بنات كلية التربية الاساسية ......حياكم جميعا

[!+! تــوتــه !+!]

روووج كريزي

انا سبق وتكلمت عن تحصص الاسره والمستهلك

وهذا اقتباس لردي

ان شاء الله يفيدج

هلا فيج ستايل

خليني احطج بالصوره دام انج بتحولين

والبنات اللي ناوين يغيرون تخصصهم لللاسره والمستهلك

لان موظفات الكليه والله ماراح يفيدونج ومايعطونج تفاصيل قطييييييعه

اول شي مثل ماقالوا البنات فعلا ماكو مجرشيت

لو تشوفينه تموتين عليه ضحك .. فيه 5 مواد بس اللي اهما

ثقافه اسلاميه / لغه عربيه ( دامجين تدريبات واساليب مع بعض . يعني مقرر واحد ) / علم نفس تربوي / علم نفس اسري / مقدمه تكنولوجيا / اصول تربيه

بسسس هذيلا اهما

مواد التخصص لحد الحين ما نزلت بس ان شاء الله بتنزل ع الكورس الجاي غصبن عنهم

لان احنا المستمرات اللي قدمنا عليه تضررنا وتوهقنا واشتكينا واذا ما نزل شي الكورس الجاي راح تكبر المشكله اكبر وراح يتضررون معانا المستجدات

يعني انشاء الله راح تنزل لنا مواد تخصص .. وتنحل مشكلتنا

عاد الحين نتكلم عن شنو التخصص

انا لمه رحت اسال د هيفا العنجري عن التخصص قالتلي شغلات استانست عليها

مثل عندج السياحه والضيافه راح يعلمونا فيه اشلون انجهز حفلاتنا وديكوراتها بانفسنا

وتصميم الازياء بهالوقت حلو الوحده تعرف شنو اللي يناسبها من لبس وتتعلم اشلون تبدع وراح تستفيد من افكار البنات وتفيدين اكيد

والتصميم الداخلي اللي اهو ديكوووور

ورابع شي الغذاء والتغذيه بس موووو طبخ لا معلومات تفيدنا يعني من ناحية الاكل الصحي وهيك

يعني شي راقي مو طبخ ونفخ

وصج نسيت اقول ان التخصص ماله تخصص مساند

اما عاد احلى شي بالتخصص ان كل مواده بدون استثناء على 3 وحدات

يعني يمدي الطالبه تتخرج بسرعه من غير ما تضغط روحها ب10 مواد بالكورس الواحد

وبما ان العبئ الدراسي 20 وحده بالكورس

فـ 18 وحده راح تكون 6 مواد بس

ويمكن يستثنون احنا تخصص الاسره ويسمحون لنا بـ 21

اي مايعادل 7 مواد

طبعا غيرنا من التخصصات مايقدرون يوصلون لـ 20 وحده بست او سبع مواد

راح تكون المواد فوق 8 وممكن توصل للـ 10

يعني طالبة تخصص اسره ومستهلك تاخذ بالكورس 7 مواد كأقصى حد وطالبة تخصص ثاني تاخذ 10 مواد وبالنهايه يكونون متساوين بعدد الوحدات اللي اجتازوها بنفس الكورس

حلو مو ؟؟

طبعا التخصص حق المستجدات عااااااااااااال العااااال ماشاء الله .. وما راح تصادفهم مشاكل

احنا يالمستمرات اللي غيرنا تخصصنا الى علوم اسره ومستهلك طحنا بمشاكل مو هينه

عندج انا مثال .. اجتزت 30 وحده وكلهم راحوا علي .. مع انهم كلهم عامه

طلعت بمادتين بس .. عادلوها لي من بين هالثلاثين وحده .. تخيلي ..!!!

اللي اهي الثقافه الاسلاميه واللغه العربيه

يعني ضاعت علي سنه كامله درستها .. تصوري ..!!! شي يبط الجبد صح ؟

ام المصيبه الكبيره والموووهينه ابدا

انهم خلوني اعيد مقرر تكنولوجيا التعلم وعذرهم ان هالماده تعادل 3 وحدات بتخصص الاسره والمستهلك

وبالتخصصات الباجيه تعادل 2

يعني لج تتخيلين الكرف بهالماده لمه تطلع روحج وانا طلعت منها بـ +b واخرتها يقولون لي تعالي عيديها

قهر صح ؟؟

يعني اللي بتغير تخصصها بتضيع عليها اشكثر وحدات

ومثل ما شفتوا مجرشيتنا هذي اهي المواد العامه بس

يعني كويت وتنميه وثقافه علميه وانجليزي 1 و2 والمواد الاختياريه كلها بحححححححح ماكو

عموما اهما قالولي اذا تبين تغيرين تخصصج ما عندنا مانع ( يعني مسموح لي اغير تخصص للمره الثانيه .. لاني كنت تكنولوجيا وبعدين اسره ومستهلك ) لانهم وهقونا وخافوا نوديهم بداهيه على هالمصيبه اللي سووها طبعا باستثناء التخصصات اللي فيها مقابلات واختبارات مايصير

بس انا رضيت بالامر الواقع لاني شفت ميزات تخصص الاسره اكثر

وقلت بنفسي ان شاء الله نحصل شعب مفتوحه لنا وماتصادفنا مشكلة الشعب المغلقه لان اعدادنا بالتخصص قليله نسبيا

وبس هذي قصة الاسره والمستهلك

واااااااااااااااااااااي تعبت تعبت طاحت ايدي

بس تستاهلون حبيت اعطيكم تفاصيل ماراح يقولونها لكم الموظفات

لان مالهم خلق يتحجون حسبي الله عليهم ونعم الوكيل عليهم

ولاني دخت ال 7 دوخات عشان اعرف هالتفاصيل ..

قطيييييعه تقطعهم والله مو لاعب بمستقبلنا ومؤخر تخرجنا غيرهم



ها يا حلوين اكو احد بيغير للاسره والمستهلك الحين ..!!!!!!

هذا الحجي قبل جم شهر

الحين نزلوا لنا مواد ازياده بس هم لحد الحين المجرشيت ناااااقص ومو كامل

بس بما انج تبين تخصص فنيه بعد حطي في بالج ان قبولهم اغلبه واسطات

انا قدمت عليه مرتين ورفضوني وقالولي اشكثر بنات انه بالواسطه

حتى رئيسة قسم الاقتصاد لمه قلتلها قالت اشتبين فيه هذا يقبلونه بالواسطات

يعني يستحسن انج لمه تحطين رغبة فنيه تحطين معاها رغبه ثانيه

عشان ماتفلسين من الكليه لووووووووول

 

[خفايا الروح]

رياض اطفال المساند فنيه \ وموسيقى\ تربيه حركيه ,,,

 

[بنات حواء2]

حبايبي اشلونكم انشاله الخير انا عندي استفسار و ياريت تساعدوني فيه و راح اكون شاكره لكم يا بعد عمري طبعن خلصت الامتحانات و طلعت النتايج و شفت نتيجتي على الانترنت و الحمد لله يايبه في كل المواد اي و الحمد لله و انا ماخذه 17 وحده بس المعدل ماتغير يعني اهوه اهوه معدل الكورس الي طاف ليش ما تغير يعني يتغير مع الايام إلي يايه و لا شنو ؟

و انتو تغير معدلكم و لا نفسي لأنه مو معقوله يعني كل المواد اي لازم المعدل يحذف و هو ثابت على معدل الكورس إلي طاف و لأنه نظامنه يخوره فقلت اتاكد منكم و انشاله يارب تفيدوني
عفيه لا تكشتون فيني

 

[miss_avocado]

اهلين بنات حواء2 و الله زماااااااااان ؟؟
شلونج حبيبتي يشرفني ارد عليج
لا حبيبتي معدلج راح يتغير مع الايام حلوه هذي اعجبتني اهما الحين بس يحطون النتايج و بعدين يحطون المعدل و مبروك على Aيا حبيبتي

 

[روج كرزي]

**الجوري الوردي** مشكورة ياقلبي انا درست بالجامعة المفتوحة سنة ونص وصعبة حيل وماقدرت اكمل وخليتها ومعاي ديلوم تجاري ادارة وحاليا موظفة وبقدم على اجازة دراسية وبحط التخصص بطلب الأجازة شنو تنصحيني فيه ..
!+! تــوتــه !+! ثانكس كتيييير الله يعينج ويقويج يارب.. بس مافهمت الأقتصاد الحين نظري والا عملي وبجم سنة اتخرج ؟ وشنو مساندة ؟؟ وشنو مساند الفنية وشنو اسهل واحسن فيهم تنصحيني فيه تكفين ؟؟
خفايا الروح تسلمين يالغاليه ...

 

[عالي مستواها]

اللي سألت عن مساند رياض أطفال .. رياض الأطفال ماله مساند ونفس الشي الاقتصاد

الاقتصاد ياخذون مواد علوم عن التغذية و كيميا وشغلات جذي بس هذا ما يعتبر مساند يعني ما تقدرين تتوظفين مدرسة علوم لما تتخرجين من الاقتصاد

حنا برياض الأطفال تخصصنا أساســًا " علم نفس طفل " وهو فرع مو فروع علم النفس لو بكمل دراستي أقدر أكمل بعلم النفس أو بأصول التربية

أتمنى محد يفتي بشغلة ما يعرف فيها

 

[جوجو.]

**الجوري الوردي** مشكورة ياقلبي انا درست بالجامعة المفتوحة سنة ونص وصعبة حيل وماقدرت اكمل وخليتها ومعاي ديلوم تجاري ادارة وحاليا موظفة وبقدم على اجازة دراسية وبحط التخصص بطلب الأجازة شنو تنصحيني فيه ..
!+! تــوتــه !+! ثانكس كتيييير الله يعينج ويقويج يارب.. بس مافهمت الأقتصاد الحين نظري والا عملي وبجم سنة اتخرج ؟ وشنو مساندة ؟؟ وشنو مساند الفنية وشنو اسهل واحسن فيهم تنصحيني فيه تكفين ؟؟
خفايا الروح تسلمين يالغاليه ...

هلا ياقلبي شوفي شنو ميولج وشنو انتي تحبين وتوكلي على الله وكتبيه بس ماانصحج بعلوم المكتبات لان ماعندهم كادر للتدريس واعتقد تكنلوجيا التعليم ماله كادر بعد اما الباجي فكلهم اوكي وموفقه بأي شي تختارينه وحياج الله معانا

 

[جوجو.]

اللي سألت عن مساند رياض أطفال .. رياض الأطفال ماله مساند ونفس الشي الاقتصاد

الاقتصاد ياخذون مواد علوم عن التغذية و كيميا وشغلات جذي بس هذا ما يعتبر مساند يعني ما تقدرين تتوظفين مدرسة علوم لما تتخرجين من الاقتصاد

حنا برياض الأطفال تخصصنا أساســًا " علم نفس طفل " وهو فرع مو فروع علم النفس لو بكمل دراستي أقدر أكمل بعلم النفس أو بأصول التربية

أتمنى محد يفتي بشغلة ما يعرف فيها[/QU

احنا قلنا نتوقع يااستاذه محد افتى

 

[!+! تــوتــه !+!]

روج كريزي

والله احنا لحد الحين مادشينا بالتخصص حيل بس اهو بيكون عملي ونظري مع بعض

ولو اني حاسه ان العملي راح يطغى اكثر

وماكو تخصص مساند

التخصص فيه 4 تشعيبات

اللي اهما

تصميم الازياء / السياحه والضيافه / الغذاء والتغذيه / والتصميم الداخلي

وندرس كلهم مع بعض طبعا

يعني ماكو مجال تختارين التشعيب اللي تبينه


وبالنسبه للفنيه مسانده تصميم داخلي


اما شنو اسهل والله مااقدر افيدج

انتي شوفي ميولج شنو وقرري

بس مثل ماقلت لج اذا بتحطين الفنيه رغبه اولى

لازم تحطين لج رغبه ثانيه لان مثل ماقلتلج كله شغل واسطات بواسطات

واي استفسار لا يردج الا السانج

 

[خفايا الروح]

أنا كنت رياض اطفال والمجرشيت كاتبين

المقررات المسانده الاجباريه

-تربيه فنيه 1

-تربيه فنيه 2

-تحليل رسوم اطفال

- المدخل العلمي للتربيه الحركيه

- تربيه حركيه 1

- تربيه حركيه 2

تربيه موسيقيه 1

- تربيه موسيقيه2



بناءا على هذا انا جاوبت ,,

ما افتيت يالغاليه ,,

وانا عارفه ان مو معناته بتدرسين فنيه او غيرها برياض الاطفال

يعني خلاص تقدرين تصيرين ابلة فنيه
لان اصلا رياض الاطفال بتاع كلوا

جامع كذا شي بتخصص واحد ,,

واذا كنا غلطانين سوووووري و حقج علينا

 

[swear om elfal]

انا معاكم

 

[عالي مستواها]

حبيبتي خفايا الروح أنا ماكنت أقصد شي

صح مثل ما تفضلتي بالرياض ناخذ مواد من الفنية والبدنية والموسيقى بس هذا مو مساند لأنه مادتين من كل تخصص .. المساند مثلكم بالإسلامية تاخذون مواد عربي يعني تقدرون بعدين تتوظفون على المساند او الرياضيات والعلوم اللي تتخصص علوم يصير مساندها رياضيات أو العكس

حنا المواد اللي ناخذهم يخدمون التخصص مو مساند ..

 

[روج كرزي]

الجوري الوردي* توته* خفايا الروح* عالي مستواها* جزاكم الله الف خير حبايب قلبي .........

 

[جوجو.]

حياج الله يا قلبي

 

[جوجو.]

بنات تخصص اسلاميه شنو المطلوب منكم تحفظونه من القرآن الكريم في الكورس ؟؟؟

 

[منارة الشرق]

السلام عليكم ،،،
أنا تخصص تربية اسلامية وفي تجويد واحد خلونا نحفظ جزء عم كامل وامتحنونا فيه.

 

[Galb.sh]

السلااااااام ،،،

بغيت أسأل اذا بدخل كليه التربيه الاساسيه لازم جم تكون نسبتي ..؟؟ لان هاذي اخر سنه لي بالثانويه ؟؟ وانا أدبي

وشكرااااا

 

[Winter Q8]

http://www.paaet.edu.kw/admission-policy-2007.htm

 

[جوجو.]

السلام عليكم ،،،
أنا تخصص تربية اسلامية وفي تجويد واحد خلونا نحفظ جزء عم كامل وامتحنونا فيه.

مشكووره

 

[شيخة الزين]

بنات بليييييز جاوبوا على أسئلتي اللي محيرتي

ألحين متى موعد تسجيل المقررات بالضبط أقصد السحب والإضافه؟؟<<<مادري احنا سجلنا شي عشان نسحب ونضيف وكم مدتها يعني كم راح تستمر؟؟

والله تحيرت اللي يقول بداية الكورس واللي انتهى موعدها


وبعد كم رقم مقرر الانجليزي التمهيدي؟؟

بنات الله لا تطنشون أنا مستجده ومالي علاقات وايد بالكليه
فأبيكم تجاوبون على أسئلتي الله يرضا عليكم​