بنات طمنوني قرب زواجي ومتوتره وشاكه خطيبي

[عروسه النهر]

مرحبااا

بدش بموضوعي على طول ياليت تحسو فيني لاني ان مافضفضت لكم احس اني بختنق وان شالله تفهموني لاني موعارفه اعبررررر
زواجي بعد شهرين على خير دعواتكم ربي يتمملي على خير ويرزقني بالذريه الصالحه :eh_s(22):
نجي لموضوعنا
خطيبي راتبه على قده والحين نــأثث الشقه ودايما يقول ماعنده عشان يأثث وصحيح مايشتري شي للشقه الا اذا عطوه الراتب ويشتري مسكين كل شهر شي بالقطاره
المهم ابوه عنده خير وعارفه انه مومكلف بولده بكل شي , وساعدنا ماقصر ,خطيبي عنده عزه نفس يقول مستحيل اطلب من اهلي شي
بس اوقات اشوف اشياء في الشقه سعرها غالي اكثر من راتبه واهو يقول ماعنده ولاشي في حسابه غير فلوس الراتب بس ويقول هديلين هديه من اهله
هالشي مشككني فيه اقول اصلا عنده فلوس وخاشهم ويقولي جديه عشان لااحتاج في يوم من الايام شي ويعطيني مع انه مومقصر معاي اي شي ابيه يعطيني وياه بس مادري احس فيه شي مومرتاحه
مع انه طيب معاي ويعاملني زين وكل الناس تمدحه بس اغلب اللي يعطيني وياه اشيا رخيصه حيل تحز في نفسي بس افكر واقول احسن من غيري عالاقل يعطيني هدايا رخيصه وافتكرني احسن من غيري الحمدلله
فقلت اشلون يقول هالشي من عند ابوي وهالشي من عند ابوي واهو يقول مستحيل يطلب منهم شي
عارفه يمكن اهم ساعدوه بس ليش لما اقوله خل اهلك يساعدونا يعصب علي يقولي ماحب اطلب من عند احد شي
الحين امس شاري مكيف ب1700 ريال واهو راتبه 2000ريال بس :eh_s(2)::eh_s(2): ,قلتله من وين لك الفلوس بيخلصو قالي اي من الراتب وبيخلص اكيد مابيكفي شي ,قلتله اشلون مابيكفي وانت راح تشتري مكيف ثاني ومدخنه ,قالي خليها على الله وسكت عني مع انه قالي راح محل مكيفات وقال بيشتري مكيف هاليومين وبيشتري ثريات وطاوله طعام ,من وين له الفلوووس ؟؟
فيه شي محيرني :eh_s(2): الحين ملكنا الله يطول بعمره بيعطينا ضعف الراتب مرتين هالشهر بس ,مع ان نزل الراتب وماشفنا اي زياده بس قال بعد الراتب بعشره ايام بينزل ان شالله
وخطيبي قالي هديه عرسج بشتريلج اي فون اذا عطوني الزياده قلتله على كيفك , وقالي باقي الفلوس بشتري فيهم اغراض للشقه قلتله اكيد هديلين فلوسك وانت حر فيهم
الحين انا شاكه اقول اهو عنده فلوس اصلا وخاشهم الشيطان يقولي جديه
مع اني اوقات اشوفه مايشتري شي الا بعد الراتب
شسوي ابليسسسسسس فوق راسي وكله تفكير اقول يجدب علي
مع اني كل مااتدكر كرمه وياي وانه مومقصر علي بس هالشي مخليني اوسوس حيل
سوري يمكن كلامي ملخبط بس موعارفه اعبر عن اللي في داخلي زين موعارفه اوصل لكم وانا بداخلي احس موضوعي جدا غامض بس وانا اكتبه حسيته جدا تافه
لانه يقولي بشتري جديه وبشتري جديه وهو متحمس واذا قلتله من وين الك الفلوس احسه يتعلثم في الكلام و يقول يمكن حد يعطيني مبلغ بس انا مابقول ابي شي من عند حد فيشكنني بصراحه فيه .
ودايما اذا سألته هالسؤال من وين لك الفلوس يكون بعدها بيوم يتصل فيني ويسألني حبيبتي تبي شي متأكده ماتبي شي ,حتى اقول في خاطري لايكون كسرت بخاطره لانه يجدب علي والحين يرشيني يبي يشتريلي اي شي ابيه :eh_s(2): الشيطااااااااااااااااااان اعوذ بالله منه:eh_s(14):
مع اني قلتله امي وابوي عطوني مبلغ وقالولي اعطيك اياه عشان نسافر فيه واهو عيا قالي مستحييييييييييل اخد من عند حد فلوس بعدين ماراح اعفر اطالع وبجههم عيب علي اخد ومارضى
واني اقول في قلبي اكيد عندك فلوس وخاشهم عشان جديه ضميرك مأنبك وتقول حرام اخد فلوس من عندكم وانا عندي شفتو تفكيري الغبي كيييييييييييييييييييف :eh_s(14): غبيه انا غبييييييه وهبله
مع اني لما قلت لبنت خالي الصدوقه قالتلي كل الريايل جديه يقولون ماعندهم بس اهما عندهم بس ليش تفكرين وتوتري نفسج دامه مومقصر معاج ,خليه يجدب على كيفه بس اهم شي مومقصر معاج
وانا بصراحه اهو يعطيني بس احس نفسي اقل من غيري بواااااااااااايد احس اني بعيش في فقر مع اني وافقت عليه بأرادتي مع اني احبه واموت فيه بس ندمانه اني خديته خايفه من حياتي باجر وكيف عيالي بيعيشون في فقر لاني كل ماطلع معاه السوق يقولي هذا غالي ,تخيلو تيشرت ب90 ريال يقولي غالي يقولي لوده سعر فستان مايخالف بس تيشرت يعتبر غالي
ويقولي اذا يبنا عيال بنلبسهم رخيص لان امكانيتي ماتسمح
شكله بيكرهني في اليهال مع ان ودي ربي يرزقني في بدايه زواجي
بموت من القهر والتفكيييييييييييييييير
شسوي ابيكم تطمنوني هل خطيبي يكدب علي والاكيف

 

[ام شووووق]

اكيد ياخذ اهله ويستحي يقول

 

[گنت أحبگ]

حرام عليج لا توسوسين وتظلمينه

يمكن اهله يعطوونه بس يستحي يقوولج

وااضح انه طيب وكل ما يصير عنده فلوس يحطهم ع الشقه وتاثيثها

تعووذي من ابليس وخليه ع راحته مدام اهو مو مقصر لا تقولين له ودققين ورراه وايد هذا من وين وهذا من وين وراتبك مايكفي واخذ من اهلك

واهو اكيد ما يحب يبين لج انه يطلب من اهله علشان مايصغر بعينج

وربي يووفقكم انشالله ويتمم عليكم

 

[عروسه النهر]

مشكورين بنات طمنتوني
بس ابي اشوف اراء اكثر عشان اتطمن اكثررر

 

[Tulips]

حبيبتي دامه زين معاج ومو قاعد يرفضلج طلب لا تدققين بهالامور وخلج قنوعه باللي عندج بالنهايه يوم وافقتي عليه كان قرارج وانتي لازم تكون قد قرارج حبيبتي .. يمكن ميملعه جم فلس وحاطهم على صوب ويمكن الفلوس من اهله عادي .. وين المشكله يمكن اهو بس يقولج انا ما اخذ من اهلي عشان برستيجه جدامج

باجر ان شالله لي صرتي عنده بتشوفين بعيونج كل شي وهالتساؤلات بتروح ان شالله عنج

والله يوفقج حبيبتي

 

[عروسه النهر]

مشكوره حبيبتي رحم الله والديج

 

[ترجمة احساس]

والله ما ادري شقول بس الله يوفقكم ويهنيكم ولاتوسوسين

 

[ضايعة بدنيتي]

وااااااي حبيبتي انتي ليش معورة راسك جذي

انتي شعليج يكذب ولا ما يكذب وياخبر اليوم بفلوس بكرة ببلاش

انتي من البداية حاطة في بالك انك بتعيشين بوضع مافيه رفاهية .. و وافقتي .. يعني حتى لو كان فعلا عنده ويخش عنك ما راح تتأذين لان هالفلوس بالاخير كلها لك ولبيتك صح ولا لا ؟

انااقول انه اهله يساعدونه بس ما يبي يعترف لك عشان ما تنجرح رجولته جدامج وتحسين انه ما يقدر يشيل نفسه ويشيل مسؤولية بيت ويصير ناقص في نظرج

اما عن الملابس واسعارها انتي في البداية صبري لين تروحين بيتج وتدرسين الوضع عدل وبعدين ضبطي حياتج حسب امكانياتكم

واشتغلي وساعدي زوجج .. ترى الحياة مشاركة وراتبك على راتبه الحياة بتمشي بهدوء ان شاء الله

عسى الله يوفقج ويرزقج ويتمم عليج على خير ان شاء الله

 

[Queenleo]

ووودي اذبحج
يااربي هذه احلا ايام العمر مضيعتهاااا بالمحتااه ووتفكير ماله معنى
وتدرين الشيطان يبي يلعب برااسج وويخرب عليج
وودام تقولينه مايقصر معاج بشيء وووين المشكله
ان شاء الله يكوون عنده خير ماله اول ولا تالي دام قاعد يصرف عليج وعالبيت وويشتري وويحط يزاه الله خير
في عندهم خير ووحريمهم يدرووون وومايعطوونهم فلس حمر
انتي وضعج وااايد احسن قوولي الحمدالله
ولاتذكرينه كل شوووي وتسالينه من وين
رررراح يمل وماايشتري ولا يحط شيء بالبيت
ووبتتندمين
بالعكس اول ماتشووفين فرحي واستانسي ووشكريه وقوليله كلام حلوو خليه يستانس واعليا يبي يفرحج
استانسي وووضحكي هذه ايام ماراح تتكرر لاتخربينها والله تتحسفين تالي

 

[over love]

الله يهديج بس على هالأفكار شكلج تحبين تنكدين على نفسج !!

تركي عنج الوسواس واستمتعي مع زوجج وحبيبج ولاتفكرين فى هالأمور

وبعدين أهو قالج مانى طالب من اهلي فلوس بس ماقالج اذا عطوني بردهم وماراح اخذهم !؟

أكيد أهله مساعدينه خصوصا ان راتبه قليل ومايكفي

ونصيحه لج لاتدخلين بهالأمور الدقيقه خليه رجال يدبر اموره بدون لاتدققين حيل

الى عليج ان يصرف عليج ويوفر لج متطلباتج الضروريه من اكل وشرب ولبس

وصدقيني السعاده مو بكثر الفلوس او بالعيشه المرفهه حيل

السعاده بالعشره الطيبه والتعامل الراقي والأحترام

 

[ميشو المالكي]

أحمدي ربك أنه طيب معاك ومهو مقصر في هالزمن عمله نادره أذا لقيتي واحد طيب وأذا على الفلوس الله الرازق ويمكن أنه ماخذ سلفه لا تدققين في أشياء يمكن أنه تخرب حياتك وأنا متزوجه واحد كان مديون في بدية حياتنا وكنا عايشين بس يوم زان راتبه تكبر علي وهو صحيح أنه من الأساس ماعنده أخلاق بس الله كريم

 

[..~Goolz]

يالللللللللللللللللله منج بتضيع حياتج من تفكيرج
يبا حمدي ربج رزقج بواحد مثله

وانتي لا تدققين من بدايتها جذي تفكيرج احسني النيه

ودااااااااااااااااااااااائما طنشي توافه الامور

واذا اخذ من اهله حرام يعني بعينج يبا اههو مفتشلن منج تبينه يقول اخذت من ابوي يستحي

اسعديه لانه يحااول يسعدج حتى بكلامه

ربي يفوقج حبيبتي ابدي اهتمي بنفسج وتركي عنج هالسوالف الي لا تودي ولا تجيب

ومبروك يا عرووووووووووووووووووووسه

 

[براونيز]

هونيها وتهون بكرى تكتمين على نفسه وبتعرفين كل صغيره وكيره
وانشالله تتعاونون مع بعض
بس سؤال الحين الملك ماأمر ان الحد الأدنى للاجور 3000 ؟
​

 

[عروسه النهر]

فديتكم طمنتوني وريحتوني حييييييييييييييل يجزاكم الجنه ومشكورين عالدعوات الحلوه وليكم بالمثل ان شالله
اعووووذ بالله من ابليس اعوذ بالله منه محد منكد عيشتي غيره هههههههه

براونيز
اي الملك الله يطول بعمره خلى الرواتب ماتقل عن 3000 ريال , وانا خطيبي راتبه الاساسي 3000 ريال بس 1000 منهم تروح للقرض يعني الراتب اللي معتمدين عليه الفين ريال بس مواكثر , وزين بعد هالشهر بيضعف الراتب مرتين لان خطيبي شركه وتدرين الخاص مايعطونهم زي الحكومه بس الحمدلله ربج كريم مع انه شهر بس فيه زياده بس احسن من ماكو وفوق هذا ماعندنا تأمين شفتي الحال مايسر
دعواتكم يصطلح حالنا ويلقاله وظيفه سنعه ويسخره لي ويبعد الشيطان عنا

 

[انا لحبيبي .]

ابعدي الافــكار السلبيه عن راسك احسنلك ، انتي متعبه نفسك بالتفكير وتفكيرك ما رح يقدم ولا رح يأخر شي​

بالعكس يمكن تفتحي ابواب على نفسك انتي بغنى عنها حبيبتي ، الحمدلله هو كويس معك وما بقصر معك ، بس زوجك شكلو​

حريص على الفلس للزمن ،، يعني ما بدو بيوم من الايام يطلب من حد وهالصفه بالعكس صفه كتير حلوه بالرجال​

في رجال بطلبو وبمدو ايديهم للعالم ـ، زوجك الحمدلله عزيز النفس لدرجه انه ما بدو يطلب فلوس من ابوه ، هاد الرجال اعتمدي ​

عليه بكل شي ، ورح تحسي حالك انك جد عايشه مع رجال ما عمرو رح يخليكي تحتاجي شي ، الله يحميلك ياه ، فكري بمستقبلك ​

وببيتك وكيف تتعاملي مع زوجك وكيف تعيشي عيشه هنيه ،، ابعدي تفكير الفلوس عنك لانه وجع راس ولا بقدر ولا بأخر​

المهم زوجك منيح معك وشاري رضاكي بكل شي والحمدلله ​

الله يتمملك على خير يارب​

 

[المديـ بنت ـنة]

ياحبيبتي

اول حاجه الفلووووووووووووووس ماهي كل شي ماهي اساس الحياة ..

صحيح المال والبنون زينة الحياة لكن .. ما اخليها تنكد علي .. انتي وش عليك منه من وين يجيب الفلوس ويأثث بيتكم

طبيعي اي واحد بيتزوج ابوه بيساعده .. انا اخوي ماتوصل 40 الف اللي دفعه في بيته والباقي الله يطول في عمره ابوي من الى قام في عرسه ..

يعني مستحيل ابوه بيتركه ولا يساعده مع انه مبسوط ع قولتك .. بس زوجك يمكن من النوع اللي مايحب يبين ان اهله يساعدونه حتى لو لك انتي ..

وطالما انه مو مقصر معاااك احمدي ربك عليه .. لو بكلمة تبين شي .. احسن من غيرك لا يسئل ولا يهتم ولا يجيب ولا يحط ..؟

وبعدين كثرة الاسئله الرجال مايحبها خليه براحته اما بتقعدين له ع اي شي انت ماعندك من وين جبت ترا تجرحه هالكلمه تحسسينه انه عاجز يكمل البيت ومافيه حيله يأثث زين .. بعدين ياقلبي مكيف بـ 1700 رخيييييييص

ع العموم لاتشغلين بالك وطالما انتي عارفه ظروف زوجك وماحيلته الا راتبه لاتقعدين له ع الحبه
بالعكس لاقال شريت هالشي قولي عساك ع القوه
الله يقويك ويعطيك العافيه ويرزقك وتجيب احسن

لكن انتبهي انك تحسسينه بقل راتبه .. وماعنده فلوس تقهر الرجال هالسوالف ..

الله يوفقكم ويسعدكم .. وخلي وصخ هالدنيا اخر همممممممممممك

وبعدين الله اللي يرزقك وماحد يموت الا لما ياخذ كل رزقه .

 

[نـعـومـه]

لادققين على امور عاديه

يمكن اهله يعطونه بس مايحب يقول ترا الريال يدبر فلوس الزواج بأكثر من طريقه

 

[زوجة عزيز]

حبيبتي ماله اي داعي لكل هالتفاكير تعوذي من ابليس واستانسي معا خطيبج والله يوفقج ان شاء الله الريال مبين عليه يحبج وشاريج وربي يخليه لج ويخليج له ويرزقج بالذريه الصالحه ان شاء الله

 

[" ام حمود "]

الله يوفقكم يارب
بس حبوبه قطعي شك ووسواس احسسن والله تعيشين حياتج مرتااحه
عسى ربي يوفقكم

 

[نفهمها صح]

لحظتي شي بكلامج
انه كل كلامج عن الفلوس
2_طيب تزهبيين دواء قبل الفلعه
لجوو عيالج يصير خيير
وبعديين انا ضد الشخص الي يعتمد علي اهله
وخليه هوو بكيفه اثث ولا لا
وبعديين لا تخليين حياتج كله من ويين
ياختي وحتي اذا ابوه عنده خيير
موو معناه بيعطيكم اياه تراها عيب الابوو تعب في حلاله مهوو جايبه من شارع وعنده اعيال 2 يعني يعطيكم ويخلي الباقي
الله يهديج وحتي لوو عنده تبيين بين يووم وليله تعرفيين الي عنده فيه حريم مزوجيين ميعرفوون رواتب ازواجهم
وهم عشره​