بنات قاعده اتألم حيل حيل وماني قادره انام ساعدوني

[..meme..]

هاي

..


بنات

بليز ساعدوني

من امس مو نايمه من الآآلم

بنات اسناني آخر الاسنان جنه طلعتلي ضرس مادري جنه

المهم اللثه اللي تحته حيل حيل ملتهبه او وارمه والحين لما احط ايدي بخدودي اليسار في عرق

ويعور ,, بنات انا خايفه وقاعده اتألم حيل حيل حيل وربي

ساعدوني ما نمت عطوني شي يخفف الآلم عشان انام وارتاح .. وقولولي من شنو وشنو علاجه ,,

بنات اهم شي عطوني شي يخفف الآلم ووربي اذا خف الألم راح ادعي لهااا

 

[نور الضي]

السلام عليج
اكلي ادول انشاالله يريحج
ماتشوفين شر . روحي للطبيب الاسنان

 

[..meme..]

نور الضي تسلميين والشر ماييج شربت الادول ويااااااارب يخف

بس كلش ألا طبيب الاسنان اخاااف لايقولون نشلعهاا اهئئ وربي خاايفه تسلمين الله يوفقج بالدنيا والآخره


بنات بعد في شي يخففه وتهقون شفيني انا خايفه >> تراا اموت من شي اسمه طبيب الاسنان

 

[..meme..]

قاعده اتألم ابي اناااااااااام

 

[غيدآء]

مي مي الظاهر معاج التهاب بعصب اللثه....


المفروض تلاحقين على عمرج ...روحي للطبيب اكيد راح يسوون لج تنظيف وحشوو....


الحين اخذي لج قرنفل ( مسمار ) واطحنيه وحطيه صوب المكان الي يعورج والف لا باس عليج

 

[*المزاجيه*]

ماتشوفين شر !!

انتي مثلي حدي اخاف من دكتور الاسنان!

بس لازم تروحين لايكون التهاب لا سمح الله ترى مو زين اتخلينه جذي!!

واكلي بروفين !! او اشتري بنج بخاخ من الصيديليه

 

[عيون مها]

روحي طبيب اللحين وشوفي وش علته !!

 

[إماراتية ملقوفة]

.

.

لوول ليش تخافون من دكتور الاسنان

-> تخصصي طب اسنان =q

حبيبتي اذا ماتبين تسيرين خذيلج من الصيدلية حبوب بروفين

بيخف الالم ارتاحي وبعدين اذا حسيتي عمرج احسن سيريله !!

علشان ماتقعدين تعانين كل يوم فديتج

.

.

 

[أم حوور]

ما تشوفين شر





حطي قطعه مره مكان الألم وراح تحسين براحة




وعندج زيت المسمار " ينباع بالعطار" لتخفيف الام الاسنان




حبوب كات افلاااام مخفف للالام الاسنان




بالاول والاخير يستحسن مراجعة الطبيب حبوبة





تقبلي مروري

 

[شامبو]

ما في اكثر مني يخاف من طبيب الاسنااان اذا الطبيب يبي يقو=زني ابرة امسك ايده ههههههه


و ما اخليه يقزني الااذا حسيته بس خلا ص عصب مني خخخخخخ

و مع هذا اروح لازم مجبووورة

 

[رقي]

عاد عوار الضرس
الله يعينج

 

[..meme..]

مشكووريين بنااات كلكم وماقصرتو فدييتكم

الحيين خدي اليسار متفوووخ ومن دااخل يعورني حيل حيل حيل بنااااااات خاايفه

ان شاءلله بروح الطبيب بشوف شعلته بس خاايفه لايقولون عصب او شي يخرع انا مابي ابي بس يعطوني دواا اهئئئئئئئئئئئئ

 

[..meme..]

شامبو لوووووووووووووول والله نفسي ههههه آآآآآآآآآي اسناااااااااني

 

[miss_math]

ما تشوفين شر رحي للطبيب احسن

تتألمين ساعه عند الطبيب احسن من ما تتألمين طول الوقت

وترى كثرة المسكنات علاوة انها مو زينة

تخليج تتعودين عليها و ما تسكن الالم

 

[..meme..]

مشكوره حبيبتي بأذن الله بروح بعد اشوي

بس تهقوون شفيني انا خااااااااااااااااايفه

 

[إماراتية ملقوفة]

.

.

خدج انتفخ ؟!

حبيبتي ليش تعاقبين نفسج @@

روحي للدكتور ، ترى هذا من الالم

لاتخلين التفخة تكبر يعدين بيضطرون يدقونج ابرة من داخل حلجج عسب تفش

وبعضهم يشقون الحلج من داخل عسب يظهرون المد

<~ تخوفج خخخ

لا صج روحي للدكتورباسرع وقت شو تترييين !!!

"تخاف عليج"

ترى للحينه مافيج شي واذا قعدتي جذي بيستوي فيج شي :dddds:

بسم الله عليج ، روحي له وفكي عمرج تراه بينقذج الا مال خمس دقايق :eh_s(1):

 

[..meme..]

.

.

خدج انتفخ ؟!

حبيبتي ليش تعاقبين نفسج @@

روحي للدكتور ، ترى هذا من الالم

لاتخلين التفخة تكبر يعدين بيضطرون يدقونج ابرة من داخل حلجج عسب تفش

وبعضهم يشقون الحلج من داخل عسب يظهرون المد

<~ تخوفج خخخ

لا صج روحي للدكتورباسرع وقت شو تترييين !!!

"تخاف عليج"

ترى للحينه مافيج شي واذا قعدتي جذي بيستوي فيج شي :dddds:

بسم الله عليج ، روحي له وفكي عمرج تراه بينقذج الا مال خمس دقايق :eh_s(1):

تخرعييني هااا _03BA:

هههههه بسم الله علي

الحمدلله رحت قالوو فيني ضرس العقل حرررررررره ييعني فيني عقل احسن منج لوووووووووووول:dddds:

هههههه صج صج رحت وقالو فيج ضرس العقل وعطوني ادويه .. مسكن الآلام ومضااد

مشكوورهـ حبيبتي وعلى كل اللي ردوو ثـآآآنكس

 

[AnFaL~!i]

مبرووووك ... انا للحين ماعقلت لووول و الحمدلله على سلامت ضرسج ;p

 

[..meme..]

الله يبآآرك فيج لوووووووووووووووول الله يسلمج

 

[pure feminine]

انا نفسج صارلي اكثر من اسبووع ألم موطبيعي وصداع بيذبحني
وكل شوي ما خذتلي حبة بندول

عاد توني رحت للطبيب قالي اسنانج ما فيهم شي سوي اشعه يمكن ضروس العقل لانهم اهم الي يعورون بالرااس

وماعطاني لا مسكن ولا شي

وحدي صااكه فيني الدنيا