بنات عندي استفسار

[miss_lymoona]

بنات ابي اسأل عن التحليل الهرموني لان صارلي شهرين متزوجه وماحملت
سمعت ان لازم احلل وقت الدوره بس اي يوم لازم

اللي عندها فكره لاتبخل علينا

 

[Coffee-Girl]

حبيبتي توج ماصرلج الا شهرين اذا مستعجله على الاقل نطري الشهرين الياين وانشالله تحملين واذا ماحملتي روحي حق دكتوره سوي فحوصات واذا قالتلج زينه خلاص هذا شي طبيعي في بنات اتحمل من شهرها وفي بعد 3شهور وفي بعد 8 شهور انا بنت عمي احملت بعد سنه من زواجه اذا اطلعت اتحاليلج زينه وتبويضج زين خلا نطري فتره اذا ماحملتي خلي زوجج يحلل

وانشالله مافي الا الخير

 

[miss_lymoona]

لا انا مو مستعيله وايد بس اهلي وايد يحنون علي
الله كريم
شاكرتلج مرورج بس بعرف متى لازم احلل

 

[Amory]

الله يهداهم اهلج والله يضحكون بسم الله الرحمن الرحيم توج متزوجه عالاقل استانسي تهني ابزواجج ابهالفترة هاذي احلى فترة بالزواج

ولا تشغلين نفسج ابهالامور من الحين لاحقه انشاء الله بتحملين باذن الله

 

[كويتيه مذهله 87]

حبيبتي أذا دورتج منتظمه من تتأخر يوم سيدا حللي دم بس تحليل البول ما يبين إلا يومين أو 3 من تأخر الدوره
بس الدم تقدرين تحللين قبل موعدها بيوم أو يومين
شرط تكون دورتج منتظمه
وإن شالله تحملين يارب

 

[مبدعة]

شيلي فكرة الحمل من باااااااااالج كلش و ما عليج لا من اهلج و لا من اهله

انا قبل كانوا يقولون لي لا تفكرين ياثر على الحمل بس ما كنت مصدقة

و يوم ما توقعت الحمل و لا فكرت فيه حمل

تو الناس عليج يبي لج فترة على ما يتهيء جسمج و تتغير هرموناتج للحمل مو شرط كل وحده جسمها يستجيب بسرعه

 

[miss_lymoona]

اممممممممم مشكورين على ردودكم بس في وحده قالتلي احلل ثالث يوم الدوره صج

 

[نيلفار]

حبيبتي اول شي تحليل هرموني هذا يبينلج اذا انتي حامل او لء


وعلشان تعرفين لازم الدورة تتاخر عليج


يعني نطري ليما تتاخر عليج بالاول بعدين روحي حللي

والله يرزق الجميع

 

[bnt_kwt]

حبيبتي البنات كفو ووفوا وما قصروا بس
انتي تسئلين عن تحاليل الهرمونات مو الهرموني لانه الهرموني اهو تحليل حمل
اما تحليل الهرمونات في تحليل من ثاني يوم الدوره واليوم ال 21 من الدوره
وطبعا هالتحاليل ما تقدرين تسوينها الا اذا كنتي تراجعين عند دكتور امراض نسا اهو يطلب منج هالتحاليل

وحيييييييييل تو الناس عليج توج عروس تهني انتي وريلج ولاحقه ان شاء الله على الحمال وشيلي الوسواس عن بالج راح تحملين ان شاء الله

 

[الريشة]

التحليل اللي يسوونه أثناء الدورة هو: تحليل هرمون الحليب

و البنات وفوا