بنات علم النفس وعلوم سياسيه شنوووو مستقبلكم >> فيدونا

[znzoon]

قوه بنات

حيا الله بنات الاجتماعيه

والله يا بنات انا محتاره بتخصصين

وكلهم احبهم ..

فـ عندي جم استفسار عنهم

ابي اعرف

اول شي عن الكليه عموما شلون نظامها؟؟

>> بما ان محاضرتي بمركز اللغات ولا عمري شفت هالكليه

وشلون دكاتره تخصص العلوم السياسيه ؟؟

وشلون المواد صعبه- سهله ؟؟

شنو مستقبل خريجه علوم سياسيه ؟؟ وين تشتغل ؟؟ والراتب ؟؟

ممكن اكمل بعده ماستر بالكويت ؟؟

هل يتفرع من هالتخصص فروع ؟؟

والحين

يا طالبات علم النفس ؟؟

شلون الدكاتره عسرين - طيبين ؟؟

والمواد صعبه - سهله ؟؟

هل ممكن اكمل بعده ماستر بالكويت ؟؟

هل يتفرع منه فروع >> مثل ما سمعت فيه خدمه اجتماعيه وغيره ... ؟؟
وين اشتغل شنو مستقبلي والوظيفه والراتب ؟؟ >> اهم شي البيزات :krkrkr:
صج تخصصكم في ثلاثه ميداني ؟؟:eh_s(2):

هل في احد منكم ندم على اي من هالتخصصين ؟؟

فديييييييييييييييتكم كلكم

عسى ربي يوفقكم

 

[znzoon]

شدعوه بنااااااااااات عالاقل رفعو الموضوع

 

[مزن الكويت]

اب
اب
موووفقه

 

[موني1]

ياهلا والله انا دار راسي من كثر الاسئله انشالله يفيدونج البنات
بس علوم سياسيه تخصص حيل حلوو بنت عمي كانت فيه ومستقبله حيل حلوو فا اتوقع تكونين بالسفاره بالكونا يعني مناصب حلوه اما علم النفس اخصائيه اجتماعيه وانشالله البنات مايقصرون معاج

 

[znzoon]

هههههههههههههههههههههه فديتج

وسلامت راسج ما قصرتي

 

[Angel_store]

اب اب اب

 

[FoFa stylish]

اب اب

 

[miss $_$ semsem]

انا هم مستجدة بس ماخذه مواد وناوية ان شاء الله علم نفس
العلوم السياسية حسب اللي اعرفه لازم واسطة بالوظايف يعني شوي لج عليه بس ان شاء الله البنات يفيدونج

 

[znzoon]

مشكووووورين بنات


شدعوووه وين باجي البنات

 

[figs*]

Uppppppppp

 

[اسيل الصمت]

موفقه حبيبتي
اب لعيوووووونج

 

[znzoon]

تسلموووون يا قلبي

اب


اب

 

[حنطاويه عسل]

علم نفس ماله مستقبل غير اخصائيه نفسيه ومعاشهم 640 معاش دبلوم !

حتى مايسير تسيرين مدرسه وعلوم سياسيه بالواسطه

 

[Ray.Bana =$]

علم نفس يصير اخصائيه / دكتورة نفسيه / ابلة علم نفس / ويصير تقدمين ع الاوقاف تصيرين موظفه عاديه بس تخصصج ماراح تستفيدين منه كلش بالشغل

علوم سياسيه انا بتخصصه انشالله ممكن تصيرين ابلة اجتماعيات أو تقدمين ع الداخليه او الديوان الاميري وفي اماكن وآيد حلوه وترا مو شششرط الوااسطه ! اهم شي نسبتج اذا عاليه كل مكااان يقبلونج لا يحوشج احباط من اللي يقولون لازم واسطات

واذا انتي اهم شي البيزات على قولتج لووووووووووول صيري ابلة لأن اعلى رآتب او شوفي التخصصات اللي فيهم كادر


وموفقه انشالله =$$

 

[znzoon]

فدييييييييييييتتكم

بس انا لو يذبحوني ما اصير مدرسه كراااااااااااااااااااااف صج

ومالي مقاقه عاليهالووو

بس المشكله كلكم مستجدين انا ابي الخبره ويييييينهم لووووووووووول

وين المتخصصين

شدعووووووه

ابي اعرف تفاصيل

 

[غلا الأيام]

معاج خريجة علم نفس سنة 2008 - 2009 وخريجة دفعه 2005

شقولج بالنسبة حق مخرجات الوظيفية عندج انا مثلا اشتغلت بالشوون شهر وانحشت واشتغلت بالتربية اخصائية نفسية

وبعد سنة انحشت وحاليا قاعدة في البيت

بالنسبة لكل خريج علم النفس راح يدش في متاهة الهموم الثلاثية اللي اهية الشؤوون والتربية والصحة وفقط لا غير

ومعاشي كان بالشؤؤون والتربية 630 معاش يفشل حسافه بعد هالتعب توهم زايدينهم وصار 730 ومازال المعاش يفشل بالنسبة حق جامعية وباالنسبة حق غلاء المعيشة

اما اذا عندج واسطة قوية تشتغلين في مكتب الانماء الاجتماعي ومعاشهم فوق 1200 للاسف رفيجتي تشتغل اهناك

ويوم طلبت منها تاخذ اوراقي معاها ومع واسطتها رفضت وباعتني وما عليه الدنيا دوارة

بالنسبة حق العلوم السياسية انا عندي مجالاتها نوعا ما اوسع وكل مكان تشتغلين وحدة من رفيجاتي تشتغل في النفط

والثانية المجلس الاعلى للتخطيط اللي غيروا مسماهم الحين والثانية مدرسة اجتماعيات بالتربية واللي بالشؤؤون في مجمع

وزارات واللي في بنك التجاري واللي بالاشغال بس يفرق بالمعاشات طبعاااا

واذا عندج واسطة قوية بالخارجية وعاد شوفي جم معاشج بيكون

بس بالنسبة حق اللي ما عنده واسطة وتخصصه علوم سياسية ترا معاشه هم 630

بالنسبة حق تخصص الجغرافيا ال gis خابين ابعمرهم وتخصصهم ناادر وشايفين

نفسهم على الفاضي ومستقبلهم الوظيفي اخس من كل التخصصات رفيجتي صار لها

فوق السنتين ناطرة الوظيفة وما طلع اسمها ولا مكان وباجي رفيجاتي بالغصب

يابوا واسطه قوية وبالغصب تحرك اسمهم وحدة منهم اشتغلت في البلدية والثانية

بالهيئة العامة للبيئة والثالثه بالاوقاف ومعاشها يفشل 630 رغم انها الاولى على دفعتها في التخصص

للأسف مخرجات خريجي الاجتماعية في المجال الوظيفي مو شي وحقنا مهضوم
من ناحية المعاشات والاماكن وكل شي

بصراحة لو رجع فيني الزمن اتخصص علوم سياسية وباجي التخصصات احط عليهم اكس ، او اقدم على العلوم الادارية

سوري حبطتج اشوي بس هذا الواقع

 

[znzoon]

زيييييييييييييييييييييييييييييين لقيت وحده متخصصه علم نفس

فدييييييييييييييييييييييييييتج يا غلا ما قصرتي والله يعينج

انا هم قلت ابي ادش علوم سياسيه عالاقل الخيارات متعدده فيه

حتى التربيه ممكن اشتغل عندهم >> مع اني اكره التدريس

 

[znzoon]

up




up

 

[رويال كلاس]

بنات تخصص الاجتماعية - علم نفس - ممكن تفتح مكتب استشارات اجتماعية وبعد يكون لها برامج بالتلفزيون نفس فوزية الدريع

المجال واسع وشغله كثير لا تحاتين

مووووفقة

رويال كلاس للبحوث والدراسات الطلابية والأكاديمية
​

 

[znzoon]

ما قصرتي يا قلبي