بنات فزعتكم حفلة الملكة !!!

[ms sooola]

قووووة كويتيات ...
انا من فترة متابعه هالمنتدى الطيب واخيرا سجلت فيه ^ ^
المهم حبايبي الحمدلله انا مخطوبة وحفلة ملكتي بعد اسبوعين تقريبا ولا جهزت شي مااعرف شنو اسوي وشنو الترتيبات مرااا متوهقة ماعندي خوات اكبر مني والمشكلة ان الترتيبات راح تكون لعروستين انا واختي اللي اصغر مني راح نملك مع بعض بليزززز بنات ابي شي حلو وبسيط فشنو اسوي ! ادري قرقت واجد بس شسوي ابي فزعتكم والحفلة عائلية .... انطركم :yaaaaaarb:​

 

[الـــغـــلآ]

حفلة يعني بيجي المعرس و تقعدون مع بعض ؟؟

منو بيجي الحفله ؟؟

عشان افهمج و اعرف ارد عليج

 

[ms sooola]

الغلا حبيبتي منورة
ايه بيجي المعرس واهله يعني خواته وخلاته يعني عايلتهم وفيه شبكة ايه بقعد معه ^^

 

[الأميرة جوري]

الله يوفقكم

 

[ms sooola]

الامرة الجوري
فديتك حبيبتي ...اميين

 

[شربـــات لـــوز]

الله يوفقكم يااارب
ويسعدكم ويهنيكم

 

[noor salam]

بالنسبة للترتبات الي تخص العروس

* حجز صالون من الحين لاختيار التسريحة و الميكياج وعمل برنامج كامل للعروس
* شراء فستان الحفلة او تفصيل
* شراء مستلزمات الفستان ( حذاء - اكسسوار )
* شراء عطور خاصة للحفلة -للجسم

تجهيزات الحفلة
*سواء في البيت او في صالة اختيار الكوشة
* حجز بوفيه للمعزيم
* حجز كراسي للمعازيم
*تجهيز صينية الشبكة
* تجهيز صينية العصير للمعاريس
* حجز شاي وقهوة وحلو للمعازيم
*حجر الدي جي

هذا الي اعرفه والف مبرووووووك

 

[M!SS.LOBY]

موووفقة

ماقصرت العضوة (نور سالم)

 

[shams2008]

اتوقع الملجه مايبيلها دجي
لبسي بدله ناعمه وبسيطه زهبي شي لتقديم الدبل وزينيه بالورد الطبيعي
حجزي صالون للشعر والمكياج وافضل الشعر مفلول او نص تسريحه ﻻن بالعرس راح ترفعينة
لسي اكسسوار ناعم

 

[ms sooola]

فديتكم بنات ماتقصروون ....كل اللي ردوا ودعوا لي الله يسعد قلوبكم
ماودي اسوي دي جي بالملكة وهي اصلا عائلية ؟ والا شرايكم
بنات هي بالبيت الحفلة يعني ضروري اسوي زفة والا ماله داعي <<< بنات ماعندي خبرة بهالاشياء لاتضحكون علي ^^

 

[مذهلة2013]

اب اب


موفقين حبيبتي

 

[مذهلة2013]

حبيبتي حلاته اغاني ووناسه وعادي دشي على زفه انا اختي دشت على زفه والملجه اساسا بس القراب


ادعيلي حبيبتي الله يسر امري وامرج

 

[ms sooola]

مذهلة 2013 فديت قلبك حبيبتي
الله ييسر امورك ويفرج عليك ويفرح قلبك ^^ منورة بمروك

 

[قاهره عذالي]

لازم تدوروين ثوب سهره حلو لج ولاختج

وتسوين تسريحه ومكياج بصالون

لازم في كوشه ولازم في طاوله بالصاله تزينينها بحلويات استقبال وفطاير وجاي وقهوه

والافضل تكون بس القراب يعني خوات المعرس وامه وخواتج وامج وخالتج والقراب منج

يعني تكون حفله بسيطه

ولازم تحجزين مصوره تصورج انتي واختج وازواجكم والقراب منكم اللي حاضرين

وحطي دي في دي فيه سي دي فيه اغاني حقت اعراس وان دخل المعرس حطوا خواتج اغنية زفه او ان دخلتي الصاله اللي فيها اهل المعرس والمعرس

 

[yam_yam]

ماقصرت اختي نور سالم

 

[توتا5]

الله يوفقكم يااارب

 

[لمساتـي]

بالتوفيق

 

[أحمرجوري]

مبرووك والله يتمم عليج هذي افكاري وشغلي لاستقبالات الصغيرة تابعيني علي الانستقرام الصور اوضح

الحساب بتوقعي

​

 

[الـــغـــلآ]

ليش كوشه و دي جي !!

اهل المعرس راح يجون و يقعدون شوي و المعرس بيقعد معاها و يمشون


شوفي ي قلبي انا بنصحج و انتي كيفج

ماله داعي كوشه هذا مو عرس اصلا كلمة كوشه حيل كبيره شدعوه كل اللي اعرفهم و انا من ضمنهم ما جبنا كوشه و لآ دي جي بحفلة الملجه

خلي الحفله راقيه و حلوه و انتي البسي نفنوف ذرب و ناعم وبكيفج اذا تبين طويل او قصير و شعرج فليه او سوي تسريحه بسيييطه و مكياجج ناعم خليج نعومه و بنفس الوقت ابرزي نفسج

و التقديم من جاي و قهوه و عصاير و حلو و فطاير اتوقع تعرفين منين تجيبين ما اعتقد عندج مشكله بهالموضوع

و هو بيلبسج الشبكه وتقعدوون شوي مع بعض نصيحه لآ تجيبين كوشه و دي جي ترا كلش ماله داعي و انتي اكيد وراج عرس يعني مو تفس نظام البنات اللي يجيبون كوشه و دي جي لان مافي عرس عرفتي

موفقه و ان بغيتي تسالين انا حاضر

 

[ms sooola]

قاهرة عذالي & yam_yam& توتاه & لمساتي & احمر جوري

ياجعلكم للجنة قولوا امين فديتكم ماتقصرون ^^​