بنات كلية التربية الاساسية ......حياكم جميعا

[أمووونه]

من شاف شكله حسن عبدالرحيم هههههههههههه
أبييييه عالي مستواها صج بسحب من الرجيب انشالله بالسحب والاضافه والله كريم

 

[روج كرزي]

عالي مستواها:: يسلموووووووو ياقلبو ا انا متردده عربي او انجلش يعني اعربي سهل تنصحيني فيه؟؟؟ طيب العربي اقدر اتفوق فيه يعني؟ سهل او صعب؟؟
__________________________________________________________________________
الثنائي المرح مشكوره واجد وايد اذا انجلش سهل اتخصص فيه. بس خايفه انه يكون صعب؟؟ وشنو المواد اللي خذيتيها؟ ومستواج ماشي فيها؟ لاني كنت بالجامعة العربية المفتوحةتخصص انجلش واخذت مادة تخصص حيييل صعبة تتكلم عن ماضي وحاضر ومستقبل الاجلش وعن تعلم الطفل وتاريخ اللغة. والدكتورة هندية وماتفهم كلش. وخايفة تكرر الغلطة يعني يبيلهم وحدة متخرجة من الامريكية او البريطانية.. مع اني كنت ماخذه بالثانوية العامة بالانجلش 51 من 60 يعني مستواي زين .. وشلون الدكاترة زينين بالأمانة اتخصص انجلش؟؟ وشنو المواد اللي عندكم تتكلم عن شنو بالظبط؟؟
__________________________________________________________________________
بنات تكفوووون شنو تنصحوني عربي او انجلش او علوم اسرة او رياض اطفال وفي اجتماعيات؟؟

 

[3w!Shni]

روج كرزي


شوفي مواد الانجليزي روعه بمعنى الكلمة و انا دايما اقول ياليت موادنا بالكلية كلها انجليزي ... وبمستوى الانجليزي

الدكاترة روعه عندج

خالد شقير و احمد ساهر وبدرية احمد و الهام السليفي و ووو في دكاترة يدد مادري عنهم صراحه

عموما المستوى زين و حلو و يستحق

انا تقاديري بالتخصص احسن من المواد العامه ..

يعني مواد التخصص تبرد القلب بالدرجات ..

أ و ب .. و لم ما درست و خبصت يبت سي بلس ..

الدكاترة متفهمين و قمة

يعطونا مواد لغوية و ادبية و علم نفس ..

المواد الادبية .. 3 مواد ووحده اختيارية

ودكتورهم رائع بمعنى الكلمة ..الي اهو خالد شقير..

لو شنو اصف لج انسان راقي ماتخلصين

مقدمة ادب

ادب طفل و ادب حديث

والاختيارية تكون من بين ثلاث مواد تختارين وحده ..

قراءات في الشعر او النثر او المسرح

وانا خلصت الشعر و الماده روعه بمعنى الكلمة .. تغير نظرتج للشعر الانجليزي

والمقدمة خذيت فيها أ .. و الطفل بي ..

والحديث لي الحين ان شاء الله الكورس الياي

اللغويات ..

تاخذين مقدمة لغويات .. طلعت فيها سي بلس .. يوم الفاينل كنت مريضة انفلونزا بعيد عنج .. و ماقدرت ادرس ..

حتى رفيجتي تقولي شفيج شوي و تموتين وانتي تحلين لووول عادي

وبعدين تاخذين

نحو وصرف مع بعض .. روعه هالماده

علم صوتيات و اصوات .. الكورس الي اخذها .. ان شاء الله

علم المعاني .. روعه روعه روعه .. طلعت فيها بي

وترجمة ماده وحده بس ماخذتها هالكورس رووووووووووووعه عند الدكتور خالد شقير الله يوفقه دنيا واخرة

وعندج مادتين علم نفس واجتماع ..

ماخذيت ولا وحده ..

وتاخذين ماده محادثه ..طلعت فيها

ومادتين كتابه و ماده قراءة ..

هالاربع مواد اول ماتدخلين تاخذينهم ..

وفي مواد لغويات مثل

لغويات تطبيقيه .. و اللغه الانجليزي كلغه ثانية .. و ماده الاختبارات

وووووو ماده مناهج الانجليزي و طرق تدريس الانجليزي .. هذول بالانجليزي و دكتورهم تحفه يهبل

عمر الصانع ..

ووووووووو هذا الي اذكره

اي سؤال دونت هزيتيت

التخصص بمعنى الكلمة روعه

واذا انتي شاطرة وتمام دشي و صلي استخاره قبلها ..

 

[جوجو.]

الانجلش سهل اذا اتحبينه بس العربي موووو هين وايد صعب لاتنسين انج بتأسسين ابتدائي وعربي اهم ماده بالمدرسه لذلك العربي عندنا صعب واعرف بنات يحبون العربي حولو من كثر ماهو قثيث والدكاتره طبعا موو خووووش كلش
على فكره العربي الوحيد مسانده اجتماعيات رياض اطفال حلو واقتصاد سهل وحلو والدين بعد حلو لولا المساند العربي اللوعه وبس طال عمرج اسفه عالازعاج

 

[روج كرزي]

الثنائي المرح فديت قلبج وطيبته ^^ بصراحه شجعتيني كثير وبستخير انشاءالله . وبسألج بس جني مصختها ههههه الانجلش تخصص نادر او لا؟؟ وهل يعطونكم واجبات؟؟ وهل هي صعبة الواجبات؟ تحلينها بروحج ؟والا بعض البنات يعطونهم مدرسين خصوصيين؟ من صعوبتهم؟ ويسلمووووووو.
تسلمين الجوري الوردي وانشاءالله بستخير نصيحتج بسمعها انشاءالله مع اجمل تحياتي..

 

[عالي مستواها]

نصيحة لوجه الله لا تدخلين رياض أطفال

بتستاانسين بالدراسة كله مواد علم نفس وتربية بس لما تنزلين بالميداان بيحوشج إكتئاب حااااد وإحبااااط

عن تجربة والله اتكلم ومو بس أنا كل البنات اللي أعرفهم تخرجوا وتوظفوا مروا بنفس الإحساس

أنتي صلي إستخارة وشوفي شنو اللي ترتاحين له

 

[جوجو.]

حياج الله حبيبتي روج
وماحب رياض الاطفال احس بايخ

 

[3w!Shni]

كرووووووووزة

بعد عمري عادي سئلي الي تبين

الواجبات خفيييييييييييييييييييييييييييييييييفه

وفي دكاترة يحبون يكدونج و يطلعونج مستفيده

يعني ماتطلعين خالية عرفتي

خاصه دكتورة بدرية احمد الحجي


صجججججججججججج تكددددددش لـــــــــــــــكن تستفيدين بشكل مو طبيعي خاصه ماده الكتابه و المحادثه

الكتابه اول وحده يبت سي بلس

والكتابة الثانية يبت أ ..

خلتني اشد حيلي و ضغطت علي نفسيا لكن الحمدلله .. انا مستانسه اني طلعت بهالنتيجه

والمحادثه تخليييييييييييج ما تخافييييييييييييييييييييين لم تعطين برزنتيشن

ومو تخصص نادر ..

وماتوصل لي مدرسين خصوصيين شدعوة ؟؟؟؟؟؟


والله يوفقج و صلي استخاره اهم شي

ولا تخافين لانج كنتي في الجامعه المفتوحة ..

لان هالجامعه فاشله

 

[faro7a66]

السلام عليكم انا خريجة كورس اول جم معدلى لازم يصير او شنو النسبة للقبول؟

 

[أمووونه]

خرعتيني عالي مستواها عاد ميته انا على الشغل برياض الاطفال احس حلو عموما انا احب الشغل والله يستر

 

[روح آلمشآعر]

بنات تخيلوا اول ما دخلت الموقع لقيت فاتح لي مواد
و يوم ضغطت عليهم و الا المجموعه مغلقه :|
انقهرت وربي
اخر شي سجلت تطور فكر عند لطيفه الكندري
بس وحدتين :>

 

[روج كرزي]

الثنائي المرح ثانكيو كتيرررررر ياقلبي صج شجعتيني وشورتج وهداية الله..
عالي مستواها & الجوري الوردي مع خاص تحياتي وشكري العميق الكن نحشه مافي رياض اطفال يعني..
جزاكم الله خير بنات وانشاءالله انضم لكم الكورس الياي... تمنياتي بالتوفيق للجميع.

 

[عالي مستواها]

شنو قررتي تتخصصين روووج ؟

كل البناااات منخدعيين بالريااض ما يدرون عن الكررف اللي تكرفه مدرسة الروضة

إذا تبين تشوفين أخليج تحضرين معااي بالروضة هاليومين عشااان تشوفين بعينج

بس المشكلة الأطفال بيغيبون من الأسبوع الجاي وانا هالأسبوعين آخر شي للميداااني وأفتك أعييييد

 

[جوجو.]

اتصدقون رديت من الكليه كنت بقولكم شي مهم بس نسيته المهم شاخباركم كلكم فدييييتكم
بنات متى اخر يوم تحويييل؟؟؟

 

[3w!Shni]

لااااااااااااااااااااااااااااااااااااااااااااااا

لطيفة الكننننننننننندري لاااااااااااااااااااااااااااااااااااااااااااااااااااا

" ويه عيونه مغورقة من الدموع "

نهييييييييييييييييي نهيييييييييييييييي هي ربااااااااااااااااه

 

[روح آلمشآعر]

الجوري اخر يوم 17/12

/


الثنائي المرح

ليييش شفيها ؟؟

 

[عالي مستواها]

حرام عليييج لطيفة تهبل

<<<< تحبها

والله دكتورة أخلاااااق وتستفيدين منها بحياتج العامة نصوحه ومثقفة ودرجاتها زينه

أذكر والله العظيم بامتحان الفاينل شافت بنت قدامي معاها براشيم وعادي طوفت لها لا تقولون تعرفها البنت أعرفها ما تعرف الدكتورة ولا لها علاقات بس الدكتورة كانت متساهله مع الكل

ملاحظة : لا تتوقعون إني أنا اللي مبرشمه خخخخخخخخخخخخخخخ والله ولا عمري برشمت أو غشيييت نو وي أسويها أسقط أجيب F ولا أغش لأني أدري مو مال غش أنفضح

 

[روح آلمشآعر]

حرام عليييج لطيفة تهبل

<<<< تحبها

والله دكتورة أخلاااااق وتستفيدين منها بحياتج العامة نصوحه ومثقفة ودرجاتها زينه

أذكر والله العظيم بامتحان الفاينل شافت بنت قدامي معاها براشيم وعادي طوفت لها لا تقولون تعرفها البنت أعرفها ما تعرف الدكتورة ولا لها علاقات بس الدكتورة كانت متساهله مع الكل

ملاحظة : لا تتوقعون إني أنا اللي مبرشمه خخخخخخخخخخخخخخخ والله ولا عمري برشمت أو غشيييت نو وي أسويها أسقط أجيب F ولا أغش لأني أدري مو مال غش أنفضح

انتي ثالث وحده تمدحينها لي و ان شاء الله تكون زينه

 

[خفايا الروح]

ريااااااااض اطفااال نصيحه انحاشوااااا شر نحشه

كرااااااااااااااااااااااااااااااااااااااااااف من قلب

يا زين الاسلامية زينااااااااااااااااااااه

 

[Winter Q8]

جوري متى ميـدتيرمكم لـ مناهج بحث عند سوسن التركيت ؟

ميدتيرمنا يوم 17/12 و عندي ميدتيرم جبر و كويت و تنمية ,, ما يصير 3 ميدتيرمات بيوم وايد و المشكلة ما بينهم فراغات ,, راح أموت = (