بنات ضروري الي ركبت تقويم يالخاص خاصة تدخل عندي سؤال

[MSS.AJQ8]

السلام عليكم

شلونكم بنات .؟؟؟

بنات والله نفسيتي تعبانة حاسة اني تسرعت المهم مابي اطول عليكم

انا عمري 20 فخلاص قلت بركب التقويم بس مليت رحت عيادة خاصة وايد مدحوها بنات بالمنتدى وحتى الدكتور وتوكلت على الله ورحت

اول زيارة سوالي فحص وطالع اسناني بعدين قالي نزلي عند الاشعة وسويت الاشعة واخذ قياس اسناني بعدين رديت عنده وقتله اني انا مو معالجة السوس الي عندي
قتله عندي ضرس يعورني قالي الالم يقعدج من النوم؟ قتله لا .. وقعد يطالع الضرس ويفحص مره ثانية وقالي مع الوقت نعالج اي مشكلة عندج وحتى لو باللثة


المهم يعني اول زيارة فحص واشعة وركبلي السيور
ثاني زيارة ركبلي القواعد وسوالي تنظيف الجير
ثالث زيارة وكانت قبل يومين ركبلي التقويم
وقالي الزيارة الرابعة راح اخلع لج ضرس لبني عشا يطلع الدائم

الزبدة سؤالي

شلوووووووون ركبلي التقويم واهو ما عالج التسوس ولا قالي عالجيه ولا شي ؟؟؟؟؟
الحكومة مايرضون الا عقب ما نعالج كل السوسات
فهموني شلون هل هالشي عادي ؟؟ يعني اهو ليش سوالي اشعة دام ما عالج وركب ؟؟

والله حدي مضايقة والكل يقولي ليش جدي دكتورتج اول مره نشوف جذي يعني حرام انا دافعة للحيم 260 والتقويم راح يكلفني 950 والله حدي مضايقة

تكفووووووووووووووون لحد يطنش

 

[غـلآوي ّ ~]

غـريـبه @@
شوفي مدام فيج تسوس ماعليج منه روحي الحـكومه مستوصفكم وسويها مـدام مراح تضر بالتقويم سويها
لاتروحين الخاص روحي المتسوصف احسن

 

[amoOoNA Al_mazyoNa]

إيي والله غريبه ,, بس لا تحاتين اهوو دكتور وعارف شغله

 

[MSS.AJQ8]

والله حدي مضايقة الكل قاعد يقولي غريبه ليش ما قالج عالجي التسوس

الحين انا ركبت التقويم عادي اروح اعالج ما يضر بالتقويم ؟؟

ولا وحده صار معاها عالشي

 

[*SUPER~COoL*]

قــــوه أختي ..
أنا كت مركبه تقويم من قبل بس الحين الحمد الله شلتة بس طولت فيه لأن ماكنت أمشي على المواعيد >> اذا تبين تخلصين بسرعه لازم تمشين على المواعيد .. :eh_s(15):
المهم .. أول شي سوى الدكتور شلع ضروسي اللبنية و بعدين أخذ مقاسي و بعدين لبسني التقويم >> شلون لبسج التقويم و بعدين شلع ضروسج :eh_s(10): ؟؟
أما عن سالفت السوس والله ما أتذكر بس جنه كان عندي سوس بس أنا عبالي عادي بس لما شلت تقويمي رحت حق دكتوره مختصه حق الحشو لأن كان عندي ضرس متسوس حيل و لما شافت ضروسي الي عبالي عادي أنصدمت منهم .. !!
و دكتوري من قبل ما أحطه ماقال شي عنهم !!
أنزين ضروسج حيـــل متسوسه ؟؟ و أنا أشوف لو تروحين دكتور مختص حق الحشو و سألي و أهوا أوردي راح يشوف التقويم و راح ينصحج ..
و اذا بغيتي اي أستفسار أنا جاهزه بالي أعرفه :eh_s(7):

 

[ريسان]

اي و الله غريبة الصراحة انا اول شي عالجت السوق و بعدين سويت تنظيف اسنان و بعدين شلعت 3 ظروس و بعدين القواعد و اخر شي التقويم روحي استشيري دكتور ثاني اخاف يوصل العصب حرام

 

[MSS.AJQ8]

قــــوه أختي ..
أنا كت مركبه تقويم من قبل بس الحين الحمد الله شلتة بس طولت فيه لأن ماكنت أمشي على المواعيد >> اذا تبين تخلصين بسرعه لازم تمشين على المواعيد .. :eh_s(15):
المهم .. أول شي سوى الدكتور شلع ضروسي اللبنية و بعدين أخذ مقاسي و بعدين لبسني التقويم >> شلون لبسج التقويم و بعدين شلع ضروسج :eh_s(10): ؟؟
أما عن سالفت السوس والله ما أتذكر بس جنه كان عندي سوس بس أنا عبالي عادي بس لما شلت تقويمي رحت حق دكتوره مختصه حق الحشو لأن كان عندي ضرس متسوس حيل و لما شافت ضروسي الي عبالي عادي أنصدمت منهم .. !!
و دكتوري من قبل ما أحطه ماقال شي عنهم !!
أنزين ضروسج حيـــل متسوسه ؟؟ و أنا أشوف لو تروحين دكتور مختص حق الحشو و سألي و أهوا أوردي راح يشوف التقويم و راح ينصحج ..
و اذا بغيتي اي أستفسار أنا جاهزه بالي أعرفه :eh_s(7):

هلا حبيبتي

انا مو قاعده اطوف ولا موعد ناوية ألتزم عدل ان شاءالله
وبأول موعد قالي انا ماراح اشلع لج ضرس من تحت الا عقب 6 اشهر اذا شفت نحتاج خلع بعدين نشلع قتله اوكي
بس باخر موعد لمن ركبلي التقويم قالي الموعد الياي راح اشلعلج ضرس لبني من فوق
يعني اهو قايلي ان ماراح يشلع بس قالي عقب 6 اشهر اذا ما تعدلو والحين صار في ضرس لبني !!
وقلت بروح الاسنان بقولهم شلون اذا عندي تسوس بلحق على عمري توه ما صارلي اسبوع حاطه التقويم
يعني مادري ليش ما قالي عالجي السوس اول ناطره يوصل العصب مادري اشفيهم !!

نرفزني والله وهذا بفلوس بعد
مشكورة وايد

 

[MSS.AJQ8]

اي و الله غريبة الصراحة انا اول شي عالجت السوق و بعدين سويت تنظيف اسنان و بعدين شلعت 3 ظروس و بعدين القواعد و اخر شي التقويم روحي استشيري دكتور ثاني اخاف يوصل العصب حرام

انا عكسج
السيور تنظيف قواعد تقويم والموعد الياي شلع ضرس لبني

والله بروحله اهو بعد دافعه فلوس مو تراب بقوله دكتور انا عكس الكل ليش
بشوف الاشعة بعد

بس عفية بنات اذا احد صار معاها نفسي ان الخلع بعدين اطمني
يمكن في كذا طريقة

 

[bent mahoma]

اللي اعرفه ان لازم تعالجين السوس اول
روحي كلميه وقوليله انتي دافعه فلوس موببلاش
​

 

[يرخصلك كل غالي]

انا لييييوم دفعت عربون و23-5

تنظيف ويعالج لي الاسنان

بغيت اعرف انتي اي عيااده

 

[Fashion Falls]

اختي اخذي موعد تنظيف سوس بنفس العياده الي مركبه فيها التقويم الدكتور الاسنان راح ينادي دكتور التقويم وراح يفتح السيييم ويشتغل دكتور الاسنان وينضف السوس واذا خلص راح ينادي دكتور التقويم يركب السييم مره ثانيه ، دكتوورج التقويم غلطان لان المفروض قبل لا يحطه ينضف السوس لان التقويم يطول مو اقل من سنتيتن او اكثر واحتمالية السوس معاه 75% وحرام يوصل السوس للعصب ووتتعبين ووايد فمن الحيين روحي نظفي والله يسامح دكتورج التقويم .....

 

[MSS.AJQ8]

اختي اخذي موعد تنظيف سوس بنفس العياده الي مركبه فيها التقويم الدكتور الاسنان راح ينادي دكتور التقويم وراح يفتح السيييم ويشتغل دكتور الاسنان وينضف السوس واذا خلص راح ينادي دكتور التقويم يركب السييم مره ثانيه ، دكتوورج التقويم غلطان لان المفروض قبل لا يحطه ينضف السوس لان التقويم يطول مو اقل من سنتيتن او اكثر واحتمالية السوس معاه 75% وحرام يوصل السوس للعصب ووتتعبين ووايد فمن الحيين روحي نظفي والله يسامح دكتورج التقويم .....

اي والله الله يسامحه صج كنت مرتاحه لمن رحتله وايد سمعت ان الدكتور زين
بس صج انقهرت لان ما عالج لي السوس اول
بروحله بس ما عندي وقت كله بالجامعة وامتحان وره امتحان
الله يعين ان شاء الله القى وقت واروحله

تسلمووون عالردود

 

[سآق نملة]

غرييييييييييييبه ..

انا دكتوري لما شاف فيني جير رفض قال شيلي الجير بعدين نبدا وفعلا شلت الجير وتاكد ان مافيني سوس بعدين بدا ..

وبنظري اهو احسسن دكتور واحسسن عيادة مع انها غالية شوي بس شغلهم مو ميكانيكي ولعب ...

الله يعينج حبووبه

مبروك عليج الابتسامه الحديده هههههه << غشمرة مو تزعلين

 

[مسك إلمحآسن]

المعروف ان يعالج التسوس والخلع بعدهاا التقويم !
بس يمكن الدكتور له وجهة نظر !

بس لاتحاتييين سهل حيل وان شاءالله توصلين للابتسامه اللي تبينها ​

 

[نـ(المطيري)ـازكـ]

لا تحاتين اهو ادار دام انه يمدحونة البنات ..

انا عندي موعد ع الخميس بس بعده الدكتور ماشافني فقالت لي

السكرتارية احسن شي تين للدكتور اذا فيج سوسة تنظفينها والاسنان اذا كانت مكسرة تظبطينها واذا في علاج عصب تلبسينة

يعني تكون اسناني نظاف .. بعدها سوي تنظيف لثة واسنان بعدها تعالي عشان ما ياخرج الدكتور ويقولج لا روحي سوي وعدلي وحطي ..

 

[دلوعة المنتدى]

اب

اب

اب

 

[graam atfaal]

الله يعينس .... = ( بس قوليله ......... او روحي مستوصف وعالجي التسوس .....
انا ماجربت الخاص الا مره وياليتني ما جربتــــــه نصيحه لاااااا تاخذون بـ كلام المنتدى بخصوص الدكاتره او المستشفيات = (انا حطيت التقويم بـ مستشفى الاحمدي د معين ( هندي ) خووووش دكتور ,,
وفي وحده هني كانت مادحه دكتور اسنان لباني للتبييض وصلته السمـــــــــــــــاااااااااااااااااا
ورحت وخذت موععععد .. اووووف حده عليمي ومره تاخر موعدي طلع كاسر ضرس وحده بدال ما يعالجه = (
سوووووووري ع الاطاله بس قلبتي المواجع .......​

 

[مس غرور]

عادي ياقلبي اختي جي ماشلعو لها ولا شي حتى كان فيها سوس ولا شالوه بس تعبت حيل من الضرس

ومادري حبيت اسأل صج مايعور والا اتي تبي اطمني بس فديتج قولي الصج لأنه راح اركبه بعد اسبوع وخايفه