بنات عفيه طلبتكم ساعدوني بجد محتاجتلكم وانابغربه واستحي اسال احدبلييز

[CUTE__MAMY]

السلام عليكم بقولكم مشكلتي واتمني القال حل انا عمري ١٩ وصارلي سنه ونص


متزوجه بتقولون ليش صغيره انا انا حبيت ولد خالتي واهو يبي يعيش ويكمل

دراسته برا وقررت اتزوجه ونعيش هني وادرس معاه والحمد الله مرتاحه جدا

مشكلتي بددت لما ولدت بنتي قبل ٦ اشهر وامي لما اكلمها بالتلفون ماكانت

تقولي شسوي كنت ادش المنتدي واستفاد من البنات وانا من اشد متابعينكم

بالقسم المهم صار فيني هوا من تحت واصوات بس ريلي ماضايقه الموضوع

قالي هذي شغله موبيدج وانا ماتضايقني بس قريت بالنت انه من علامات

الخراب وهالسوالف الم الظهر وانا يابنات للحين احس كاني امس ولدت من اللم

الظهر مااقدر اشيل بنتي وبدا هالشي ياثر علي حياتنا الزوجيه والفراش قام

يقولي انت تغيرتي كل ماالعب معاج او اقولج سوي جذي تقول مااقدر ظهري انا

عبالي من ابره الظهر الله ياخذها اخذتها بحكم اني ولدت هني وكنت خايفه

وتعبتي اهو مايجرحني بالكلام ابد بس مره قالي عمرج ١٩ وحركتج ام ٤٠


صج انقهرت وتاسف لي فيابنات الي تعرف شي بخصوص الي قلته الله يوفقها

ويحفظها لبيتها من كل شر وبدعيلها فكرت اروح الكويت بس قبل لااولد كنت

هناك ومااقدر اروح هالسنه بحكم دراسه ريلي الله يخليكم ساعدوني بجد تعبت

:eh_s(11)::eh_s(11)::eh_s(11)::eh_s(11)::eh_s(11): وصج لمن كنت بالاربعين كنت بشقتي وتعبت كنت اشيل كرسي السياره وشغلات وايد ثقيله العيشه بره لازم تعتمدين علي نفسج واتعبت وايد بالاربعين فصج مااهتميت
​

 

[مناير ...!]

حبيبتي كسرتي خاطري
مبين ماارتحتي بااربعينج ولاكليتي الاكلات الي تشد عودج وتصكج
اكو مواضيع وايد هني وخلطات تقدرين اتسوينهم وقت الدوره
وتعدلج وعندج خلطه السبعه فناجيل دوريها بقوقل وانصحج تقرين موضوع ضحاوي الديره
فيه طريقه امها الله يحفظها لعلاجات الدوره
اب يفيدونج البنات

 

[خوخة سمسم]

الله يعينج ويسخرج لج اللي يساعدج اختي
والله لو اعرف ماقصرت

 

[اسطوووره]

حاولي تمارسين تمارين رياضيه عالخفيف لتقويه الظهر وخدي مكملات كالسيوم وانشالله بتظبط امورك موفقه حبيبتي

 

[مجنونة هع]

فديتج انتي ما تنفستي عدل مو زين تشلين شي ثقيل الحلبة الحسو القبوط حليب بالفلفل الابيض التبخر بالكبو او قشر الرمان هاي كله للنفاس

 

[^^المهره^^]

المشكله يعتمد على الديره الي انتي فيها ولا الشغلات الي تعدل الوحده وايد بس السؤال هل تلقينها عندج ولا لا
شوفي اله يسلمج بالنسبه للهوا لاااااااااازم اتبخرين
حطيلج شوية حنا مع كركم مع قشور بصل اهي الريحه لوعه بس ميخالف دشي الحمام وتبخري فيهم عدلللللللللل من تحت لازم تحسين ان الدخان قاعد يدش داخل سوي هالحركه مدة اسبوع ويفضل الاسبوع الي قبل الدوره وعقب ماتبخرين لبسي سروال طويل وتدفي
بعدين لا ياتج الدوره عليج بالرشاد هذا ينباع بالحواي مثل السمسم بس لونه اغمج عبطيلج كل اليوم الصبح 5 تمرات مع رشاد سويهم مثل الاخلاصه واكليهم على الريج و شربي معاهم حليبه دافيه حطي فيها قفشة حلبه و قفشة كركم وحليها بعسل عشان اتقبلين الطعم
بعدين فترة الدوره ابتعدي عن الغازات والحمضيات واللبن والروب والاشياء البارده
وعشان ظهرج وعظامج تشد سويلج على طول شوربة خضار مع دياي او لحم و ترسيها كركم وحاولي تخليهم الكركم شي اساسي في اكلج حتى لو تصبين لج بيضه حطي فيها كركم ترى الكركم مفعوله مفعول السحر حق العظام
وبنفس الوقت ينظف من تحت
اتمنى انج تسوين الي قلته كله و صدقيني لو تسوينه شهرين مع كل دوره والله بتدعين لي

وماتشوفين شر ان شالله

 

[^^المهره^^]

وديري بالج تسوين رياضه ولا تشيلين اشياء ثقيله لان مبين ان رحمج بعده رطب ونازل مو زين

 

[عجزت افهمهم]

اهتمي بدوورتج عدل ولاتسااهلين فيهااا
الم الظهر يعني هوواا داااش بجسمش احسن شي دام انتي برى تروحين لمعاهد صينية وخلي زوجج ويااش وسوي كاسات هواا واذااا جااتج الدوورة تدفي عدل علشان الهووى مايدش واكلي اشياا ء حارة والصووت الي يطلع يعني غاازات اسمحيلي اتكلم بس من شرب الغازات اثنااء الدوورة اكبر غلط اذا تبين تعدلين نفسج اهتمي بدوورتج عدل من ناحية البس والاكل واكلي اول الايام حليب بالحلبة اول 3 ايام انا اسويهاا والحمد الله كان في الام الظهر ومن بعد اهتمامي بدورتي تعدل وراح الالم
انا خلطتلي امي حلبة ورشاد وفلفل اسود وفلفل ابيض ومسمار اتوقع بس هذولا تخلطينهم وتلهمينهم اول 3ايام من الدورة واكلي التمر لانة مفيد اثناء الدورة وانتبهيمن الحوامض والاكلات اللزجة والمشروبات الغازية هذي ممنوعة وقت الدورة
انشاء الله تحصلين الادوية الي قلت اكليهم وربي يشاافيج انشااء الله ​

 

[no0o0o0r]

ان شا الله البنات يفيدونج

 

[شوق العجمان]

up up up

 

[دلوعة صلوح]

اب
اب
اب

 

[منووله مشعل]

ان شاء الله البنات يفيدونج​

 

[Angel_store]

اب اب اب

 

[CUTE__MAMY]

فديييتكم حبايبي علي النصايح والرفع الله يوفقكم اجمعين

 

[بـدويـة]

الله يعينج ويسخرج لج اللي يساعدج اختي

 

[غيمه ظميانه]

أخاف فيج قرحه لان اعراضها الم الظهر وافرازات وهوا
الله يشفيج أن شاء الله روحي عياده نسا وسوي فحص داخلي

 

[دلع العتبان]

عسى ربي يوفقج وييسر امورج اللهم امين ويشفيج حياتي ويحليج بعين ريلج اللهم امين

 

[مجنونه هواهـ]

الا يعينج لو كن تاعرف كان ما قصرت البنات ما قصروا بس بقولك قصت يارتي هي حلوه وااايد وجسمها حلو لاكن ماكو احد يقبلها او انها تتزوج ما يتم عرسها لان كانت عندها مشاكل برحم وخراب بالبويضات فكانت وايد تستحي لين بيمعه لنا وياها كانت في مره عيوز ويانا وقالت يا بنات جربوا قشر الرمان فصارت يارتي تقشر قشر الرمان وتجففه بشمس لمدى اسبوعين بعدين تتطحنه وتخزنه بعلب وكل يوم تشرب كوبين منه والحين تقولي كل شي تحسن وياي والاشياء الي كانت تتحتاج لقص وفتح للبويضات انتفتحت والحين مشالله دورتها منتظمه وعندا 4 اولاد هالسالفه لها 6 سنوات بس فعلا انا جربته قبل عرسي فعلا صارت تنزل السموم الي بدم بشكل كبير مع الدوره الشهريه وانتفاخ البطن راح والتقلصات وترى بنات في لضعه شوي بس طعم انا الحين حامل فسمعت يقولون انه يسبب تشوهات باول 7 شهور للنمو

 

[زهره الخليج]

ياقلبي كلمي امج لزم تتكلمين معاها واهي تنصحج..

وبالنسبه للخراااب ... انتبهي بدووره ولزم يكوون عندج اعشاب

ومااا تشغلين مكيف وتلبسين كله طووويل..


كانك في الاربعين ... شكلك مانتبهتي علي نفسك باالربعين..



وامج ماقالت لك عن حوسه لااربعين تجي بعد الاربعين ولزم تهتمين بنفسك

وقتهاا بس الحين فيكي خرابات ...حاولي تهتمين بعمرك في الدوووره



ياليت قدر افيدك بس يبي لك اعشاااب

 

[غرور الريم]

اب اب