بنات .. لحقوو علي .. تفكيري انشل ..

[هيونه البحرين]

قوه بنات شخباركم ؟؟؟

انا عندي مشكلة كبيرة .. كل كلمة تنقال لي بسرعة تحز بخاطري ..
من فترة تعرفت على بنت عن طريق البلاك بيري .. انا عمري 24 و هي خببرتني ان عمرها 25 ..
البنت صارت معاي اوكي .. وبيوم قالت لي شرايج بالخطابات ؟؟؟

قلت لها نصيبنا بيجينا و احنا تونا 24 مو 25 ... يعني للحين ما عنسنا ..
البنت انقهرت من كلامي .. قالت انتي 24 بس انا جذبت عليج .. انا عمري 33 ..

المهم البنت صارتحوم على راسي عن سالفة الخطابة وانا مو راضية ..
بعدين قالت لي انتي انانية تحبين نفسج و بس وقلبج قذر ..

بس عشان انا مابي اكلم خطابة ..
قلت لها كيفج روحي كلمي خطابه عن نفسج .. انا مابي ..

صار لها اسبوع رايحه راده تكلمي فلانه تزوجت و فلانه انخطبت .. عشان اتضايق .. بس والله نا ما يضايقني هالشي .. قلت لها نصيبي اذا جا الحمد لله و اذا ما جا الصلاح عند الله ..

وامس كانت تقنعني تروح لمشعوذه تبي تسوي سحر حق واحد عشان يتزوجها ..
وربي البنت مو عاقلة .. ابلغ عليها ؟؟ اخبر اهل الريال عنها ؟؟؟

والله ازعجتني وهي تقنعني بالسحر
حسبي الله و نعم الوكيل فيها

 

[هــنــوف]

حبيبت قلبي وانتي تعرفتي عليها عن طريق البلاك بيري مع احترامي لج طريقت معرفتج فيها من البدايه غلط منج


وبعدها قصت عليج بعمرها وبعدها خطابات << اوك يمكن انتو عندكم مافيها شي الخطابات بس مشعوذين مرره وحده لايبااا اسلمي برووحج منها لاتسوي لج شي واتركيها

 

[رحــــيــــل]

حسبي الله ونعم الوكيل عليها ماتدري إن السحر من الكبائر

حبيبتي السحر فيه خراب بيوت ومشاكل وتعب ومعاناة للشخص المسحور

الموضوع مايحتاج تفكير قوليلها إنج موافقة تروحين معاها تالي بلغي الشرطة عنها ترتب خطة ضدها

هالأشكال الوصخة لازم تنقرض وحرام تعيش بينا

 

[منو انت]

خطابه ماشي تبي تشوف نصيبها مومشكله بس سحررررررررر عسى ماشر ؟ ليش ؟

اكره هالنوع من الناس اللي ماتخاف الله وكل شي عندها عادي حسبي الله عليها وعلى اشكالها وعلى كل وحده تمشي بطريق السحوره

ماادري شنو اقولج بس الاكيد ديري بالج منهااااااااااااااااااااا

 

[BoxCouture]

حبيبتي خافي من إلي مايخاف ربه وخري عنها وادعيلها ان الله يهديها لانها مستعده تسوي اي شي وموخايفه اذا تعرفين الشخص قوليله يمكن يتحوط ---حسبي الله ونعم الوكيل بإلي ما يخاف ربه---الله يعين

 

[ريومه2011]

حسبي الله ونعم الوكيييييل فيها بنت اللذينا
شنو هذا!!!!!
لهالدرجه توووصل فيها للسحوووره والشعووووذه
اقطعي علاااقتج فيها لاتجرج ببلاوووويها هذي مو صاااحيها خليها تسووووي سحورتها بعيد عنج
الله يحمييييييييييينا يااااااااااااارب

 

[Q8Swana]

انت شلي حادج ترافجين من البلاك بيري
قطعي علاقتج فيها شكو مكمله لحد الحين
يمكن تطلع شذابة ليش تتدخلين بشي مالج شغل فيه

 

[هيونه البحرين]

انا عن الخطابه مستحيل ارضى لان عندنا عيب..
والبنت هذي نصحتها بس لو شفتها ردت حق هالاشياء بكلم اخت الريال لاني اعرفها ..

 

[أحبك أمي]

الله يهديها
بس ليش ماقطعتي علاقتك فيها
وش تنتظرين من وحده كذابه

 

[رمز الفخر]

حسبي الله ونعم الوكيل الله لا يبلانا اقطعي علاقتش معها فورا وصلي السنه وادعي الله يكفيش شرها ويصدها عنش

 

[سويت فانيلا]

بلغي عنها

 

[ديانا سبنسر]

بلغي الشرطة واكسببببببي اجر الريال واهله وجزاج الله خييير على نيتج الصافية

 

[حآلية الذوق ~]

حسبي الله ونعم الوكيل فيها

كلمي اخت الريال لايطيح الفاس بالراس

:s

 

[lakatat nour]

شوفي نصيب الانسان راح يصيبه حت لو كان بالصين
الله لا يقطع احد تزوجت كان عمري27
انسان ناضجه ومتعلمه وخريجه جامعة
جا نصيبي بالكويت
الله وين كاتب النصيب والحين عندي ولدين عمري حين 29

 

[amoona89]

النصيب بيجي ان شااء الله
بس من غير ماتهدم بيووت
خير ان شاااء الله تبي تسووي سحر وشعووذه
اتركيهاا عنج وهدديهاا انج راح تبلغين عنها وابعدي عنهااا لانها راح تضرج​

 

[هيونه البحرين]

ما قصرون فديتكم..

انا تركتها و كلمت اخت الريال عنها .. وهي تتصرف

 

[• JoJo •]

اتركيها وعسى الله يكافيك شرها

 

[أبكاني ذنبي]

حبيبتي اللي مافيه خير


تركه خير