بنات طالبتكم اللي تشوف موضوعي تفيدني

[النويره]

السلام عليكم
اشلونكم بنات الكويت الموضوع باختصار لي وحده صديقه وقريبه من قلبي زوجها 24 ساعه يعايرها من صدرها جدام حمواتها حتي جدام اخوه تخيلوا تتصل فيني تبجي وانا اهون عليها البنت قررت تسوي عمليه تكبير صدر بس اهي ما تبيه يدري قاعده الحين في بيت اهلها زعلانه حتي جدام الخدامه يستهزا فيها المهم قررت خلاص تسوي عمليه تكبير صدر تقول اذا ماكو بالكويت بتسافر تسويها بره بنات منو دكتور شاطر ميه بالميه بالكويت نصحوني خل افيدها الله لا يطيحكم بضيجه واسفه علي الاطاله

 

[شهدQ]

لاتعبث بخلقه ربها عشان ريال مارح يسرها لو صار لها شي والعياذ بالله

راح وقتها تخسر ربها وتخسر زوجها

وماكو ريال بالدنيا يستاهل ان المره تغضب ربها عشانه

والصدر طبيعيا مع العمر يكبر ووايد بنات واهما صغار صدروهم حيل صغيره ومع الحمل والولاده والهرمونات يتغير كل شي

خل تتعوذ من ابليس ولاتحط براسها هالافكار المجنونه

لان لو صار فيها شي اول شخص يهدها ريلها ويدور غيرها وقتها صج صج بتاكلها عدل وبتموت من الحره

 

[noorq8]

يعايرها جدام اخوه !!!
من رايي
مو ريااااااااااااال
و لو تتطلق و تقعد ابيت ابوها اشرف لها
يقولها على غشمره ماشي
جدام حمواتها ... قوية ... لكن نطوفها
لكن جدام اخوه .... هاذي قويييييييييييييييييييييية
ما يغار على مرته هذا
حسبي الله و نعمه الوكيل فيه
انا اقوووول تهده ابرك
واذا كلش كلش
خليها تواظب على حليب الصويا
اسبوعين و بتحس بالفرق
و بشهر راح يكون واضح
الله يستر عليها اذا ريلها و سندها بالدنيا

 

[موت الحمر]

عندج دكتور اسماعيل ندا اللي بدار الشفا ممتاز و شاطر حتى ممكن يحقن لها دهون من جسمها اذا كانت خايفة بحيث ان ياخذون من مكان فيه دهون وايد و يحقنونها بالصدر طريقة آمنة و مو خطرة بس هم خليها توقفه عند حده بقلة ادبة و عدم غاريته شالسالفة انقطع عرج الحيا منه ؟؟؟ و لا الحمدلله و الشكر ماكل لحم خنزير اللي حتى صار جدام اخووووه يتكلم بجسم مرته


اللهم لا تبلانا

 

[Killer^Girl]

واي قطيعه شنو هذا
ترا الزواج اكبر من مجرد صدر كبير والا صغير
ريلها تافه وسطحي ومراهق وياهل

 

[ابلة مبتسمة]

حبيبتي لا تسوي لا عمليات ولا خرابيط

والله ترا العمليات مو زينة وخصوصا العملية بالصدر اسم الله عليها اخطر مكان

ويسبب المرض الشين

يبا خلي ريلها وكيفه عاجبة عاجبة مو عاجبة كيفه ولا يصير فيها شي ( اسم الله عليها )

وبعدين خل تتركه لانه مو كفو اي شي يتطنز عليها جدام اهلة والخدامة لو انه منها ما ارجع له وكيفة

 

[النويره]

مشكورين كل اللي ردوا يا قلبي انتوا
بس لا تلومنها اهي عنده عيال منه واين تطلق واين تروح لا موظفه ولا شي ما تبي تخرب بيتها بس اهي بدات تفقد الثقه بنفسها ومحتاجه تغير شكلها عشان ترد لها الثقه وبالاخير الريال ما يعجبه عجب صاجين والله مو كفو بس هذا طبعه ما يحشمها واهي تبي تحافظ علي بيتها علمونا عن دكاتره شااطرين بعد وما قصرتوا

 

[المشتاقه لله]

بسم الله الرحمن الرحيم
حبيبتي النويره للأسف زوج صديقتك (( ديوث )) والديوث لايدخل الجنه
النويره اذا انتي شجعتي صديقتك على انها تسوي عملية تكبير تشتركين معها بالذنب لانك ساعدتيها بأمر يغضب الله كوني خير عون لها على طاعة الله ومن ناحية زوجها (( لاطاعه لمخلوق في معصية الخالق ))
اسأل الله ان يهدي شباب المسلمين
ولاحول ولاقوة الا بالله

 

[حبيبته آنا]

يعايرها بصدرها جدام اخوه؟؟انا لو منها ما اقعد عنده دقيقه وحده لانه مايستحي لو اهو كفو محترمها جان اقولج خل تسويها لكن اذا طبعه جذي فحسافه فيه حتى العشره
عموما كيفها هذي حياتها وهي حره فيها واذا تقدر تسافر خل تسويها بتايلاند هناك افضل شي بالنسبه للثدي حتى افضل من امريكا و الدول الاوروبيه بالنسبه لتجميل الثدي