بنات طمنوني شنو الي قاعد يصير فيني .. بس انا جذي؟ !!

[GucCiQ8]

بسم الله الرحمن الرحيم


بدون اي مقدمات خواتي كويتيات حايشني شعووور مدهور عيشتي ويااه
والله اني تقريبا باليوم جم مره ابجي من يبت ولدي وانا احس فرحتي ماراح تكتمل فيه ربي يخليه يارب ولا يفجعني فيه يارب
استغفر الله كله معاي هالاحساس انه بيروح مني واحاتيه وايد واخاف عليه من اي شي ولي شلته كله يتهيألي اني بزلق واطيح فيه او بطيح من الدري وانا معاه .. وكله اتخيل وانا وياه وريلي يسوق فيني بيصير حادث ويصير في ولدي شي
والله يابنات ينيييييييييت كله احضنه وابجي وادعيييي الله يخليه لي مادري شفيني والله مادري شفيني مع هالوساوس
ولدرجه خايفه اسوق سيارة تخيلوو انه مطلعه الليسن وعندي السياره وميته خرعه مابي اسووق ارجف لي حاولت كله اتخيل اسوق وولدي وياي ويصير شي لاسمح الله وهالشي موقف وايد اشياء بحياتي


شسالفه بنات انا ليش احس جذي ... معقوله لاني احبه وايد قاعده تييلي هالافكار ؟؟؟
بليييز طمنوني هل انا الام الوحيده الي احس بجذي ؟؟ ولا انتو بعد تيي لكم هالافكار ؟؟

انا ذاك اليوم بجيت بجي وقلت حق ريلي بلي قاعد يصير ويااي يوميا ً .. قالي احنا ام وابو لازم نخاف على ولدنا ونفكر بهالاشياء


بليز بنات ابي حل ربي يخلي لكم اعيالك والله اني قاعده تتعب نفسيتي بشكل ملحووظ
ساعدوني ربي يجعله في ميزان اعمالك

والله كله ادعيله واقرى واسمي عليه ربي يخليه لي يارب


وعسى ربي مايخسر تعبي فيه ويعل يومي قبل يومه



ساعدوني

 

[روعة الكلام]

رد : بنات طمنوني شنو الي قاعد يصير فيني .. بس انا جذي؟ !!

حبيبتي إنتي الله يخليلج ولدج ولا يحرمج منة بس إنتي تعوذي من إبليس ولا تفكرين بهالسوالف انه يروح منج لا سمح الله وترى كل أم تحس هالاحساس وأكيد بتخافين عليه يعني طبيييييييعي اللي تحسين فيه يا قلبي

 

[مظلومه ياناس]

رد : بنات طمنوني شنو الي قاعد يصير فيني .. بس انا جذي؟ !!

تعوذي من ابليس ............ هذي كلها وساوس الشيطان اعوذ بالله من الشيطان
انتي كل مافكرتي بهالتفكير تعوذي من الشيطان وقولي لا اله الا الله ....

ترا انا مثلج واردى بعد لاني حييييييييل متعلقه فيه كله يتراوالي انه بيموت ويخليني .. او انا اموت واخليه
انتي حيل متعلقه فيه وصدقيني بس تحملين وتجيبين الثاني بيخف هالاحساس عندج

عسى الله يخليه لج ويطرح فيه البركة وتشوفينه معرس يااااااارب

 

[أم ســـجى]

انا مثلج كله افكر جذي احس اني بفقده واااي الله يطول بعمر عيالنا

ما تحمل اي شي يصير بولدي

اعوذبالله من الشيطان الرجيم

:yaaaaaarb:

 

[توتــه]

يممممممممممممممممه وربي نفسي واقسم بالله بنتي عمرها 9 شهور

تخيلي اول ماجبتها كنت ما انام اوسوس انها بتشرق بليل وهي نايمه وماشوفها

والله اني افز وانا نايمة كأن احد مخرعني كنت ابجي اقول لامي ابي منوم من قله النوم

والحين صار خوف على محاتاة بس الحمدلله شنسوي بعد علبالج الامومه هينه

 

[طبعي راقي]

رد : بنات طمنوني شنو الي قاعد يصير فيني .. بس انا جذي؟ !!

طبيعي حبيبتي كلنا نحس هلاحساس بس كل ماافكر جذي اتعوذ(اعوذ بالله من وسوسة الشيطان) واستغفرربي ...والهي تفكيري باي شي ثاني...والله لايحرمنا من عيالنا ولايحرمهم منا

 

[د.مشمش]

رد: رد : بنات طمنوني شنو الي قاعد يصير فيني .. بس انا جذي؟ !!

حبيبتي طبيعي جدا يلي تحسي فيه
انا بنتي جاتني عد حرمان سنين وعلى طول احاتيها
ولما كنت نفاس كل يوم بكااااااااااااااء ودمووووووووووووع
افتحي ملفي وشوفي موضوع لي بعنوان مشكلتي هل القى لها حلا فضفضة من قلب يحترق حبا والما

 

[NFOOOL]

عادي حبيبتي حتى انا كله أفكر التفكير هذا أعوذ بالله من الشيطان بس هذا من حبنا لهم ودايما أقري المعوذات ومراح يصير انشالله ألا الي الله كاتبه

 

[بـاسي قــوي]

رد : رد: بنات طمنوني شنو الي قاعد يصير فيني .. بس انا جذي؟ !!

وي حبيبتي كانج تتكلمين عني انا اتخيل تخيلاااااات ياااااااربي اتعب منهاااا كلا وساوس من الشيطان و النفس توز الوااحد

بس تعوذي من ابليس و ماعليكم شر ربي يحفظكم

 

[a7la MUM]

رد : رد: بنات طمنوني شنو الي قاعد يصير فيني .. بس انا جذي؟ !!

الله الحافظ اسم الله على عيالنا يعل مانشوفهم بيوم تعبانين ولايشتكون من شي
اموت والله
الله يحفظ عيالنا يارب
وانا بعد والله بطلع الليسن وميته خوف شلون اسوق وولدي معاي وولدي كبر ولدج اسم الله عليهم الله يحفظهم

 

[Coffee-Girl]

حبيبتي جنج اتكلميني عني

انا همن جذيه ليسني عندي وسيارتي من الوكاله يديده موديل السنه ماسقتها كله من هالوسواس

انا نفسج كله اتخيل ان بنتي احد بياخذها مني

ليدرجة اني لما ادخل الحمام وانتي بكرامه بس اطلع اروح اطمن اشوف بنتي بسريرها ولا لا

لان كله اتخيل ان احد بيخطفها وبعدين ما القاها

واحيان اتخيل الخدامه تاخذها وتنحاش فيها وبعدين اتقطها او اتسوي فيها شي

اعوذ بالله من هذي الافكار الله يحفظ بنتي ويخليها لي ويحفظ اعيالنا جميعا

 

[أم حمد =)]

لا تحاتين وتوسوسين ..
الله يحفظه لج ..

 

[Om NoOoRa]

استغفر الله ياربي
تعوذي من ابليس هذي كلها وساوس
بدال ماتعيشين معاه احلى لحظات حياتج قاعده تبجين و توسوسين؟
حصنيه واقري عليه وعلى مايه اللي يشربه ووكلي امرج لربج اللي ماتنام عينه
والياهل عليه حارس ملك يحرسه من كل شر
استغفري ربج ووكلي امرج لربج واستودعيه اغلى ما عندج ماتضيعين

 

[ماعلى الدنياعتب]

انا بعد جذي

من تجيج هالافكار تعوذي من الشيطان

 

[مسك81]

اسم علىج وعلى ولديج كلنا جذي اسم الله على عيالنا الله يحفظهم من كل شر وسوء والله من كل شي اخاف عليهم نفس حالتج سياره ما اسوق ما اخليهم يطلعون مع اي احد حتى لو امي ولا ينامون عند خالتهم وعليه يقولولي ليش ماما كلهم ينامون بس احنا واهما ينامون عندنا واحنا ما ننام عندهم اقولهم علشان انا احبكم مايصير اسم الله عليهم واذا مرضو عاد شوفي الحاله اللي تصير فيني امرض نفسيا معاهم وامي وريلي كل يوم محاضره امي تقولي ماتنلامين لان انا يبت بجري وتوفى ثاني يوم فاخاف على اللي عندي من الهوى الطاير الله يحميهم ويحفظهم ويحفظ عيالك وماتشوفون اي مكروه

 

[روعة خيال]

انا كنت احاتي شلون اسوق و بنتي توها بيبي لا تقعد و لا شي

لقيت الحل كنت اخذ خدامتي و اقعدها يمي و اخلي بنتي بحضنها بعدين حسيت ان انا Bad mother

فشسويت؟

رحت لمذكير شريت safety chair

و حطيتها ورا يعني اذا التفت ورا تشوفني و اشوفها و احط عندها العاب عشان ما تبجي

و الحين الحمدلله بنتي كملت 3 سنوات و اقعدها يمي و البسها حزام الامان

 

[صريحة النسب]

اقري سورة البقرة كامله كل يوم مع الاستغفار المستمر كل ما يت لج هالافكار واتكلي على الله سبحانه وماكو الا العافيه ان شاءالله هذااا كله من الشيطان تعوذي منه

 

[فوشيه عجيبه]

الله يعينج :eh_s(22):

 

[ZajiL]

اول شي تعوذي من بليس

هذا وسواااااااااااااس من الشيطان الشيطان قاعد يوسوس لنه وهالشي كللش موزين
اول شي حصني ولدج دايما بالاذكاااااااااااار
وذكري الله صدقيني ربنه عطانه رحمه وحده واهو عنده 99 رحمه يعني ربنه ارحم منه بوايد
ودايما دايما باي تصرف تتصرفييينه استودعي ولدج ربنه وربي حافظه
قولي

" اللهم اني استودعك ابني يامن لاتضيع ودائعه " وتالي توكلي على الله باي شي
خلي ايمانج بربنه كبير وهووووووووووووو خير حافظ

انا من قمت اسوي جذي وااااااايد ارتحت حيل مو شويه الحمدلله

اوصيج باذكار الصباح والمساء تحصنج وتحصن بيتج ولدج

 

[مي الحلوة]

رد : بنات طمنوني شنو الي قاعد يصير فيني .. بس انا جذي؟ !!

مافي مثل التحصين سبحان الله انا ما ارتحت الا لما قمت على طول احصن عيالي بالاذكار..
وصدقينى قلب كل ام جذي يوسوس..والله يحفظهم من كل مكروه..