بنات عقدتي العيش ماااااضبطه :(

[*peace*]

السلام عليكم ورحمة الله وبركاته






بنات عقدني العيش موقادره اضبطه

دايما دايما المشخول يطلع مبلل او مفقص

صج صج متازمه

عفيه خبيرات العيوش وينكم علموني بليز :eh_s(4):

 

[غلاي 89]

ان شاء الله يفيدونج

 

[Miss Cherry]

شنو طريقتج وشنو العيش اللي تستخدمينه


لي رجعه ان شالله

 

[جارة القمر]

بس ممكن تقوليلي طريقتك بالعيش



تفضلي طلبك::

http://www.q8yat.com/t783400.html

http://www.q8yat.com/t534158.html

http://www.q8yat.com/t832379.html


http://www.q8yat.com/t732032.html


http://www.q8yat.com/t344600.html

 

[مجــرد انسـانه]

قلبي اهم شي بنظري انج تكونين مفوحه الماي ومنقعه عيشج من وقت احسسسن شي
انا كنت ماظبطه في بداياتي بس بعدين قمت افوح الماي والعيش انقعه اقل شي ساعه الا ربع وكان يضبط بسررررعه والله احلى عيش نثري انا اسويه من بين خواتي

ويعتمد على نوع العيش
اتمنى اكون افدتج ^_^

 

[لعبير]

لا تكثرين ماي العيش ياقلبي

 

[*peace*]

مشكورين بنات

طريقتي عاديه اغسله عدل مدل ومانقعه لان قالولي هالعيش مايتنقع وبس

عيشي جنه اسمه اكسترا اللي حبته طويله

 

[جارة القمر]

أنا افضل انقع العيش


ولا تكثرين ماي العيش

http://www.q8yat.com/t456259.html


http://www.q8yat.com/t704172.html

 

[شهر العسل]

شوفي يا عيوني انا كنت مثلج اسوي كل شي الا العيش كان فيليم رعب بالنسبة لي لما شوي شوي عرفتله
أول شي حبيبتي انا مقداري جيلة وحدة يعني تكفي نفرين او نفرين ونص
عيشي الوزان مزة اكس ال عجيب اغسله عدل عدل بماي بارد ديري بالج تغسلينه بماي حار وانقعه لمده بسيطة يعني بس علا ما يغلي ماي الفوح ومرات انقعه من قبل بوايد بس عادي انا ما تفرق معاي
لااااااااااااازم جدر الماي اللي بتفوحين فيه العيش يكون كبير حتى لو بتسوين شويه عيش
اذا صار الجدر صغير احس العيش ماياخذ راحته ويتلزق
حطي ملحج وخلي الماي يطبخ انا اقص ربع ليمونة اقطها بالجدر مال الماي ومرات اذا ابي العيش يصير اصفر احط فيه نتفة صبغة الزعفران واقط حبتين هيل وعود دارسين صغيييييييييير
لما يطبخ الماي تكبين العيش بعد ماتكونين قطيتي مايه اللي ناقعته فيه
وتتخلينه يطبخ لمدة 7 دقايق تقريبا وانتي جيسي الحبة لما تشوفينها تنفقص ما تنكسر تحسينها شوي يابسة من النص وطرية من الاطراف معناته ان استوت تشخلينه علا طول وتكونين حامسة بجدر ثاني بصل او اذا تبين حطي بطاط بقاعة الجدر لذيذ وكبي فوقة العيش وغطي الجدر بقصدير وسكري الغطي وخليه عالحديدة وعلا نار هااااااااااااااادية وبس اسهل منه ماكو بس يبيلج مرة مرتين وتضبطينه

 

[وحدة كويتية]

انا عندي نفس المشكله للأسف
انشاءالله يفيدونج البنات

 

[ام عبدالقادر]

سويه مشخول كثرى الماى حطى معاه شوى زبده اوزيت خليه يطبخ شوى نص استوا بعدين اشخليه وحطى بالجدر شوى زيت وخليه يتسكر

 

[kanoosha]

انا نفسج يطلع جنه مال الهنود لوول بس شسوي اسويه مرات يضبط ومرات لا انا يمكن ازيد الماي واخليه ووايد يفوح

 

[rafal]

بالنسبة للرز الأبيض ... في طريقتين

اول طريقة

مقدار الماي ضعف مقدار الرز يعني كاس الرز له كاستين ماي وزيت شوية او زبدة وملعقة ملح...

اول شي تنقعين الرز نص ساعة بماي
تصفينه وتضيفين عليه الماي المغلي وتتركينه لين يفور وتحطين الزبدة او الزيت وتهدين النار عليه وتغطينه اتركيه مثل ماتسوي الكبسة لحاله ينضج...

الطريقة الثانية ...

انك تنقعين الرز بعد نص ساعة تضيفين له ماي مغلي وملح هنا البنات يغلطون بالوقت... ارفعي كم حبة رز واكسريها بصبعك لو شفتي الحبة كلها شفافة هنا خلاص ارفعي وصفيه من الماي بعدها بالقدر مع زبدة او زيت وغطيه لين ينشف...
اذا داخل الحبة فيها لون ابيض هذا معناه الرز مااستوى....



ممكن تضيفي اي بهارات صحيحة وقت سلق الرز... وتضبغي الرز بزعفران وماي ورد ....
وبالعافية