بنات لحقوني موقادرة عالعوار

[english muffin]

سلام بنات
امس كنت شايله سلة و واقفه السله كلش ماكانت ثقيله كنت وواقفه متخصرة عل جنب جان فجأة اييني عوار قوي هديت السلة هاي كان هالساعه 4:30 العصر بعد ساعه بدا العوار يزييييد عدل عدل على خاصرتي من جهة اليسار للساعه 1 كنت امشي عوية من الالم
جان اتلحف عدل وانام
الحين قعدت يابنات اااااه اللله لاااايوريكم العوار
صوبي اليسار مت خصري لظهري لبطني من تحت وااايد يعورنييييي
شالسالفة؟ تحت بطني بعد يعورني واايد
هل هذا مغص؟ بس امس الظهر رحت عزكم الله الحمام
هل داش فيني هوا من البرد؟
شاسوييييي
وعندي مثل شعور اني حصراانة بس اروح الحمام مافي شي
*

 

[*فرحة عمري*]

روحي المستشفي احنا ماراح نفيدج
مابي اخرعج بس عوار الظهر و اسفل البطن
علامة موزينة روحي المستشفي حالا خل يشوفون
شسالفه
وربي يتمم عليج وعلي وبعدين لا تتهورين وتشيلين شي تري حمال هالوقت مايتحمل
تشيلين كلنكس مو سله الله يكافينا الشر

 

[english muffin]

الحين العوار بس تحت بطني
بنات احسه مثل المغص لان يعصرني

 

[أملي بعد الله]

روووووووحي مستشفى شناطرة تبين الألم يخف مثلاً ؟ انتي بنفسج تشوفيه قاعد يزيد يعني فيه مشكلة

طيري لأقرب مستشفى قبل لا تتعورين أكثر ويصير شي للنونو لا قدر الله

الله يحفظه ويبارك فيه ويثبته بخير , والله خفت


طمنينا عاد

 

[نـعـومـه]

رايي من راي البنات

روحي المستشفى

 

[english muffin]

راح العوار من خصري وظهري كلش احس كان غازات او ريح
بس تحت مو تحت بطني لا.. تحت تحت يعورني وهالشي الي اعرفه انه طبيعي لان الرحم يتمدد
احس جني بروح الحمام

 

[A.N.L]

ماتشوفين شر قلبوو

 

[english muffin]

رحت المستشفى طلع فيني التهاب شديد في البول وتقلصات في الرحم

 

[امواج الكويت]

شربي سوائل وايد لا تقعدين على نفسج وريحي خل تروح التقلصات

 

[@ام يوسف@]

ماتشوفين شر والله يتمم عليج

 

[اخت خالتهم]

حبيبتي ريحي و انسدحي على ضهرج
و رفعي ريولج على وسادة او اي شي
وما تشوفين شر حياتي

 

[مشتطـه]

أمبي انا حيل استغرب من اللي ييهم عوار فجأه ومايروحون الطبيب أمبي بنات ليش ماتخافون



انا خوااااااااااااااااااافه حيل

 

[english muffin]

مشتطة لان التقلصات كانت تصيدني قبل ورجت قالو لي البطن قاعد يكبر

 

[أخصائية تغذيه]

اسم الله عليج انقلش دربالج على نفسج والله على قولة وحده من البنات حمال هالوقت كلينكس ما نشيل..

وعلى قولة خالتي أم ريلي تقول حمال بنات هالوقت ملزق مثل العلج هههههههههه تضحكني..

الله يثبت حملج ياااااااارب وتقر عينج بشوفة النونو بحضنج ...

 

[rtoj]

والله انا بعد مثلج اختي اييني عوار من تحت الحوووض وصوب المثانه واحس انه التهاب بالبول

وحتى عوار بجنبي اليمين والقهر والله العظيم اني اروح اسوي تحليل ما يبين يقولون ما فيج شي لدرجه اني قلت للدكتوره بسوي زراعه قالت ما نسوي زراعه الا لمن نشوف اذا فيج التهاب بول وقالت يمكن فيج التهابات مهبل وخذيت كورس تحاميل وخلصتهم ولحد الحين العوار اليوم مو طبيعي تخيلوووا قاعده امشي وانا منحنيه ماقدر ارفع ريولي او اتحرك بسرعه

اي وبعد كنت اقول للدكتوره كله احس بحرقه بالبول قالت لي بعطيج حبوب كرام بري تعتبر وقايه لج وتفيدج للالتهاب البول وخذيتهم

بس مادري شسوووي

مراجعتي الثلاثاء الياي والدكتوره عطتني تحليل بول لازم اسويه قبل مراجعتي بفتره قصيره علشان تشووف اذا اكو التهاب اولا

بصراحه ساعات اقول يمكن ما فيني التهاب يمكن من تعب الحمال وساعات اقول مو زين اسكت جذي خاف التهاب بول وانا ما اعرف ومو زين عالبيبي

سوري بنات قرقت وايد لان صج احاتي وماني عارفه شسوي بنطر لي باجر اذا ما راح العوار بروح للمستشفى

 

[ام رينـاد]

ماتشوفين شر حياتي روحي الطبيب بسرعه
الله يثبت حملج ياااااااارب وتقر عينج بشوفة النونو بحضنج ...

 

[-فلانة-]

ما تشوفين شر يا حبيبتي ديري بالج على عمرج وارتاحي كثر ما تقدرين ماله داعي تشيلين سلة و تتخصرين بعد؟؟؟؟:eh_s(4)::eh_s(4)::eh_s(4):
تخصري على كيفج لما تقومين بالسلامة إنشالله..:eh_s(7)::eh_s(7)::eh_s(7):​

 

[كويتيه مذهله 87]

احتمال فيج التهاب

ماتشوفين شر

 

[[[ عيون جابر ]]]

اسم الله عليج

 

[الحــــــلا كله]

ما تشوفين شر انقلش
ديري بالج على نفسج وشربي ماي زياده