بنات فيدوني واللي يعافيكم

[ياسميين]

السلام عليكم
بنات انا عندي بنتي عمرها سنه وشهرين
عندها مشكله بعيونها ان الرموش التحتيه لاصقين بعينها من داخل
وهالشغله من أول ما انولدت
منو مرت عليها الحاله أو سامعه عنها تفيدني
لأن كل ما أروح موعدها يقولون صبري عليها بخصوص العمليه
لما تتأذى منها وتلتهب أو تنجرح القرنية
بنات قولوا لي شسوي يعني أنطر لما يطيح الفاس بالراس
يزاكم الله خير ردوا علي وايد أحاتيها​

 

[ياسميين]

​

 

[الغاليه نونو]

مومستوعبه الوضع اشلون يعني شعرها بعيونها؟ اول مره اسمع بهالحاله

ممكن توضحين اكثر ياقلبي؟؟؟

 

[ياسميين]

حبيبتي انت نونو صج انك غاليه انت الوحيده اللي عبرتيني
حبيبتي هالحاله نادره يكون الجفن اللي تحت مقلوب
وتكون الرموش داخل العين ( يعني لاصقه بالعين من داخل )
تسلمين نونو ​

 

[عالي مستواها]

بنت اختي جذي وبعمر بنتج بعد ...
كانت دايم عيونها تدمع ويوم فحصها الطبيب قال أنه رموشها بالجفن التحتي داخل العين صايرين بس سملله عليها ما قال أنه لازم يسوون عملية ...

عمومًا انا اسألج اختي ان شالله واشوف شنو عطاها الدكتور ...

وما تشوف شر ان شالله

 

[ياسميين]

بنت اختي جذي وبعمر بنتج بعد ...
كانت دايم عيونها تدمع ويوم فحصها الطبيب قال أنه رموشها بالجفن التحتي داخل العين صايرين بس سملله عليها ما قال أنه لازم يسوون عملية ...

عمومًا انا اسألج اختي ان شالله واشوف شنو عطاها الدكتور ...

وما تشوف شر ان شالله

تسلمين عالي مستواها على الرد
ما تشوف شر بنت أختك ويشافيهم يا رب
خلاص انا أنطر ردك حبيبتي​

 

[الغاليه نونو]

حاولي تسوين لها كمادات دافيه بالشاي وانشالله تصير زينه بس لاتسوين لها عمليه توها صغيره حرام يلعبون فيها الاطبا اذا قررتي تروحين حق اي طبيب خلي يشوفها دكتور تجميل وانشالله ماعليها الا العافيه يارب وماتشوفون شر اسمالله عليكم الرحمن الرحيم

 

[ياسميين]

حاولي تسوين لها كمادات دافيه بالشاي وانشالله تصير زينه بس لاتسوين لها عمليه توها صغيره حرام يلعبون فيها الاطبا اذا قررتي تروحين حق اي طبيب خلي يشوفها دكتور تجميل وانشالله ماعليها الا العافيه يارب وماتشوفون شر اسمالله عليكم الرحمن الرحيم

تسلمين يالغاليه
والله ما قصرتي​

 

[saro0ona]

ما تشوفون شر ان شاء الله ...
و ان شاء الله علاجها يكون بعيد عن العمليات ...

 

[ياسميين]

ما تشوفون شر ان شاء الله ...
و ان شاء الله علاجها يكون بعيد عن العمليات ...

حبيبتي سارونه
ألف شكر لك
امين الله يسمع منك​

 

[ياسميين]

:eh_s(8):​

 

[ياسميين]

:eh_s(17):​

 

[lady_flana]

قبل لا تسوين اي شي استشيري اكثر من طبيب احسن لج الله يعافيها انشاءااله

 

[lady_flana]

قبل لا تسوين اي شي استشيري اكثر من طبيب احسن لج الله يعافيها انشاءالله

 

[شهدQ]

انا سامعه وايد يهال بس لاتسأليني منو نسيت

بس هالشي مايخوف ياسمين

ومشاكل اليهال ماتخلص

طمنينا عليها

 

[hada]

روحي لدكتور عيون او استشاري احسن وشوفي شيقولج ترا دكاترة الحكومة خربوطيين ديري بالج واستشيري اكثر من دكتور
عندج دكتور محسن ابل متخصص بالعيون والاحسن منه الربيعه ممتاااااااااااز
وعسى الله يشافيها بدون عمليه ويطمن قلبج عليها يارب

 

[حبيبته آنا]

وديها حق الدكتور عبدالله المنصور

 

[ياسميين]

قبل لا تسوين اي شي استشيري اكثر من طبيب احسن لج الله يعافيها انشاءااله

تسلمين حبيبتي
شكلي بستشير عيادات خاصه​

 

[ياسميين]

انا سامعه وايد يهال بس لاتسأليني منو نسيت

بس هالشي مايخوف ياسمين

ومشاكل اليهال ماتخلص

طمنينا عليها

شهوده حلوه لا تسأليني وين ههههههه عندنا النسيان أزمه
انا اللي خايفه منه ان الدكتور يقول بأي وقت
ممكن تنجرح القرنيه
مشكوره شهد ​

 

[ياسميين]

روحي لدكتور عيون او استشاري احسن وشوفي شيقولج ترا دكاترة الحكومة خربوطيين ديري بالج واستشيري اكثر من دكتور
عندج دكتور محسن ابل متخصص بالعيون والاحسن منه الربيعه ممتاااااااااااز
وعسى الله يشافيها بدون عمليه ويطمن قلبج عليها يارب

تسلمين هايدي
بس اللي شافها رئيس مركز البحر دكتور عباس البغلي
وتبين الصراحه انا نادرا ما أروح مستشفيات الحكومه
بس قالوا لي ان الأجهزه اللي في البحر أحسن من اللي بالخاص
ومشكوره على الدعوه:eh_s(17): ​