بنات كلية التربية الاساسية ......حياكم جميعا

[الkحيله]

حرم نمر بن عدوان
وعليج السلام ورحمه الله وبركاته
موقع الكليه مخرف ومسكرب ومصاب بالشيخوخه ومابه من معلومات خاطئه 50 %<<<<<حسب الاحصائيه
حاطين معدلي في اول فصل 2,75 مع ان كل المواد B والحين لو ارجع نفس الصفحه مالت الفصل الاول اشوفها متغريه وصايره 3 ولا يضيق خلقج جيكي عالموقع بعد ثلاث شهور بتشوفينه مراجع حساباته بيعطيج حقج باذن الله ولا يضيق خلقج يابنت الاجواد روحي استانسي بما تبقى من الاجازه

 

[**حرم نمر بن عدوان**]

يا بعد عمري والله يالكحيـــــــــله ،،
الله يريحج مثل ما ريحتيني يا عين ابوي >> مصدقه انها وضحى
بس حلوه الموقع مصاب بالشيخوخه هههههههه
فديتج والله
امممممم بما اني انا وياج سهرانين اشرايج نفيد بعض عن الدكاتره ؟!!
يعني نحط قائمة الدكاتره ال 5 ستارز اللي تنصحين فيهم سواء مجربتهم او سامعه من رفيجاتج
وقائمه عن الدكاتره البلاك لست _03BA:
اللي انحشششششش عنهم ؟؟

 

[**حرم نمر بن عدوان**]

يعني ال B ما تنزل المعدل ؟؟

 

[الkحيله]

يلا
بس انتي اي تخصص انا اسلاميه

 

[ملاك بلا أجنحة]

صباح الورد ..

انا بعد بالتربية الأساسية ..

خلصت سنة بس

اي والله على طاري الموقع يا بنات عن جد مخررررررررف

 

[الkحيله]

مادري لي سنتين بالكليه وماعرفت النظام بس على موقعهم اللي كل له رقم

 

[**حرم نمر بن عدوان**]

هلا ملاك بلا اجنحه ارحبي معانا

 

[الkحيله]

حرم بن عدوان بما اني تخصص اسلاميه ارشح
محمد الشطي
اسامه عبد الرحيم
عمر الكندري
هذوله الستار اللي عندنا بكل شي بالتعامل و الشرح و الدرجات

 

[**حرم نمر بن عدوان**]

انا تربيه فنيه ،، وملاك شنوتخصصج ؟

 

[ملاك بلا أجنحة]

هلا فيج حبيبتي

شنو تخصصاتكم ؟ و انتو بأي سنة الحين ؟

انا خلصت اول سنة بس
و تخصصي ( علوم الأسرة و المستهلك )

 

[الkحيله]

صباح النور ملاك
حياج
واذا عالتخريف مو بس الموقع مخرف الكليه بكبرها مخرفه شفتوا شسوي بالدكتور عبدالستار ضيف حرام عليهم ظلم

 

[نــوف]

صباح الخير بنات
شلونكم وشلون العطله
احس بضيقه خلق من العطله لاني تعودت علي الكليه والدوام

 

[**حرم نمر بن عدوان**]

احنا بالتخصص والله كلهم 5 ستارزوتحسين كانهم عائله وحده ومتعاونين معانا حيل بس طبيعة تخصصنا كرف ..!

 

[ملاك بلا أجنحة]

اي والله صاجة يالكحيلة الكليه اكس بس يلا هذا الواقع و لازم نتقبله بعد شنسوي لوول


اهليييييين امواج ..
لا والله انا الاسبوع اللي طاف مخلصه صيفي ..
ما شبعت من العطله بعد :>

 

[**حرم نمر بن عدوان**]

الكحيله انا اعرف بنات بنفس تخصصج يمدحونه بس يتذمرون حيل من العربي !!
وشنو سالفة عبالستار ضيف وشنو يدرس بعد !!؟

 

[الkحيله]

والله ماشوف مثل تخصصنا دكاترتنا ينحطون عالجرح يبرى كل واحد احلى من الثاني
والمواد سهله كلها معلومات من الثانويه و المتوسطه
حتى التجويد الجزء الثلاثين اللي احنا اصلا حافظينه
وملاحظه شغله احنا التخصص الوحيد اللي يداوم ايدى ورى وايد جدام ما ويانه شي يكسرون خاطري التخصصات الثانيه اللي شايله شبل بتزرع واللي محمله مساطر ورق بياني واللي محمله العده كل مكان ابر وخام خيوط وزرارات الله يعينكم

 

[**حرم نمر بن عدوان**]

ملاك صج المجرشيد مالكم ليلحين ما خلص >> هههههه والله الكليه مسخره
ملاك شاركينا منو الدكاتره اللي درستي عندهم وتنصحين فيهم ،، فيدينا يا وخيتي

 

[الkحيله]

عبد الستار ضيف ياطويله العمر دكتور قديم بالكليه مشيب والفصل الصيفي يكون آخر كورس له ونزل المواد و الطلبه سجلوا و امتحنوا وبعدين انصدم بعدم صرف مكافئه الصيفي ويقولون انت غير مدرج بالصيفي , طيب مو انتم اللي منزلين الماده باسمه و الرجال مداوم كل المحاضرات والحين المسكين انحرم من الفلوس تعب الصيف و الطلبه ماينعرف مصيرهم
جذي يسوون بالشيبه اللي قضى سنين بالكليه بدل مايكون ختامها مسك

وغريبه مادريتوا بالسالفه هذا واحناه بالبيت عرفنا اخباركم ياللي داومون

 

[**حرم نمر بن عدوان**]

لاااااااااااااااااا الكحيله لااااااااااااااااااا
جبتيها ع الجرح ...!
انا القش اللي اشيله مسبب لي ازمه نفسيه
اديني طلعت فيها عروق من كثر الاغراض >> على فكره تخصص التربيه الفنيه الكل
ماخذ فكره انه سهل ورسم وخرابيط..! بس الواقع انه اكثر تخصص مكلف واكثر تخصص
فيه طلبات واغراض بالاضافه ان الماده الوحده من التخصص عليها وحدتين وتقعدين فيها 4 ساعات !!!!
يعني الماده الوحده عندنا اما من 8 لي 12 او من 1 لي 5 ،،،، الله يعين بس رغم هذا كله زي العسل على ألبي
لاني داخلته عن هوايه مو صدفه او بسبب المعدل

 

[**حرم نمر بن عدوان**]

مسكين حرام لازم يعطونه حقه >> شنو بعد مو قاعد يطر الرجال تعب وداوم فمن حقه ياخذ راتبه
بس ما عليج بالكويت ديرة الخير محد ينظلم بإذن الله
الكحيله شلون المساند مالكم العربي لانه مسبب ازمه لرفيجتي ههههه
انا عن تخصصي مساندنا يبط الجبد الصراحه (تصميم داخلي) كله هندسه في هندسه واللي
زايد الطين بله ان جمييييييع مواد التصميم الداخلي في الملحق المهجور ...! (( ملحق 2 ))