بنات ضروري ردوا عليي !!

[Om 3ziz]

مساء الخير بنات

بغيت اسأل شلون طريقة التلقيح الصناعي و منو جربته و شنو نتيجته .. و شنو افضل اخذ حبوب تنشيط ولا

التلقيح ؟؟ و سؤال ثاني :

انا كنت اخذ حبوب التنشيط اسمها سيروفين و بعدها الدكتوره عطتني ابر هم بعد التنشيط بس من اخذ

الابر يتقصص جسمي و ينهد حيلي و حراره و لوعه و كل شي ..وبعدها الدكتوره تحددلي وقت الجماع بس

عمرها ماظبطت معاي لاني حزتها اكون شبه مريضه !!!!! قولولي شسوي شوروا عليي

 

[m e m e]

انا جربت التلقيح الصناعي مره وحده
بس اخذت كلوميد و كان عندي بويضه وحده
بس مانجح و الحمد الله

فا الدكتوره اقترحت علي اخذ ابر عشان تزييد الفرص

انا نصيحتي ايي اخذي منشطاات

و طريقة التلقيح ان يحقنون مني الزوج في الرحم عشان يقربوون الحيوانات المنويه حق البويضه بالتالي تزيد الفرص

الله يرزقج يا رب و اي سؤال انا حاظره

 

[Om 3ziz]

مشكوره ميمي ماقصرتي الله يرزقج و يرزقنا بالذريه الصالحه في حسن الخلقه و الخلق شكرا على مرورج .. بس انتي يوم خذيتي الابر ما حاشج نفس الاعراض اللي ذكرتها ؟

 

[m e m e]

بعج قلبي و الله اجمعين يا رب

انا ماخديت ابر منشطات عطتني ابره تفجيريه بس و بعد التلقيح حسيت اب عواار عالنجب ( بس ترى كل بنت تختلف عن الثانيه)

بالنسبه حق ابر التنشيط انا قاره ان من اعراضها الجانبيه ان تسوي لوعه و نفسيه

 

[Om 3ziz]

ياالله ان شاء الله خير .. مشكوره مره ثانيه

 

[m e m e]

ام عزوووز ترى التلقيح ماايعور و لا ياخذ وقت بس تنسدحين نص ساعه عقب التلقيح و تردين البيت عادي

انشاء الله يا رب ينجح وياج

 

[درابيل وحليب]

انتي سؤالج فيه شوية لخبطة
شوفي حبيبي اذا ما فيه بويضة ناضجة مستحيل يصير حمل

فالمنشطات سواء كانت حبوب او حقن تعمل على تهيئة البويضة و بطانة الرحم للتخصيب فاذا لم يحصل الحمل خلال 3 أشهر من المنشطات فان الطبيب يلجا للخطة ب
وهي المنشطات مع التلقيح الصناعي فبعد كورس من المنشطات يقوم الطبيب بعمل سونار فاذا كانت حجم البويضة مناسب من 18 الى 24 تاخذين ابرة تفجيرية ( وهي عبارة عن هرمون حمل يعمل على اخراج البويضة من كيسها حتى يسهل اختراقها من الحيوان المنوي ) وبعد الابرة التفجيرية بيوم يقوم الطبيب بعمل التلقيح الصناعي وهو حقن مني الزوج المعالج بالمختبر في رحم المراة عن طريق المهبل و تنام المراة بعدها لمدة نصف ساعة

 

[درابيل وحليب]

للتخفيف من اعراض السيرفين او منشط اخر او اي عقار اخذيه مع الوجبة و ليس على معدة فاضية و عليج بالاكثار من شرب الماء

 

[&رعبوووبه&]

ما تشوفين شر انشالله انا اخذت ابر ومنشطات وابر تفجيريه

بس ما تحوشني حالتج انا احس انه روحي بتطلع اثناء الجماع من الالام

بالرحم وهم مو قاعده تضبط معاي الله يرزقنا انشالله اجمعين

شكلي بجرب التلقيح الصناعي

موفقه

 

[$غــ(ز)ــل$]

ماقصروا البنات
والله يرزقج الذريه الصالحه

 

[أم سعووود#]

الله يعينك علي العوار انا جربته كانت الام قويه بس لنا اسال الي اخذوا ابر يقولان لا عادي ما حسينا بالام قويه مثلك كل وحده غير بس شوفي التلقيح ماتسوين الي تكونين ماخذه ابلا والتلقيح نسبة نجاحه 70%
سويه وتوكلي علي الله اختصري الوقت عشان تضمنين النتيجه
وكلا علي الله

 

[m e m e]

الله يعينك علي العوار انا جربته كانت الام قويه بس لنا اسال الي اخذوا ابر يقولان لا عادي ما حسينا بالام قويه مثلك كل وحده غير بس شوفي التلقيح ماتسوين الي تكونين ماخذه ابلا والتلقيح نسبة نجاحه 70%
سويه وتوكلي علي الله اختصري الوقت عشان تضمنين النتيجه
وكلا علي الله

التلقيح نسبة نجاحه ٢٠ ٪ اطفال الأنابيب ٦٠٪

الجماع الطبيغي ١٠٪

الجماع يوم التبويض ١٣٪

بس حبيت اوضح هالشي

التلقيح الصناعي يزيد الفرص لأن يختصر المسافه حق الحيوانات المنويه

اصعب مرحله هي مرحله تخطي عنق الرحم للحيوانات المنويه و من هالمرحله ٢٠ ميلووون من عدد الحيوانات يضيع هذا غير اللي طلع بالخارج


فيقومون يحقنون بالتلقيح داخل الرحم لتقريب المسافه بالعلم ان فقط ١٠٠٠ حيوان منوي يدش قناة فالوب وواحد بطل اوهو اللي يدرش بالبويضه و يلقحهه


التلقيح الصناعي احسن شي حق النساء اللي رجالهم فيهم ضعف و بطيء بالحركه

 

[Om 3ziz]

شكرا على ردودكم