بنات فصيلة دمي ماتوافق دم زوجي والطفل يموت تكفون دشو

[حبيبي فهوودي]

السلام عليكم بناتتت


بنات اه يابي ودي احد يطمني

انا ادرس في الجامعه وعلى اختبارات وانا اذاكر طبعا انا تربيه خاصه للمعاقين

في بالبدايه ندرس عن الجنين والحمل وووو الخ

شفت معلومه انهبلت بمووت اذا صار دم الزوج موجب والزوجه سالب فا مايتوافقون واذا صار حمل الطفل يصير له مشاكل كثيرة ويمكن يموت وانا دمي بي سالب وزوجي او موجب

شسوي وبحثت في النت في مواقع طبيه والكلام صحيح


انا خاااايففه احنا حاليا نتعالج للحمال

بنات شسوي والله مخربطه حدي

 

[شقرا كويتيه]

مادري والله اسالي الدكتور اضمن وعسى الله يرزقكم

 

[*الهنوف*]

قدرت ربج فوق كل شي
توكلي علي الله وتزوجي وادعي ربج يرزقج بالذريه الصالحه المعافاه

 

[سوسو الأموره]

هلا حبيبتي لا ان شاءالله مايحصل اللي انتي خايفه من

انا وحده من رفايجي فصيلة دمها ab- يعني فصيلتها نادره وزوجها a+

والحمدلله عندهم عيال وباتم صحه وعافيه

واللي اعرفه منها انها تطق ابره عشان مايصير للجنين شي قبل الولاده وبس

والله يكتب لج الذريه الصالحه وباتم صحه وعافيه ان شاءالله

 

[فاقده حنان ابوه]

والله ماعندي فكره سالي طبيب

وانشالله ربي يرزقج باطفال سليمين معافين اللهم امين

 

[AL-DMERA]

انا فصيلة دمي o+ وزوجي b- ,,
والحمد الله عندي ولد بصحه وعافيه والثاني بالطريج اللهم لك الحمد ,,
واذكر الدكتور من جبت ولدي قالي فصيلتكم حيل متوافقه ,,
لاتخافين مافي الا العافيه ,,

 

[قمر كويتي]

لا تخافين كل شي بيده سبحانه ياما ناس فصايلهم متوافقه ولا حملوا وناس مايتوافقون بالفصايل وعندهم كوكش يهال الله يرزقج يارب ويرزقنا من فضله

 

[حبيبي فهوودي]

الدميرا اذا كان العكس اي يتوافق اذا نتي موجب وزوجج سالب بس اذا زيي عكس لا والله يسهل

 

[سوسو الأموره]

منو قالج حبيبتي اهي بس ابره تاخذينها عشان البيبي بس انا كاتبه لج في مشاركتي اللي فوق

 

[dimple]

انشالله ماكو الا العافية .. و الله يرزقج الذية الصالحة

 

[om.googi]

ماقدر اقولج ان مو صح ,, بس انا موجب وزوجي سالب وعندي ولد زي البم هههههه هذا ردي عاللي قريتيه ,,​

 

[Qatar girl]

انتي فاهمه المعلومة غلط

ارجعي اقري مرة ثانية وابحثي ولا تاخذين معلومات سطحية وتفهمينها بدون ماتستوعبين

ماله خص السالب والموجب

 

[AL-DMERA]

الدميرا اذا كان العكس اي يتوافق اذا نتي موجب وزوجج سالب بس اذا زيي عكس لا والله يسهل

حبيبتي صح كلامج توني بحثت عن الموضوع وعرفت إن اذا المرأه سلبيه والزوج موجب يكون ماكو توافق بس لاتحاتين وااجد نفسج بس تاخذين ابره بداية حملج ,, يعني لما تحملين ان شاء الله قولي للدكتوره تجيك على فصيلتكم واهي راح تسوي الباجي ,,
لاتحاتين كلش ,,

 

[كويتيه 2020]

حبيبتي لاتحاتين
الحمدالله الطب تطور
اللي اعرفه مثل ماقالت الاخت اهيه مجرد ابره تاخذينها

وكل شي بامر رب العالمين فتوكلي عليه سبحانه

 

[عادت ذكرياتي]

آنا سمعت عن الإبرة والله أعلم

راجعي دكتورة نسا وشوفي

 

[bambena]

لا عادي جدا يعطونج ابره بدون حتى لاتقولين يعرف الدكتور

انا جذي والحمدلله يعطونج ابره بوقت يحدده لج الدكتور

 

[G!RLooNa]

عادي يعطونج ابره و بس كان الله غفور رحيم

 

[noo7a]

شكو اسم الله عليكم
اهو اول مايصير حمل انشالله
تروحين تراجعين
و راح يعطونج ابره
و خلاص ماكو الا العافيه

 

[انا و بس]

حبيبتي انتي فاهمة المعلومة غلط القصد ان بوقت الولادة اذا كانت الام فصيلة دمها سالب والابو موجب فاحتمال كبير ان الطفل يحمل نفس فصيلة ابوه وهي موجب فعلشان جذي بوقت الولادة يمكن يتأثر الجنين فيعطونج ابرة ومايصير شي باذن الله وهذا كل شي

ترى هذا حسب معلوماتي مو اكيد :eh_s(10):

 

[بيتي بوب بس كويتيه]

حماتي سالب وزوجها موجب وعندها الحين طفلين بس أتذكر قالت لازم تأخذ ابره بعد الولادة
بس مادري اذا بدايه حملها اذا خذت ابر او شي
وروحي راجعي الطبيب واذا أنتو تعالجون قولو لدكتورج واهوا يطمنج