بنات عفيه منو سوا عملية البالون

[رمانه كويتيه]

بنات قولولي منو سوا عملية البالون وعند منو احسن دكتور وبجم اتكلف العمليه عفيه علموني بسويها اذا الله اراد عقب رمضان

 

[modern]

للرفع

 

[sara sarang]

اب اب اب اب
انا ابي اعرف بعد

 

[Maryam]

فاشلة لا تسوينها

ثقل و لوعه و لازم معاها رجيم
التكميم افضل كثير

انا سويتها يمكن 2008 -2009 كلفتني 865
الحين سمعت ان سعرها 1600 تقريبا

 

[meshmeshaa]

انا كنت ادور معلومات عنها بالنت وسالت ولقيت انها فاشله
لو تسوين رجيم احسن منها

لقيت عيوبها
١- تطلع ريحه خايسه من الحلج
٢- تسمعين صوت تحرك البالون بالمعده
٣- ولما تشيلينه ترجعين تاكلين مثل قبل لان المعده ما صغرت نفس الحجم القديم
٤- تمشين علي رجيم وممنوع الكاكاو والحلو لانه من غير رجيم ما يفيد

هذا اللي لقيته وفهمته من تجارب اللي سووها

 

[om MaRyooM]

انا كنت حاطة موعد الاسبوع اللي طاف المفروظ دخول

وكنت خلااص مابذني ماي مقررة مع انها كل التجارب اللي قريتها فاااشله


بس دكتورين شرحولي ياها وقالولي مساوؤها وسبحان الله قبل يومين من دخولي كنسلتها خلااص

لأنها تطلع ريحة وااايد قوية بالحلج
وترجيع مستمر لمدة 3اشهر او حسب جسمج .. وكله لوعه وحارج والم فظيع بالمعده
ولما تشيلينها تاكلين اكثر لأن اهيا تتفخ المعده عشان تحسين بالشبع
وبالتالي وزنج بيرد دبلات


نصيحة اخت
شيليها من بالج
عنده حلين
يا اما رجيم
او تسوين الحلقة

 

[جروح ودموع]

كل شي له اثار جانبيه الحبوب وعمليات التكميم والمسار والبالون احسن حل نسكر الحلج ونسوي رياضه اهم شي الصحه والعافيه والله كريم

 

[CHANCE]

اصلا محد تم يسوي عمليه البالون قديمه ... حتي الدكاترة بروحهم يقولون هالحجي
والدكتور اللي سوا لي عملية الربط قالي ما انصحج ابد اتسوين عمليه بالون المعدة.. قديمه وسلباتها وايد
وحتي عملية الحلقة او اللي يسمونها الربط ما انصحج فيها انا سويتها ولاستفدت شي منها

 

[كويت الاناقه]

كل شي له اثار جانبيه الحبوب وعمليات التكميم والمسار والبالون احسن حل نسكر الحلج ونسوي رياضه اهم شي الصحه والعافيه والله كريم

اي والله صدقتي وهذا احسن حل

 

[اتعبهم عنادي]

أنا كنت ابي اسويها بس قريت عنها تدرين احتمال البالون ينفجر أنا يوم قريت جذي لا يبا خلني ادور غيرها ومثل ما قالوا البنات بتشيلينها بترجعين تمتنين سوي تكميم احسن حق اللي اوزانهم مب وايد