بنات عندي 3 استفسارات(أبرة الحساسيه+عملية الخشم+عملية الفك)

[كناس]

انا رفيجتي كنت تعاني نفس مشكلت ولدج وقالو لها بس تكملين 13 نسويلج بعدين قالو بعد ال 18 ويوم كملت 18 قالو مايصير الفك اكتمل خلاص لازم نسويلج جراحه ولويه

هدتهم وراحت خاص قال لها الدكتور المفروض من وانتي صغيره عشان مايكبر الفك وهو بهالشكل يعني من وهي صغره لازم تركب تقويم يعني انتي ودي ولدج خاص احسن وخل يشوفه الدكتور ترى الحكومه مامنهم فايده كل شي عندهم بس تكبرون

ماتشوفون الاجانب اليهال من وهو بالروضه تقويم احنا بعد مايكبر ويقعد عاد فيه جم سنه

مادري هذا رايي وديه الحين ولاتنطرين عليه

على فكره هي عالجت بمستشفى مبارك التخصصي للاسنان

ومواعيدهم حلوه وبسرعه يخلصونج

ماشالله اليوم فحص وقياسات ثاني يوم ركبت التقويم مو عقب 6 شهوور

وبالتوفيق والله يطمنج على وليدج


++++++++

بغيت اسأل الابره حق حساسيه شنو بالضبط ؟؟


سوري طولت عليج

 

[سبائك]

كناس

انا هذا الي خايفه منه أني اتاخر والولد تزيد حالته

قالت لي الدكتوره ايوني شباب يبجون لانهم ما تلاحقو عمرهم ولما كبروا صاروا يحتاجون عمليه نسبة نجاحها مو 100% يعني احتمال تنجح واحتمال لأ وخطره حيل

أبرة الحساسيه أبرة كورتيزون تخفف اعراض الحساسيه ومفعولها يستمر مده طويله

 

[سبائك]

بسألج كناس وين هذا مستشفى مبارك التخصصي؟؟تقصدين مستشفى مبارك الحكومي؟؟

 

[^^ROSE^^]

انا بعد عندي مشكله بالفك بس انا فكي راجع ورى مو بارز جدام
وانصحج بالدكتور نائل الهزيم بالميدان بحولي
لما كان بالاميري كانوا الناس طق مطاقق عليه حق المواعيد
والحين راح الميدان وان شاء الله نهاية السنه بسوي عنده العملية
اذا ماخلصوا مستشفى الميدان بسويها بالشفا
مكانهم بمجمع بيروت جدام دار الشفا مري عليه وشوفي شيقول وهو سوالي اشعه وفحص فكي بايده وقال لازم عملية ولا تتأذين لما تكبرين
طبعا انا مو صغيرة بس قصده لما اكبر اصير بالاربعينات وجذي بتأذى وايد
وانا حاطة تقويم وبسوي العملية اثناء فترة التقويم لازم قبل لا اشيله
وان شاء الله خير

 

[* LOVE STORY *]

هلا سبائك
السؤال الأول ماعندي فكرة للأسف


والثاني اللي اعرفه انه العمليه بسيطه بنت خالي سوتها بالسلام


والثالث
بنت عمتي بنتها فيها بروز بالفك اللي فوق ودتها انترناشيونال كلينك اللي بالسالميه
وعطوها جهاز تركبه بالليل لي بغت تنام
والله فرق واايد عليها اشحلاتها صايرة
اذكر انها ودتها واهي صغيره مادري جم عمرها وعطوها عمر معين اذا اوصلت له البنت اتييبها لهم
اعتقد 12 سنه
هالمركز دكاترته عجيبين وشطار شاوري نفسج وتالي قرري وين تروحين

وماتشوفون شر ان شاءالله

 

[^kloOot^]

شوفي حبيبتى


مشكله ولدج نفس مشكلتى بالنسبة للفك

بس احب اقولج انا قبل فكي مااااااااااااااااااافي ولا شيء
وكنت بركب تقويم لانه عندي سن بارز بره
المهم رحت الاميري وركبولي تقويم وماشالله بفتره 6 شهور دش داخل واسنانى صارت سيده الحمدلله

المشكله مو اهنى المشكله انه بعد فتره قالي الدكتوره خلاص بشيله لج وقمت الاحظ الناس تسالنى تولي ليش اسنانج اللى تحت داشين داخل
انا اهنى شكيت وقمت اوسوس واطالع نفسي كل يوم لاحظت انى بس مجرد بصكر اسنانى مع بعض اللى فوق مايطااااااااااااااااااااااااابق مع اللى تحت(مصييييييييييييييبه) قمت ابجي وحالتى النفسيه تعبت
المهم كلمت دكتورى (اهو هندي) قالي بكل برود لا انتى من قبل جذي اسنانج قتله مستحيل طلع الاشعه اللى قبل مو راضي يغير لي الموضوع
قالى انا احولج على الجراحه وشوفي شنو يقولولج
المهم طنشته وقتله ابيك تشيل التقويم قالى لا اول روحي سوى زراعه
روحي ايران او بالخاص لانه بالاميري تنطرين مو اقل من 7 شهور
المهم رحت عياده الميدان وبالصدفه الدكتور اللى رحت عنده اهو كان بالاميري والحين اهو المدير بالفرع حولي الميدان(دكتور نائل الهزيم)جراحه وجه وفكين
وطبعا سألت واااااااااااااااااااايد ناس من بره ومن المنتدى قالولى هذا معروف وشاطر
وصج ماشالله سوالي الزاعه حق اسنانى بيوم واحد وايده خفيفه ماشالله صج روعه هالدكتور
وهم قالي انتى لازم عمليه انسويلج جراحه فك لانه التقويم ماراح يعدلج
التقويم يعدل الاسنان وماله شغل بالفك
طبعا سألته عن الفك قالى 1500دك
ورجعت حق دكتوري الهندي قالى بالاميري بعد سنتين او 3 موعد؟؟ شصاااااااااااااااااااير من صجهم هذولى

المهم فكرت انى ما اسويها لانه عمليه الفك وحتى دكتوري بالاميري قالي انه راح يغير من شكلج يعنى تصيرين (نيو لوك)
وبيت خالتى تحلف وحده معاها بدوام سوتها تقول تغيرت 80% تقول ماعرفناها
العين طلعت بره بارزه والخد جنه طاقينها ابر والخشم ارتفع ليه فوق تقول صارت حديث الدوام






قلت يا معود خل انحاااااااااااااشخخخخخخخخخخخ

سوري طولت عليج بس اذا تبين دكتور جراحه فك فانا ارشح دكتور نائل الهزيم روحي لو استشاره
الميدان مجمع بيروت اللى بحولي

وماتشوون شر

 

[سبائك]

مشكورييييييييييييييييين بنات ما قصرتوا

وديت ولدي حق دكتور عادل أشكناني وركب له مو تقويم شغله مثل الضروس التركيب جان شفتوهم يحطهم من داخل الفك العلوي على أساس يتسنع ان شاءالله ويتراكب مع الفك السفلي والله كريم

وحاطه ببالي بوديه بعد حق دكتور نائل الهزيم يشوفه ويعاين حالته أن شاءالله

 

[الشاعره@جفا الحب@]

اهلين سبائك .... اعتقد الحكومي صادقين بس معليش كم عمر ولدك..
اما الحساسيه فماله داعي الابر وخذي حبوب موسميه افضل باعتقادي لاني اعاني مثللك ...

 

[dantella]

حبيبتي انا مسويه عمليه بروز الفك السفلي وصارلي 6 شهور من سويتها اذا عندج اي استفسار راسليني عالخاص وانا بالخدمه

 

[سبائك]

جفا الحب الحبوب الحين استمريت عليهم صار لي شهر الحين ويوم هديتهم ردت الحساسيه من باجر
وأذوني الحبوب بالنوم بعد

دانتيلا لا ما يحتاج عمليه أن شاءالله الحين انا ركبت له مثل التقويم الداخلي علشان يتسنع الفك بأذن الله

 

[الشاعره@جفا الحب@]

ترى موكل دكتور حساسيه زين <<<<لي خبره مع دكاتره الحساسيه
المهم شكنت بقول ايه ولدك مايصلح يسوي العمليه قبل 18 سنه وهذا المعروف

 

[mezo casa]

حبيبتى انا اعانى من نفس مشكله ولدج بالضبط وانا الحين عمرى 27 ومركبه تقويم بولدج عنده فرصه يتجنب العمليه بتركيييييب شغله نسيت اسمها مثل التقويم ترد الفك قبل النمو والله يعز الحكومه روحى مستشفى مبارك عياده الاسنان اللى تبع الجامعه عند واحد ينقاله دزعلاء الموسوى والله حده يهبل ومايقصرون معاج

 

[kandora]

خالد الصبيح وبس

 

[ام بنتها]

السؤال الثالث انشالله اقدر افييدج
انا مسويه العمليه بالكويت حكومه سويتها لمن صار عمري 18 والتقويم من قبل طبعا حاطته والعمليه لازم لازم تنطرينه لين ال 18 عشان عظاامه تكتمل ما تقدرين تسوين عمليه و اهو بعده ينمو بيرد يكبر مرا ثانيه
نصييحه نطري لين يكمل 18 اما عن التقويم عادي حطيله
انا حطيت التقويم مرتين اول مره يمكن بال 13 لان اذكر كنت بالمتوسط كملت المده سنه و صاروا ظروسي تهبل و عقب بدوا يرجعون مرا ثانيه مو نفس اول بس رجعوا و ركبته مرا ثانيه بالثنويه يمن بمن صار عمري 16 ونص او 17 لاني بعد اقل من سنه اعتقد 10 شهور سويت العمليه و ضل التقويم مركب علي 3 شهور زياده عقب شلته مشالله وايد احسن بعد العمليه بس ماا تصحج بالكويت نهائياااااا خصوصا الحكومه الخاص ماادري عنا بس عندنا من اهلنا مسوينها برا الكويت امي قالتلي مسوينها بلبناان مشالله مشالله مشالله فرررررررق وايد
اذا تبين تفاصيل بالخاص مااقدر هني اقولج عني و عنهم والله يشافي ولدج انشالله و يخليه لج

 

[sHa6o0ra]

سبائك شصار على ابرة الحساسيه ؟؟ جربتيها ؟؟ ودي اجربها لاعت جبدي من الحساسيه

العمليه مالت الفك لاتحطين تقويم الحين ولا تسوينها الحين خليه لي 17 سنه لان الفك يكون ثبت مايتحرك بعد مره
وهذا كلام الدكاتره كلهم