عاد اذا ابي شي ما يردني احد
بس ما عليج الخبره تيي مع الوقت ..واذا تحسين نفسج مسويه شي غلط قبل لا تطلعين اخذي الاذن من الوالده وماراح يكون شي غلط دام انج طالعه باذن صح كلامي والا غلط
وحلاته البنت حياويه ومو 24 ساعه اتخور من مكان لي مكان

 

[kakawa_q8tiya]

حياتي لازم تقنعين نفسج انج تقدرين تسوين الشي و يمكن لانج تستحسن زياده عن اللزوم حاولي كثر ما تقدري انج تطلعين بروحج و كسري الخوف الي بداخلج و اذا كان في احد معاج ترى ما راح تتغيرين لا انتي حاولي تطلعين بروحج و تكسرين الخوف الي عندج مع اني ما اعتقد انه خوف يمكن انتي تستحين زياده عن اللزوم و انا اختي اذا طلعنا تستحي تدفع الفلوس ليش ماادري فقمنا اذا بنشتري شي دايما اعطيها اهيا الي تدفعه لين تعودت و الحين صار عادي

 

[كتكوته نورة]

مشكورين على الرد :eh_s(6):

أهلي يرضون أطلع بروحي اذا بخلض شغلي بس المشكلة فيني مع اني صاري لي 3 سنين أسوق بس أستحي بشكل مو طبيعي و ما أدل أروح أي مكان يعني أماكن محدودة والله ودي أتغير شوي يعني أعتمد على نفسي أحس أريح ساعات الاهل مالهم خلق الروحه والرده
أبي تشجيع ودي أتغير

 

[&ALRAM&]

انا على اني حيويه بس اذا بغيت شي اروح اخذ السايق واواحد من اعيال اخوي صغير واروح لي مكان بس اهم شي اخلص حاجتي

على ان البنت الحين والله تخاف من كل شي بس اقراء وردي وتكل على الله اذا انا ماسنعت نفسي منو يسنعني والحمدلله الواحد اذا واثق من نفسه

بس حنا مانسوق مثلكم يعني السواق يودينا والحمدلله ماشيه حياتنا

 

[عيونك آخر امآلي]

خذي معج حد صغيير


او اخذي الخدامه لين ماتتعودين تروحين بروحج

 

[ورد ابيض]

انا كنت نفسج
بعدين لمن شفت انه
مرات مايكون احد فاظيلي
واكون محتاجه هالشغله
اروح بروحي ويوم ورا يوم
راح يصير شي عاادي

 

[عاشقه رويشد]

مع الايام راح اتعودين

 

[ليتني مـآ كبرت]

ما فهمت مشكلتج؟

إذا قصدج تستحين بالعكس الحياء حلو ياحلو الحياوية اموت عليهم

وإذا قصدج ماتروحين بروحج حق مشاويرج؟ آنا بصراحة ما لومج الوحدة تخاف تطلع بلحالها , حتى لو اهلي أسمحولي مستحيل أطلع بلحالي

وإذا قصدج تبين تعتمدين على نفسج؟؟ آنا أشوف أن اول الطريق للاعتماد على النفس اهي الثقة بالنفس تالي تظمنين لج شهادة و وظيفة انتي حابتها ومن خلال هالوظيفة حاولي تثبتين نفسج ويوم عن يوم راح تحسين انج معتمدة على نفسج من الناحية الاجتماعية والمادية .

 

[لاتجرح المجروح]

كتكووووته حبيبتي قووووي قلبج و قريري من اليوم تعتمدين على نفسج
يا ختج الدنيا ما ترحم و ضروري تتعلمين شلون تعتمدين على نفسج حتى بطلعتج بروحج شنو يعني لطلعتي بروحج بالعكس احسن

 

[كتكوته نورة]

مشكوره حبيبتي

 

[كتكوته نورة]

شلون أحسن ؟؟؟؟

 

[العين الكحيله]

ما فيها شي تطلعين برووحج..

واذا انتي تخاافين او شي خلي بنات خالج او عمج يطلعون معااج

 

[Dark_Rain]

لوول جنج انا..
بس انا عادي اذا طلعات عاديه الدوام الجمعيه ولا بيت احد بروحج عادي روحي بروحج.. اما اذا بتتسوقين احسن تاخذين احد معاج