بنات عندي 10000 دينار

[@سنووايت@]

شلونكم بنات
بصراحه ودي اسوي مشروع سواء افتح محل بس مربح واللي عندي 10000 دينار وبصراحع ابي نصايحكم وخبرتكم معاي لانه زوجي محبطني يقولي من صجج تسوين مشروع ودي اثبتله نفسي ساعدوني

 

[أم سيف وسلطان]

لا تفتحين محل ولا شي عليج بالعقار

يمعي بعد 5 آلاف ودروي لج على عقار في أي مكان لانه العقار هو الماشي والمطلوب

حتى لو منطقة بعيده مع الايام تستوي مطلوبة وكل شي يباله صبر

 

[نور كوليكشن]

اشتري أرض بالخفجي
او بحفر الباطن
او روحي معرض العقار بأرض المعاض وشوفي العقارات
لأنهم بس اليوم وباجر موجودين
انا اقول احسن شي

 

[@سنووايت@]

مشكورين وايد والله لايحرمني من ردودكم
ام سيف وسلطان بس ما توقع في عقار ب15ا لف

 

[{ ليت ظني كآن صآيب }]

حطي نصهاا ديعه ونصهااا بطلي لج محل ... مصبغه او مطعم

والله يوفقج حبوبه

 

[Q8stylle]

تعالي حياج ياقلبي
http://www.q8yat.net/showthread.php?t=601321
99578895

 

[@سنووايت@]

يعطيكم العافيه
وناطره ارائكم بعد

 

[مريانا ام ماريا]

ليش ما تيبين بضاعه من الصين ماراح تكلفج الا 3 الاف دينار بالكثير وسهل طلبيها من النت بس طلبيها بالبي بال علشان لا يبوقونج
وعرضيهم بالمعارض

اويبي توزيعات للبيبيات والاعراس والقرقيعان يبيهم من امريكا رخاص ورتبيهم وبيعيهم

بس محل صعبه 10000 دينار اتوقع الحل اقل شي يبيله فوق 40000 خاصه اذا بمنطقه زينه
انت بلشي بالاشياء الصغيره وشوي شوي يكبر راس المال وتفتحيلج احسن محل

 

[Ms. luxury]

حبيبتي ديري بالج تحطين كل اللي عندج بعقار..
في مثل يقول لاتحط البيض بسلة واحدة<<<مادري صح أو أنا عفسته...
اخذي جزء سوي له محفظة <<<<سإلي عنها مادري اشلون بالضبط..
والجزء اللي يبقى ييبي فيه بضاعة وحطي ببالج ان تكون البضاعة شي استهلاكي :مثل(عطور..مكياج..نوع من أنواع الكلينكسات تنزلينه بالجمعيات ..توزيعات مواليد.. .نوع عصيرات أو شاي تنزلينه بالجمعية أو بالمعارض وتنشهرين فيه إلخ...)وخليج بالبداية تختارين أشياء أسعارها في متناول الجميع شوي شوي راح تنشهرين خصوصا إذا سويتي كروت وكل ماتبيعين حطي كرت بالجيس ..وتنعرفين ان أسعارج معقولة وراح يتصلون عليج الناس كل شوي يسألونج إذا عندج شي يديد
أما بالنسبة لفتح محل بالبداية أظن انها صعبة ..وتذكري ان طريق الالف ميل يبدا بخطوة...لكن إذا ودج تفتحين فتحي شي فيه أكل
(مقهى ..مطعم ..طاولة ذرة..طاولة أيس كريم ...طاولة ناتشوز ...محل معجنات...الخ)الأكل بإذن الله مافيه خسارة وانتي اختاري المكان الصح مثل ممرات الاسواق والجمعيات تروحين تكلمين ادارة السوق وتأجرين أرضية
بالنسبة للمقاهي فتحي بمكان عليه دوس وفيه ناس وايد بس تحرصين ان مايكون معاج مقهى ثاني ينافسج لين تتمكنين وتثبتين على ريلج وتنعرفين بين الناس وهالكلام طبعا بعدين ..بس نصيحة ابدي شوي شوي وعسى ربي يوفقج

 

[تـوشآ بـوشآ]

يقولونن مشروووع المصبغه دايماا ناااااااااااجح

وموووفقة

 

[مبرقعة coool]

احنا شعب استهلاكي بحت عليج باللبس والأكل:icon30:

***​

 

[miss_heathrow]

الله يوفقج

مع كلام الاخت اللي قالت ابدي شوي شوي لا تقطين فلوسج والفوايد اذا طلعتيهم ااببدي فيهم بمشروع كبير


انا اقول صالون ويكون مميز وبافكار يديده احسن شي بالنسبه لي انا عندي افكار للصالون مميزه حيييل وبخاطري اسوي بس ما عندي

وعندي مشاريع وااايد راسلني على الخاص اذا تبين تسمعينهم

بس حبيت اساعدج واخدمج

 

[الموهوبه]

السلام عليكم
انصحج بشقه ترخيص صالون او معهد وتخلينها فقط مساج طبي وهندي بالزيوت الايروفيدك ومساج بالحجر ومساج العسل وبديكير ومنيكير فقط
وممكن تظيفين تنظيف بشره

 

[@سنووايت@]

ليش ما تيبين بضاعه من الصين ماراح تكلفج الا 3 الاف دينار بالكثير وسهل طلبيها من النت بس طلبيها بالبي بال علشان لا يبوقونج
وعرضيهم بالمعارض

اويبي توزيعات للبيبيات والاعراس والقرقيعان يبيهم من امريكا رخاص ورتبيهم وبيعيهم

بس محل صعبه 10000 دينار اتوقع الحل اقل شي يبيله فوق 40000 خاصه اذا بمنطقه زينه
انت بلشي بالاشياء الصغيره وشوي شوي يكبر راس المال وتفتحيلج احسن محل

مشكوره حبوبه بس ما عندي فكره عن البي بال شنو يعني الموقع ولا عطيني فكره عنه الله يعافيج

 

[@سنووايت@]

مشكورين حياتي وما قصرتو

 

[بيت التوت]

سبحانك اللهم وبحمدك أشهد أن لااله الا أنت أستغفرك وأتوب اليك



بالنسبه حق البضاعه من الصين ديري بالج لاتطلبين منهم قشاشين احنا موقدهم

 

[ساره فهد]

شوفى العقارات بحفر الباطن والخفجى على 6 ألاف دينار

 

[المكسيكيه]

موفقه حبيبتي

 

[@سنووايت@]

تسلموووووووووووووووون
وفي انتظار افكاركم