بنات عفيه اللى راحو دبى الصبح وردو بالليل بنفس اليوم يدخلون

[رمانه كويتيه]

هلا خواتى بروح باذن الله دبى بنفس اليوم يعنى اروح الصبح ورجع بالليل على اى طيران رحتو وبجم التذكره ووين رحتو ابى بالتفصيل الممل

 

[طب العرب]

للرفع

 

[الأميرة جوري]

اب ,,,,,,,,,,,,,,,,,

 

[الدلال]

فوق الـ6 مرات اروح الصبح وارجع بالليل

اذا بغيت اكسر الروتين ولا ابي اشتري شي معين ابيه من هناك ولا حتى اتمشى اروح مع ريلي بدون يهال لان ماينفع معاهم يتعبون

احجز على الجزيره وما اودي معاي جناط بس جنطه جر صغيره معاي بالطياره حق اذا شريت شي هناك

وانا ابلش من عقب مطار دبي ارووح دبي مول وبعدها الامارات مول واذا في وقت رحت سيتي سنتر لاني احب هالموول ولان يم المطار اطق فيه فره واطلع

وترى كل ما حجزتي مبجر التذكره تصير ارخص

دشي على سايتهم بالنت جيكيي(طيران الجزيره)

 

[bad0o0ra]

مثل ماقالت الاخت الي قبلي حجزي بالطيران الجزيره ارخص شي

 

[ذهب]

للرفع

 

[حلم الطفله]

يربي اختي حجزي على فلاي دبي

 

[always Buty]

رد : بنات عفيه اللى راحو دبى الصبح وردو بالليل بنفس اليوم يدخلون

مشالله انا توني حاجزة هالاسبوع حق هالويك اند انشالله :weight_lift: بروح الصبح و برد بليل الله يسهل علينا انشالله .. حجزت على الوطنية كانت شوي اغلى من الباجي :lkmnkl: بس انج تستغلين اليوم كله من الصبح الى اخر طيارة بليييل كانت احسن وقت بالنسبة لي ...كانت الجزيرة ارخص طيران " بس الي اعرفة انه الوطنية وايد احسن من الجزيرة " بس للامانه ماجربتها , بس ماجيكت على الخطوط الاماراتية بس جيكت على الطيران الكويتي + مثل ماقالت الدلال كل ما تحجيزين قلها بفترة كل ماتكون ارخص:balo: ​

 

[أم سيف وسلطان]

فكرة حلوة بس تعب

 

[زيـטּ عَبْس]

تعب تصير



ياليت تحطوون تجاربكم اكثرررررررررر

>>> انا كلش كلش 3 ايام

لكن يوم مستحيل

اتعب

 

[توكااا]

انزين كم ساعه في الجو

 

[دلع الكون]

من الكويت لي دبي ساعه وربع

 

[miss_british]

عادي سهالات انشالله بس بدون يهال احسن وعلي الجزيرة

 

[lolwah]

فلاي دبي ارخص بس مطارهم خااايس تيرمنال 2

 

[رمانه كويتيه]

رد : بنات عفيه اللى راحو دبى الصبح وردو بالليل بنفس اليوم يدخلون

بس بسال شنو المحلات الحلوه الي موجود بدبي موموجوده في الكويت وشنو الشي المميز اشتريه من هناك وسؤال ثاني وين الاقي محل حلويات البابا للبقلاوه في دبي

 

[milkey way]

رد : بنات عفيه اللى راحو دبى الصبح وردو بالليل بنفس اليوم يدخلون

بصراحه رحت اكثر من مره على الوطنية بس دايما احجز متأخر علشان جذي اخذها تقريبا 60 اهي تطير 7 من الكويت وتكونين واصله على التسع الا ربع .

ما اخذ معاي الا جنطتي بايدي وعلى ما اطلع من المطار اروح الى فندق العنوان وادخل وانتي بكرامه الحمام واضبط نفسي واحط ميك اب وعقب اروح اتريق بالمطعم اللي موجود بالفندق على ما يفتح دبي مول .:rerrerek:

على الساعه 10,30 اروح دبي مول واتسوق فيه اهو تقريبا ياخذ الوقت كله الزين فيه ان الحمامات نظيفه والمصلي نظيف اصلي وانسدح اشوي واتمدد وعقب اكمل مشوار التسوق .

اطلع من دبي مول كذا مره اروح الفستيفال او ستي سنتر واذا كان في وقت طويل رحت مول الامارات واتغدا واقعد بكافيه بعد والله الله يباركلج بالوقت .

على العشر اروح المطار واتسوق بالمطار بعد والرده على اخر طياره اللي توصل الكويت با12 وسلامتج .:q8:

كذا مره اشتري جنطه كبيره من المولات ونحط فيها كل اغراضنا ولا تستغربين انج ساحبة معاج جنطة سفر بالمولات والله جدا عادي .

 

[مناوى 99]

رد : بنات عفيه اللى راحو دبى الصبح وردو بالليل بنفس اليوم يدخلون

ماشاء الله عليج Milkey way
بس شلون يكفى الوقت حق دبى مول هذا بروحه يبيله يومين او 3 ايام يالله تخلصينه
مادرى احس دبى على الاقل يبيلها 3 ايام على اقل تقدير
يا ربى هالديره حلوة وبكل مكان تستانسين

 

[milkey way]

رد : بنات عفيه اللى راحو دبى الصبح وردو بالليل بنفس اليوم يدخلون

ماشاء الله عليج milkey way
بس شلون يكفى الوقت حق دبى مول هذا بروحه يبيله يومين او 3 ايام يالله تخلصينه
مادرى احس دبى على الاقل يبيلها 3 ايام على اقل تقدير
يا ربى هالديره حلوة وبكل مكان تستانسين

انا معاج ان دبي مو اقل من ويك اند يبيلها وماتشبعين منها ، ودبي مول اي اذا بتدخلين محل محل ماراح يكفيج يوم وانا عارفه ان في محلات لما الحين ما شفتها ولا وصلتلها .

بس والله تجربه حلوه وسريعه .​

 

[sweet lady]

بنت عم امي ماشالله عليهاااا اكثر من مرا تروووح الصبح وترجع بليل بس ترووووح تشتري عبي لافع وبخوووور لان عبي دبي غيييير وخامتهم احلى ولا وتيييب يضاعه بعد ماشالله عليييهااا

 

[Ameeraaaaaa]

حلووووة بس تصير متعبة وتحسين انج دايخه ومن كثر التعب تنامين بالطيارة وانتي راده
انا سويتها كم مرة لان يكون عندي شغل وما ابي انام هناك ,, اروح علي طيران الجزيرة ,, مواعيده مظبوطة وقليل ما تتاخر الطيارة .
وانا دايما اشوف اسعاره
الجزيرة وفلاي دبي اسعارهم حيل قريبة من بعض
الوطنية تقريبا اعلي شوية من سعر الجزيرة بس هم زينه
الكويتية زينه بس غاليه وعادي تتاخرين ربع ساعه بالاقلاع !! واكثر
ما جربت العربية وما جربت الاماراتية او الاتحاد .
وسلامتج وتعيشين
)
ورحلة موفقة